লাইনিংথৌ নোংপোক নিংথৌ অমসুং ইমা পান্থোইবী

Homeআর্টসৱারেং

লাইনিংথৌ নোংপোক নিংথৌ অমসুং ইমা পান্থোইবী

  মপু পীবুক্নুংদগী থোক্লকপদা য়াবী ইমা হায়বা খঙহনবনি। ৱাহৈ পরেং অসিনা পান্থোইবী ইমাবু ফোঙদোক্লিবা মপূং ওইবা ৱাহন্থোক্তি তাইবং পানবগী মপুনা মা

লোংজম সোমরেন্দ্র অরুন

 

মপু পীবুক্নুংদগী থোক্লকপদা য়াবী ইমা হায়বা খঙহনবনি। ৱাহৈ পরেং অসিনা পান্থোইবী ইমাবু ফোঙদোক্লিবা মপূং ওইবা ৱাহন্থোক্তি তাইবং পানবগী মপুনা মাগী চাদা নাউদা পূম্নমকপু মালেম অসিদা শন্দোক্লকপদা য়াম্না মপূং ওইরিবী তম্পা কৌবী নোংদমদোন পাক্না ৱাংবী ৱাবগীসু ঙমখৈ নাইদবী লাই পূম্নমক্কী য়েক শলাই পূম্নমক্কী পোক্লকফম ওইদুনা মঙোন্দগী লোয়না শন্দোকখিবী, থৱায় পানবা পূম্নমক্কী মপান মরু ওইবী লাই ওইনা মীগী নিংথৌ ওইবী লাইগী মরক্তগী মীওইবগী অথোইবী লাই ওইবী হে খোইমোম তম্পা তাও-ও হায়দুনা মালেম অসিগী পলেম মমা ওইরিবী ইমানি। থৱায় পানবা পূন্নমকপু য়াদুনা মতম্পাক্তা তম্পা তাও-ও হায়দুনা মালেম অসিগী পলেম মমা ওইরিবী ইমানি। থৱায় পানবা পূম্নমকপু য়াদুনা মতম্পাক্তা পমদুনা মচাগুম্না য়োকপীবনি লৈপাক লৈমনি হায়বা ফোঙদোক্লি। তম্পা কোরও অৱাংবী হায়দুনা অতিয়াগুম্না ৱাংবী তম্পা হায়দুনা মহাক অসি নোংমদোন্দা লৈবীনি হায়না উৎলি।

নোংপোক নিংথৌ অমসুং পান্থোইবী কনা-কনানো হায়বগী মরমদা ঐখোয় খরা খঙমিন্নসি। অহানবদা মখোয়গী মমিংদি করি ৱাহন্থোক লৈবগে হায়বা অদু য়েংলগা ইরিবা ৱাগা চানদুনা য়েংনবা অসিনি। নোংপোক হায়বা মিং অসি ‘নোং’ অমসুং ‘পোক’ অনীনা পূল্লগা ওইবা মিংনি। মখোয় অনী অসিনা পূল্লগা করি-করি ওইবা হায়বা অদু য়েংলবদি মখাগী অনী অসি ওই। মদুদি নোংবু পোকপা মফম নোংপোক হায়বদি অতিয়া, অদুগা নোংমা হায়বদি নুমিৎ অমা পোকপা (হৌবা) অসিনি। মরম অসিনা ‘নোংপোক হায়বা অসি কনাগুম্বা অমগী মমিং অতিয়া অসি ফংই। হৌজিক অসিদগী কনানো হায়বদি করম্বা ৱাহন্থোক্কী মশক্নো হায়বা অদু নোংপোক্কী মরমদা তাক্নরি।

নোংপোক হায়বা মমিং অসিদগী নোংপোকপু অতিয়া/ মালঙ হুম ওইবা ওইনা লেপখিবা অদু পান্থোইবী খোঙ্গুলগী লাইরিক্কা চানব্রা হায়বা অদু নৈনদুনা য়েংবা তারি। নোংপোক নিংথৌবু খঙনবা ইরকপদা অহানবমক্তদা ‘নোংপোক মালঙ হুম ওইবা’ হায়না ইরি। হুম ওইবা হায়বা অসি ‘মহুম ওইবা’ হায়বনি। মরম অদুনা মালঙ হুম ওইবা অসিনা নোংপোক্কী মখাদা নুংশিৎনা য়োমদুনা লৈবগী মরমদা ইরি। মসি তাকপদি নোংপোক অসি নুংশিৎমক্নি তাক্লি। অদুনা মহাকপু অৱাংবগী মকোক্নি  হায়দুনা নোংপোক নিংথৌ হায়বনি। মসিনা মায়কৈ পূম্নমক শিন্থুংনা লৈরিবা মালেমগী অকোয়বদা লৈরিবা অতিয়াবুনি তাক্লি।পান্থোইবী হায়বা মিং অসিবু ‘পান’, ‘থোই’ অমসুং ‘বী’ অহুম অসিনা পুল্লগা ওইবা মিং অমনি। মসিনা থোকপনা পান = (পাননবা) + থোই = (থোইদোকপা পোৎ) + বী = (পীবী) = পানথোইবী অসিনি। মসি য়েংবদি তাইবঙ পানবদা পোকপা থৱায় পানবা পূম্নমক্না পান্ননবা পোৎ থাইদোক হেন্দোক্না পীবিবদি মালেমননি। লৈপাক লৈমনি। নোংপোক পান্থোইবীনা অসি অতিয়া/মালঙগা মালেম লৈপাক্কা ওইরে। অদুদা পান্থোইবীনা মালেম লৈবাক ওইরবদি নোংপোক অতিয়া / মালঙ ওইবা তারি। তাইবং পানবগী থৱায় পানবা পূম্নমক্না তাইবং মপুগী পিবুক্নুংদগী থোক্লকপদা য়াইবী ইমা হায়বা খঙহনবনি। থৱায় পানবা পূন্নমকপু য়াদুনা মতম্পাক্তা পমদুনা মচাগুম্না য়োকপীবদি লৈপাক লৈমনি। পান্থোইবীবু “তাইবঙ লীকলেং লংশুংয়ায়, লৈতরেং নোংতংলেংবী” হায়না অরিবা লাইরিক ‘পান্থোইবী খোঙ্গুল’ না ফোঙদোক্লিবনা পান্থোইবী অসি লীক পরেংগুম মথং-মনাও নাইনা ওন্ন-ওন্ন চৎলিবা তাইবং পানবা অসিবু লংশুংনা ময়ায়দা লেংদুনা লীক মরু পূম্নমক লেঙদনা থম্বগুম থৱায় পানবা পূম্নমকপু লেঙদনা নীয়ম নাইনা থমখিবী লৈপাক নোংথৌ অনীবু ফারিবী থৱায়গী তুংফম ওইবী হায়বনি। মরম অদুনা তাইবং পানবদা থোক্লিবা পোকপা অশি-অনানচিংবা পূম্নমক মালেমসিনা খঙফম থোকপনি। | মালেমদগী থোক্তবা লৈতে হায়বসিগী ৱাহৈ মতেক অমদা তরা চাকফুদু লৈপাক মীয়াম হৌনা চাবদা তরা চাকলোইবা নাইদ্রে। তরা চাকলেমখাক্না অমুক শৌগৎলে। তরা চাকনৌ ওইরে। অসুম্নবু, এনশাং এনলেমখাক্না একশৌর। ৱাংলৈ য়ুরেমখাকা য়ুশৌরে। মরম অসিগীবু য়োইবু তম্ফা লাইরেম্মা মাবু নমু চাদোল তাইবং সুদোন্না-তরা চাক্নীংখক্না চাকশৌবী, শংলৌ এন্নিংখক্না এনশৌবী, ৱাংলৈ য়ুনিংখাক্না য়ুশৌবী-ও হায়না কৌনবনি। অদুনবু মালেমসিদা লৈবা তাইবং মীওই খুদিং চাননবা, লৈননবা পূম্নমক ইমা মহাক্কী মফমদগীনি। মহাক্কী মফমদগী লাক্কনি চৎপসু মহাক্কী মফমদা চৎখিনি।

হয়া হে হে তম্পা
কোরৌ অৱাংবী ৱাংঙম কানখৈ অতাপ্পী

শোংলেন অথাপ্পী খোইমোম লাই ময়েঙ
য়েঙহৌ খোইরা মরুকি কোরৌ মিনোংথৌ
ৱাংপল মিকা শা তাও-ও।
নোংথি কোংয়াঙ মীচৈশু
লোকসৌ পললাং য়িনমখাঙ
অরুপি খোংলেন তারা মিপাই পায়
মীলুঙ যিরুথে অচেৎপী

লাংচেৎ চারা মীরুথেৎ
খায়নৌ মীরামৈ তাও-ও!

ৱাহৈ অসিদা পান্থোইবীবু লাইনি হায়নৈ।
‘হৈয়া হৈ’ হায়বা ৱাহৈদি ‘হৈ হৈয়া’ হায়বনি। হে তাইবং পানবগী থৱায় পানবা পূম্নমক্না তাইবং

মপু পীবুক্নুংদগী থোক্লকপদা য়াবী ইমা হায়বা খঙহনবনি। ৱাহৈ পরেং অসিনা পান্থোইবী ইমাবু ফোঙদোক্লিবা মপূং ওইবা ৱাহন্থোক্তি তাইবং পানবগী মপুনা মাগী চাদা নাউদা পূম্নমকপু মালেম অসিদা শন্দোক্লকপদা য়াম্না মপূং ওইরিবী তম্পা কৌবী নোংদমদোন পাক্না ৱাংবী ৱাবগীসু ঙমখৈ নাইদবী লাই পূম্নমক্কী য়েক শলাই পূম্নমক্কী পোক্লকফম ওইদুনা মঙোন্দগী লোয়না শন্দোকখিবী, থৱায় পানবা পূম্নমক্কী মপান মরু ওইবী লাই ওইনা মীগী নিংথৌ ওইবী লাইগী মরক্তগী মীওইবগী অথোইবী লাই ওইবী হে খোইমোম তম্পা তাও-ও হায়দুনা মালেম অসিগী পলেম মমা ওইরিবী ইমানি। থৱায় পানবা পূন্নমকপু য়াদুনা মতম্পাক্তা তম্পা তাও-ও হায়দুনা মালেম অসিগী পলেম মমা ওইরিবী ইমানি। থৱায় পানবা পূম্নমকপু য়াদুনা মতম্পাক্তা পমদুনা মচাগুম্না য়োকপীবনি লৈপাক লৈমনি হায়বা ফোঙদোক্লি। তম্পা কোরও অৱাংবী হায়দুনা অতিয়াগুম্না ৱাংবী তম্পা হায়দুনা মহাক অসি নোংমদোন্দা লৈবীনি হায়না উৎলি।

“কোরও খাইমবী, কোরও নোংনা উদবী,
মালেম লৈনা নিঙদবী, নঙবু কোরও নপা য়েং
চিঙঙু নতম খন্ন পুরুমজগে”
পান্থোইবী অসি অৱাংবা নোংথক্তগী হাইথদুনা তারকপীনি, অতিয়া অৱাংবনসু মঙোন্দগী তাখিবনি হায়বসু উদবী অদুগা তাইবং পানবা অসিনসু অৱাংবদগী তারকপনি হায়বা খন্নদবীনি হায়বা তাক্লি। পান্থোইবী অসি মশক মওং লৈতবী, মী, লাই করম্বনো খঙদবী নোংদোন্দগী তারক্লগা থৱায় পানবা পূম্নমকপু লংশুংনা লীক মরুবু ফাবগুম ফাদুনা তাইবং পানবদা লৈরিবা পোৎ পূম্নমক্কী তুংফম ওইবী হায়না তাক্লি। মথক্কী ৱাহৈশিং অসিদা য়েংলবদি তাইবং পানবগী তুংনফম ওইবী লৈপাক লৈমা নওনা অতৈ অমা ওইফম থোক্তে।

“মালেম লৈখম লৈনবী, লৈরোল লৈম লৈহিং কানবী,
লৈ শুক লৈশোই খোমবী”

লৈশেম্বদা থম্লম্বা লৈপাক পূম্নমক্কী মকোক ওইবী, লৈরোল-লৈরোল থমদুনা লৈপাক অহিংবা হায়বদি অহানবা ওইরকপদগী মশক হোংদ্রিবা লৈপাকপু য়োমদুনা থম্লিবী অদুগা অচোইবা পোৎ মচা-মশু পূম্নমকপুসু খোমজিন্দুনা থম্বী পান্থোইবীনি হায়রি। ইহান হানবা লৈশেম্বগী লৈপাক অহিংববু লৈপাক্না মরোল মরোল নাইনা য়োমদুনা থম্লিবদি মালেম নওনা অতোপ্পা পোৎ অমা ওইবা য়ারোই।

‘নুগি নুরম তারী, পাগি পারম শকপী
লুমাঙ শমলাং চগো  লয়,
লুতুং শমজি ওয়রম হুল
খোইমোম লাইগী মপোক থোইখোয়বী’
পান্থোইবী অসি নীপা-নুপী অনী শক্না লৈ। অমনা লেঙবা য়াদবা মহাক্কী শাজৎ অনী উত্তুনা পান্থোইবীবু মালেমনি হায়বা তাক্লি। মহাক্কী শাজৎ অনী অদু অমনা ‘লুমাঙ শম্লাং চগো লয়’ অমনা ‘লুতুং শমজি ওয়রম হুল’ হায়না তাক্রি। লৈদুনা চৎপা মালেমগী অহিং নুংথিলগী খোঙচৎ তাক্লি। অমনা নুমিৎপু কায়বা মালেমগী চহীগী খোঙচৎ তাক্লি। পান্থোইবীনা মালেম ওইরবদি করম্বা মতমদা পোকখিবগে হায়বা অদু অসুম্না ইরি,

‘লীক্লা ৱাইফেল চনদনা
যাৱা খোননাইদরিঙৈ
অতিয়া পুনুং পান্দম নাইদ্রিঙৈ’
মসিদনা পান্থোইবীনা পোকপগী মতম তাক্লি। তাইবংপানবা অসিনা লৈত্রিঙৈ লীক্লানা চাইনা তাদ্রিঙৈ, অতিয়াগী মশক অসিনা অরেপ্পা খঙদ্রিঙৈ করম্বা খোঞ্জেল অমত্তা লৈত্রিঙৈদা পোকখি। মসিনা তাকপদি মালেম লৈরবতদা অতিয়াগী মপুক মনুং অসি মশক লেপ্পনি। অদুগা অতিয়া লৈরবতদা খোঞ্জেল থোকপনি হায়রি। মহাক অসি মতম অমদা মৈবী অমদগী থোক্লকপনি হায়বা অদু ‘খাম্বী’, ‘মৈরিথক’, ‘মৈত্রেঙ’, ‘মৈথাঙ’, ‘থৌবু মৈতোংবী’,‘মৈবী হানতাংবী’, ‘মৈরল তোমশাৎনবী’ হায়বা ৱাহৈশিং অসিনা নুমিৎতগী থোক্লকপনি হায়বা তাক্লে। অদুনা অহৌবদা ‘হৈয়া হে’ হায়দুনা তাইবংপানবগী পোৎশক পূম্নমকপু পুবীনি হায়বা তাক্লে। মরম অদুনা তাইবংপানবদা থোক্লিবা অশি-অনানচিংবা পূম্নমকপু মালেম্না খঙফম থোক্লে। মরম পূম্নমক অসি লৈবনা ইমা পান্থোইবী মালেমনি।

মথক্কী ৱাফমশিং অসিনা তাকপদি মখোয়বু নীংজবা মতমদা ইমা পান্থোইবীতা নীংবা য়াদে। লাইনিংথৌ নোংপোক নিংথৌ য়াওনা নীংগদবনি। মরমদি ঐখোয়না লৈরিবা মালেম অসিদা নুংশিৎ য়াওদনা হিংবা য়াদে। ঐখোয়বু পোকপীবসু ইমা ইপা অনীনা পোকপীবনি। হৌজিক্তি লাইনিংথৌ নোংপোক অমসুং লাইরেম্মা পান্থোইবীগী খুভম লাইফম লৈবা খুঙ্গং লৈকাইশিংদা লাইনিংথৌ নোংপোক অমসুং লাইরেম্মা পান্থোইবীগী খুভম লাইফম লৈবা খুঙ্গং লৈকাইশিংদা লাইনিংথৌ লাইরেম্মা ইপা-ইমা অনীমকপু উমংলাই ওইনা হরাও শকশেমতম থৌদোক কুহ্মৈ শান্নদুনা লমদম অদুদা লৈরিবা মচা মনাইশিংনা খুঞ্জাও লৈচাওনবা চাকহোঙ ঙাহোঙনবগী ঈরাৎ থৌরম তৌনরে। উমংলাই হরাওবদা মরুওইনা মীওইবনা পোকপা অমসুং শিবগী মরম চাদা-নাউদা মরাং কায়না শন্দোরক্তববু শন্দোক্নবা মহৈ-মরোং মরাং কায়না পুথোক্নবা, শা-শন মরাং কায়না শঙ্গোন থন্না লৈনবা হরাওরম্মী। তাইবংপানবদা মরুওইনা চাদা-নাউদা শন্দোকপদা পী অমসুং পা ওইরিবা নুপী অমসুং নীপা অনীগী লৈনগদবা মরী অমসুং পাঙথোক্কদবা শিন্থা কয়া অদু ইমা পান্থোইবীগী ৱারীদা মরিক চুম্না ইরম্বতা নত্তনা  তেংবানবদা লৈরিবা থৱায় পানবশিং অসিনা চাদা-নাউদা শন্দোকপা মতমদা পুংবা নৎত্রবদি নামখক্তনদি থৱায় পানবশিং শন্দোকপা ওইথোক্তে। মীওইবনা তাইবংপানদা পোক্লবদি শোয়দনা শিগদবা মরৈরে অদুবু শিদ্রিঙৈগী মনুংদা মীওইবনা চাদবা য়াদে, ফি শেত্তবা যাদে, য়ুম-কৈ লৈতবা য়াদে হায়বসি নোংপোক নিংথৌ পান্থোইবী অনীগী ৱারীদা ফোঙদোকই। উমংলাই হরাওবদা তাইবং মালেমদা মীওইবনা মতৌ করম্না চাদা-নাউদা শন্দোরকখিবগে অমদি মী ওইনা মালেমদা হিংবদা করি-করি পোৎলম চঙই হায়বসি ইমা পান্থোইবীনা লাইয়ামগী মফমদা ঔগ্রি, লৈশেমলোন, খেনচো, লাইরেম্মা পাউশা, অনোইরোলনচিংবা য়াওনা উমংলাই হরাওবা পাঙথোকই। লোয়ননা লাইরেম্মা ইমা পান্থোইবী মাবুসু কুম অমগী লোইদাম মেরা থানা লাক্লবদা লাইয়িম লাইশঙ শাদুনা ঈরাৎ থৌরম তৌনরে।

খঙহঞ্জনীংবা অমনা কংলৈপাক্তা কংলৈচা ওইনা পাক্লোবা ইপা-ইপুশিংনা মরম অমত্তা চিত্থবা লৈতনা মীতৈ ঐখোয়গী হৌরকঙৈগী ইমা-ইপাগ মশক তাকপীরবনা ঙসিদি ঐখোয় পুম্বা মমা-মপা মশক খঙজরবা ওইরসি। ৱাশক মাঙদা থমদুনা চারোল-শুরোল কয়াগী ইপোৎ ইরল মাঙখি তাকখিদনবা পূনশিনবা মতম থেঙমল্লে খঙলসি। অশেংবা মমা-মপাগী অশেংবা মচানা মমা-মপা নুংশিদবা হৌনদে। মরৈবাক মরম লমদম মীরায়বা হৌনদে। মীৎকপ থোক্লসি। অরৈবা পাঙ্গল থৌনা পুথোক্তুনা পলেম পন্থৌগী থৌজান নীরসি। নোংপোক নিংথৌনা য়াইফরে, ইমা পান্থোইবীনা য়াইফরে।

COMMENTS

WORDPRESS: 0
DISQUS: