লন্দন কৈথেল্লাকপমগী ৱারীমচা-  দি ভোইজ ওফ ষ্ট্রিৎ

Homeআর্টসৱারি মচা

লন্দন কৈথেল্লাকপমগী ৱারীমচা- দি ভোইজ ওফ ষ্ট্রিৎ

``... চহি কয়া মিৎয়েং চঙলুদ্রবা শম অমসুং কোইশিংদু শাংমল্লদুনা অচৎ-অওকশিংনা মীমান্নদ্রবা মীওই অমগুম খল্লি। কনানসু হংনদে 'কদাইদগী লাকপনো?' শেৎলিবা অমনবা

“… চহি কয়া মিৎয়েং চঙলুদ্রবা শম অমসুং কোইশিংদু শাংমল্লদুনা অচৎ-অওকশিংনা মীমান্নদ্রবা মীওই অমগুম খল্লি। কনানসু হংনদে ‘কদাইদগী লাকপনো?’ শেৎলিবা অমনবা ফিরোন খরা অমসুং হুল্লিবা থম্মোইগী মীহুনদু নত্তনা মহাক্কীনি হায়বদা পাক চাউরবা মালেমসিদা করিগুম্বা অমত্তা লৈতে। মদুমক্না মহাক মশামকসি মালেমদা খ্বাইদগী মপুং ফানা নিংতম্বা ফংলবা মীশক অমনি হায়না লৌজৈ।পুন্সিগী খোঙথাং কয়ারক্তা হনজিন হনজিন মাইথিখিবনা শিংনবা খুদিংমক মফমদগী লৌথোকখ্রে। কনানসু মহাক্কী পুন্সীগী মাংদা করেম্ননা থিংলকখিদ্রে নোঙদম্বাফাওবনা। …”

থম্মোইদগী থোকখিবা ইশৈগী সুর কনানসু অপনবা পিদনা য়ৌখি পুম্নমক্কী নাপ্পদা। য়ুম্লোন চা কয়ানা কোইশিল্লিবা সহরগী কাচিন কোয়া শিনবা থুংনা শন্দোক্লি খোইথুম্নরবা খো্ঞ্জন্দুনা। খোন্থাং নাইনা নোংদোন অতিয়াদা পারপ পারপ খোংজেন তপ্না পাইরিবা অঙৌবা লৈচিনশিংগী মরক খাইর খাইরদুনা মোহমৎ রাফি, মাইকল, ইগলসকী মরক্তা অমত্তা ওইনা ইতিনখ্রি। করম্না খায়দোক্লুগনি লম্বীগী শৈশকপা, খুল্লক্কী শৈশকপা, ষ্টেজগী শৈশকপা!
আরাবিয়ান, হিন্দি, টুর্কিজ মরক মরক্তা নিংশিংলকপা মিকুপ্তা মৈতৈলোনগী কাউঙমদ্রবা ইশৈশিং শক্ই। লম্বীগী অচৎ-অওক খুদিংনা মীকুপ খরা পন্থদুনা অতমন্ননা তাদ্রবসু থম্মোই পানবা মীশিংদি টর্কিজ লিরা অমত্তা ওইরবসু থাদরমগনী। থম্মোইদগী থোকখিবা খোঞ্জেনদুগী মিনুংশি চাওবা থম্মোইনা হাপ্পিরম্বা শেনয়েক খরদুনা পুন্সিগী খোঙচৎ মঙম চৎলি ইনষ্টাবুলগী লম্বী লমজাওদা, লৈরকশিংদা থেংল অহিংগী ষ্ট্রিট লেম্পশিংদুনা পুন্সিগী মরুপ ওইরদুনা।
চহি কয়া মিৎয়েং চঙলুদ্রবা শম অমসুং কোইশিংদু শাংমল্লদুনা অচৎ-অওকশিংনা মীমান্নদ্রবা মীওই অমগুম খল্লি। কনানসু হংনদে ‘কদাইদগী লাকপনো?’ শেৎলিবা অমনবা ফিরোন খরা অমসুং হুল্লিবা থম্মোইগী মীহুনদু নত্তনা মহাক্কীনি হায়বদা পাক চাউরবা মালেমসিদা করিগুম্বা অমত্তা লৈতে। মদুমক্না মহাক মশামকসি মালেমদা খ্বাইদগী মপুং ফানা নিংতম্বা ফংলবা মীশক অমনি হায়না লৌজৈ।পুন্সিগী খোঙথাং কয়ারক্তা হনজিন হনজিন মাইথিখিবনা শিংনবা খুদিংমক মফমদগী লৌথোকখ্রে। কনানসু মহাক্কী পুন্সীগী মাংদা করেম্ননা থিংলকখিদ্রে নোঙদম্বাফাওবনা।
নুংথিল চুপ্পা ওমচাক্নখিবগী ওল্লাং ওলশাওনরবা ঈশিংগী মনিলশিংদু নুমিদাংৱাইরম নুমিৎনা ময়ুম চংলমদাই, মতু মমান ইপোন পোন নোংচুপ্লোমদগী হুম্লকপা মালংগী শাহুম্না ঈথক-ঈপোমগা লোইননা মেরিন দ্রাইভকী ফিবান্দা দং দং য়ৈশিল্লি। লৈবাক হৱাই অঙৌবদু মকু খোক্ল খোক্লদুনা তুপ্লি ৱেইতিং সেদতা ফম্লদুনা। ফিরোজনা হৌদোরক্ই-” অচৌবা, খান্না হায়রিবসে কমদৌসেবা?”
মমাংদা কয়ারক হৌদোরকখ্রবনি। খান কেরল্লাদগীনি। ফিরোজনা সঙ্গাইয়ুমফমদগীনি। ঐখোয় অহুম কোচিদা লৈবা সিপ্পিং কম্পেনি অম্মতদা পুন্না থবক তৌম্মিন্নরকপা থা তরারোম ফারক্লে। খান্না ফিরোজ ঐখোয়নিগী মতম পুম্নমক্তা মতেং পাংবী। ঐখোয় অহুম অয়াম্বা মতমদা পূল্লি। খান্না তৎতনা হৌদোকপসি ইন্দিয়াদা প্রাইভেৎ কম্পেনিদা থবক তৌরগা করম্বা মতমদা মী ওইগনি? মীমান্ননা হীংসি হায়রগদি ইন্দিয়াদা ওইরোই, আরবতা নত্রগা মিদ্দল ইষ্টতা মতম খরা মাংথোক্লুবা তাই।
“থাগী লিশিং তরুকসিনা কৈদৌদৌরি? নঙসু খল্লুনে ক্ষেত্রিগাওদগী ইমান্নবা অমসু দুবাইদা চহি অহুম থবক তৌরূরগা শেল ময়াম পুথোরক্ই। ঐখোয়সু চহি অহুম মরিগুম্বদি লাইবক য়েংলুবা য়াই।”
ফিরোজনা অমুক্কসু তকসিল্লক্ই। খান ৱা য়াম্না ঙাংগন্দে, হায়খিবা ৱা থবক্তা ওনথোক্তনদি তোক্তে। মীগী মতেং পাংগল্লি।
“অচৌবা! নুপানবু অদুক থম্মোই শোনব্রনে? স্কিল,অনস্কিল ইন্দিয়ান ৱারকর লিশিং লিশিং আরবতা চাক্তারিবনি। ঐনা হায়রিবসে নঙ থাজদব্রা?” ঐ থাজৈ। থাজবদুনা ঐবু আরব য়ৌনা খোঙশাল্লকখি। ঐখোয় অহুম পুন্না জহাজদা চৎলি। ওসিন জোব প্রোবাইদেদ কৌবা এজেনসি অমগী মখাদা লুপা লিশিং কুন কুন ডিপোজিৎ তোই। মরি লৈনবা চে চাং পুম্নমক এজেনসিংদুনা শিনবিখি। মীৎয়েংগী ৱাংমদা শন্দোকখ্রিবা মাইকৈ মরিমক্তা চাংজৌ পারবা ঈশিংগী ঈপাক্না অতিয়াগী ফিবান ওইনা লংদাইরি। অহিং নুংথিল চুপ্পা জহাজদা, নুমিদাংগী মতমদসু থা থৱানমিচাকশিং নত্তনা মালেমসে পুমহাং হাংখ্রে। মথক ইথং থংবা জহাজগী কোরিদোরদা ফমদুনা থৱানমিচাকশিংনা তগুপ তগুপ চিক্লোক্নরিবদু উরগা লমদম তাম্না লৈহৌরবা ঐগী নুংশিরবা ইমা,বাবা, ইচিল- ইনাও, খুঙ্গং কয়াদা নুংশিরক্লিবা! ঐগী আরবকী খোংচৎশিগী মরমদা য়ুমলোমগী কনাগুম্বা অমত্তদা পাউ খঙহনখিদে। খোঙচৎসি মাইপাক্লবা মতুংদা তম্লসিরা খনখি। মরমদি হিংনবগী লানফমদা য়ুমগী মীওইশিংগী মফমদা কয়ারক হন্না মাইথিখ্রে। হৌজিক চৎলিবা খোংচৎ অসিসু হিংনবগীদমক মীচেন অমগী খোঙচৎনি। খল্লুরবদি ইকাইরক্ই।
হিথাংফম হেক য়ৌবগা মশা পারপ তৌবা কোই শাংনা খাকপা নহা অমনা ঐখোয়বু ওক্লম্মি। খানগা নুপাদুগা উরদু লোন্দা ৱারি শানখি। অদুগা ঐখোয় অহুম তোংঙান তোংঙানবা গাড়িদা তোংখৎহল্লি। গাড়িদা নত্তনা লম্বিসু তোঙান্নখ্রে। খান্না মাগী মাগী থবক মফমদা শিন্নখ্রে। নোংমা নীনী লৈরগা পাউ ফাউনবা হায়নরে। ইতোমতা কার মনুংদা দ্রাইভরদু ৱা অমত্তা ঙাংদে। পুং অহুম্লোম থৌরক্লগা টাওন মচা অমগী লম্লোং অহুম ফাংবদা খামখি। পুংখাই অমরোম খাম্ই। ঐনা ইংলিসতা হৈবোই হৈতবোই হংই-“হুৱাই আর ইয়ু ষ্টোপ হিয়ার?” নুপাদু পাউখুম পীরক্তে, তুমিন্না অদুম ফম্মী। ঙাইহাক লৈরগা তোয়োতাগী মনিং বোডি মথক য়াওদবা কার অমা থৌজিল্লক্লগা ঐনা তোংলিবা কার মনাক্তা খামজিল্লক্ই। খোঙলৈ থুনা মমাই মমীৎ অমুবা ফিনা খুম্বা মীওই অহুম কুমথরক্লগা ঐবু মখোয়গী গারীদা পুন্ননবা তোরক্ই। ঐনা মখোয়দা অমুক্কসু হংই- “হু আর ইয়ু?” খুমদে। মখোয়গী মতৌদু চিংনবা পোক্লক্ই। মখোয়না ঐবু পুগদৌরিবসি কদাইদনো? ফিরোজ অমসুং খান্না কদাইদা? কনাদা করম্না মখোয়গা পাউ ফাওনগনি?
পুৱারিগী মশেক মঙালনা ওটোমান ইম্পায়ারগী চহি চা কয়া থৱনমিচাক্কুম ঙাল্লিবা তোপকাপী প্লেসকী ফজরবা ফুরা দলানশিং, অকোইবদা হৌরিবা শংবান্নরবা উপাল ৱাপালশিং,তারমদাইগী কৌরৌ মশেক্না য়ৈবদা সনা অহিংবগুম তগুপ তগুপ অরংবা ঈথক কারিবা সমুদ্র মপানগী পূকচেল তপ্পী ঈপাক মথং মথং লৈশিল্লকপদা কেমেরাগী লেন্স মতোন্দা কোইনা মরেপ থুম্লবা লম্বীগী শৈশকপা নুপাদুগী মাইথোংদুদা তারি। হৌখিবা চহি কয়াদগী ফোটোগ্রাপফিদা অঙাওবগুম সিটি কয়াদা,খুঙ্গং কয়া কোয়না চত্তুনা মশাগী শিনফম ওইরিবা পোলিস ফোটোগ্রাফরনি লেয়োনস্কী! মহাক্কী খ্বাইদগী ঙাওজবদি মীয়াম্লক্তা ফোংনা লোত্তুনা লৈরিবা মীয়াম্না থোইনা শিংথানবিদ্রবা পোৎশক কয়া, মীওই কয়াগী মতিক-মগুন হন হন্দুনা পুথোকপদুনি। হৌখিবা নুমিৎ নিনিদগী ইনষ্টাবুলগী ষ্ট্রিৎতা চাক্নি-ফিনিবা অমা ওইনা মান্নদবা লোল কয়াগী ঈশৈ শক্লিবা অহল ওইরবা নুপাদুগী শক্তোরক্লিবা ঈশৈগী শুর, ৱাহন্থোক কয়ানা য়োম্লগদবা মানবা থমোয়দগী থোরকপা অতাবা মীপুম খুদিংবু শুমহৎপা মতৌদুদা লুপ্লক্লি। লেয়োনস্কীনা মখা তানা হংই-“মখোয়শিংদু কনানো? নহাকপু কদায় তান্না পুখি?”
“ঐ খঙদে। মখোয়না ঐবু নুমীৎ নিনি চুপ্না খুঙ্গং,লমহাং, লৌবুক, চীং, টাউন কয়া লান্দুনা পুখি। ঐগী ৱাহং অমতগী পাউখুম পীরকখিদে।”
অহলদুগী ৱারিশিংদু লেয়োনস্কী মুন্না তায়। মহাক্কী কেমেরাদুসু মথৌ শূংলেপ লেপ্লমদে, অহলদুগী ৱাহৈ অমত্তা চিৎথদনা রেকোর্দ তৌরি।
“মরু পুমকোক কোক্লবা অচৌ অচৌবা নুঙজাও মপৈ মপৈনা লৈতেং ওইবা, নুংশানা খয়াক্নরবা চিংনুংদুদা অরোইবা পন্থুংগুম থৌজিল্লম্মি।”
“মদুনা করম্বা অনৌবা টাউন্নো?”
“টাউন নত্তে। কেম্প ওইরমগনি। মীওই চনি চহুমগী মথক্তা লৈরমগনি খল্লি। চহি তরানিথোই তরাহুমদোইরোমগী অঙাং কয়াসু উখি। খুৎশু খুৎলাই নিংথিনা ফিৎ তৌরবা গারি কয়াসু কেম্পসতুদা উখি। মখোয়না ঐবু টেম্পরেরি কা অমদা পুশিল্লি। অমুবা ঝোন-ঝোন লাওবা কুর্টা পাজমা শেৎপা, মকোই শাংনা খাকপা ৱাং চাউবা মরেংজুমদা একে রাইফলস অমা য়ানবা নুপা অমা লৈরম্মি। উগী চৌক্রি অমদা ঐবু ফমথনবা হায়রক্ই। ঐনা হেক ফমথবগা ঐঙোন্দা য়াউবা চে-চাং পুম্নমক লৌখ্রগা শিংকুপ শানা শেগাইখি। অদুগা তপ্না হায়রক্ই- “ঙসিদগী আল্লানা চানবিদুনা নহাক্কী অনৌবা মপোক অমা পোকপিরবনি। নহাক নিংতম্লবনি। কনাগুম্বা লৈবাক নত্ত্রগা লৈঙাক অমগী মখাদা ফাজিন পুনশিন্দুনা লৈররোই। ঐখোয়না লৈরিবা মফম খুদিং ঐখোয়গী ইরৈপাক্নী। আল্লানা ঐখোয় পুম্নমক্কী ঙাকপী শেনবিবনি। আমেরিকা অমসুং মহাক্কী খোংলোইশিংনা ঐখোয়বু থুগাইনবা, মাংহন্নবা হোৎনবনি। ঐখোয়না ঐখোয়গী নিংতম্বা ঙাক্কে হায়রবদি ঐখোয়গী একে মতোন নোংচুপ্লোমদা ওনবা তাই।” হিথাংফম হেক য়ৌবগা মশা পারপ তৌবা কোই শাংনা খাকপা নহা অমনা ঐখোয়বু ওক্লম্মি। খানগা নুপাদুগা উরদু লোন্দা ৱারি শানখি। অদুগা ঐখোয় অহুম তোংঙান তোংঙানবা গাড়িদা তোংখৎহল্লি। গাড়িদা নত্তনা লম্বিসু তোঙান্নখ্রে। খান্না মাগী মাগী থবক মফমদা শিন্নখ্রে। নোংমা নীনী লৈরগা পাউ ফাউনবা হায়নরে। ইতোমতা কার মনুংদা দ্রাইভরদু ৱা অমত্তা ঙাংদে। পুং অহুম্লোম থৌরক্লগা টাওন মচা অমগী লম্লোং অহুম ফাংবদা খামখি। পুংখাই অমরোম খাম্ই। ঐনা ইংলিসতা হৈবোই হৈতবোই হংই-“হুৱাই আর ইয়ু ষ্টোপ হিয়ার?” নুপাদু পাউখুম পীরক্তে, তুমিন্না অদুম ফম্মী। ঙাইহাক লৈরগা তোয়োতাগী মনিং বোডি মথক য়াওদবা কার অমা থৌজিল্লক্লগা ঐনা তোংলিবা কার মনাক্তা খামজিল্লক্ই। খোঙলৈ থুনা মমাই মমীৎ অমুবা ফিনা খুম্বা মীওই অহুম কুমথরক্লগা ঐবু মখোয়গী গারীদা পুন্ননবা তোরক্ই। ঐনা মখোয়দা অমুক্কসু হংই- “হু আর ইয়ু?” খুমদে। মখোয়গী মতৌদু চিংনবা পোক্লক্ই। মখোয়না ঐবু পুগদৌরিবসি কদাইদনো? ফিরোজ অমসুং খান্না কদাইদা? কনাদা করম্না মখোয়গা পাউ ফাওনগনি?
পুৱারিগী মশেক মঙালনা ওটোমান ইম্পায়ারগী চহি চা কয়া থৱনমিচাক্কুম ঙাল্লিবা তোপকাপী প্লেসকী ফজরবা ফুরা দলানশিং, অকোইবদা হৌরিবা শংবান্নরবা উপাল ৱাপালশিং,তারমদাইগী কৌরৌ মশেক্না য়ৈবদা সনা অহিংবগুম তগুপ তগুপ অরংবা ঈথক কারিবা সমুদ্র মপানগী পূকচেল তপ্পী ঈপাক মথং মথং লৈশিল্লকপদা কেমেরাগী লেন্স মতোন্দা কোইনা মরেপ থুম্লবা লম্বীগী শৈশকপা নুপাদুগী মাইথোংদুদা তারি। হৌখিবা চহি কয়াদগী ফোটোগ্রাপফিদা অঙাওবগুম সিটি কয়াদা,খুঙ্গং কয়া কোয়না চত্তুনা মশাগী শিনফম ওইরিবা পোলিস ফোটোগ্রাফরনি লেয়োনস্কী! মহাক্কী খ্বাইদগী ঙাওজবদি মীয়াম্লক্তা ফোংনা লোত্তুনা লৈরিবা মীয়াম্না থোইনা শিংথানবিদ্রবা পোৎশক কয়া, মীওই কয়াগী মতিক-মগুন হন হন্দুনা পুথোকপদুনি। হৌখিবা নুমিৎ নিনিদগী ইনষ্টাবুলগী ষ্ট্রিৎতা চাক্নি-ফিনিবা অমা ওইনা মান্নদবা লোল কয়াগী ঈশৈ শক্লিবা অহল ওইরবা নুপাদুগী শক্তোরক্লিবা ঈশৈগী শুর, ৱাহন্থোক কয়ানা য়োম্লগদবা মানবা থমোয়দগী থোরকপা অতাবা মীপুম খুদিংবু শুমহৎপা মতৌদুদা লুপ্লক্লি। লেয়োনস্কীনা মখা তানা হংই-“মখোয়শিংদু কনানো? নহাকপু কদায় তান্না পুখি?”
“ঐ খঙদে। মখোয়না ঐবু নুমীৎ নিনি চুপ্না খুঙ্গং,লমহাং, লৌবুক, চীং, টাউন কয়া লান্দুনা পুখি। ঐগী ৱাহং অমতগী পাউখুম পীরকখিদে।”
অহলদুগী ৱারিশিংদু লেয়োনস্কী মুন্না তায়। মহাক্কী কেমেরাদুসু মথৌ শূংলেপ লেপ্লমদে, অহলদুগী ৱাহৈ অমত্তা চিৎথদনা রেকোর্দ তৌরি।
“মরু পুমকোক কোক্লবা অচৌ অচৌবা নুঙজাও মপৈ মপৈনা লৈতেং ওইবা, নুংশানা খয়াক্নরবা চিংনুংদুদা অরোইবা পন্থুংগুম থৌজিল্লম্মি।”
“মদুনা করম্বা অনৌবা টাউন্নো?”
“টাউন নত্তে। কেম্প ওইরমগনি। মীওই চনি চহুমগী মথক্তা লৈরমগনি খল্লি। চহি তরানিথোই তরাহুমদোইরোমগী অঙাং কয়াসু উখি। খুৎশু খুৎলাই নিংথিনা ফিৎ তৌরবা গারি কয়াসু কেম্পসতুদা উখি। মখোয়না ঐবু টেম্পরেরি কা অমদা পুশিল্লি। অমুবা ঝোন-ঝোন লাওবা কুর্টা পাজমা শেৎপা, মকোই শাংনা খাকপা ৱাং চাউবা মরেংজুমদা একে রাইফলস অমা য়ানবা নুপা অমা লৈরম্মি। উগী চৌক্রি অমদা ঐবু ফমথনবা হায়রক্ই। ঐনা হেক ফমথবগা ঐঙোন্দা য়াউবা চে-চাং পুম্নমক লৌখ্রগা শিংকুপ শানা শেগাইখি। অদুগা তপ্না হায়রক্ই- “ঙসিদগী আল্লানা চানবিদুনা নহাক্কী অনৌবা মপোক অমা পোকপিরবনি। নহাক নিংতম্লবনি। কনাগুম্বা লৈবাক নত্ত্রগা লৈঙাক অমগী মখাদা ফাজিন পুনশিন্দুনা লৈররোই। ঐখোয়না লৈরিবা মফম খুদিং ঐখোয়গী ইরৈপাক্নী। আল্লানা ঐখোয় পুম্নমক্কী ঙাকপী শেনবিবনি। আমেরিকা অমসুং মহাক্কী খোংলোইশিংনা ঐখোয়বু থুগাইনবা, মাংহন্নবা হোৎনবনি। ঐখোয়গী একে মতোন নোংচুপ্লোমদা ওনবা তাই।”
ঐ পুমঙক ঙক্তুনা য়েংলগা লৈ।
” নহাক্কী মিং ঙসিদগী মোহমদ খাদির খংলব্রা? খাদির! অচৌবা নত্রে।”
ঐনা থম্মোয়গী অয়াবা য়াওদনা ওইরিবা ফিভমদুদা ইশানা য়ানিংলবগুম ঙক নোম্মি। অদুগা তপ্না হংই-“ঐগা লাকমিন্নবা খান, ফিরোজ …”
“ঙসিগী নুমিৎসিদগী হৌখিবগী ৱারি অমত্তা পুশিল্লকপা য়ারোই।”
তানজাদুদা কেম্পতুগী কেম্পসতা মমায় মমিৎ খুমজিনবা, খুৎ তুংবুন্নবা নুপা অহুম শ্রো শ্রো লাক্তুনা চিংথোরক্ই। নুপা অমনা ভিদিও রেকোর্দ তৌরি। নুপা অহুমদু লনতক্না খুরু খুদক কুলহল্লগা নাকলদা লেপ্লিবা নুপাদুগী থাংশাংদু মখোয়গী ঙকশম মপাদা হাইথখি। ঐ মীৎ উইশিল্লি। অমুক হন্না য়েংথোক্লুদ্রে।
“য়েক্নবদা অরোনবা পাউ পীরথোক্লুবগী আল্লাহনা পিবা চৈরাক্নি।”
একে য়ানবা নুপাদুনা ঙাংলিবদু ঐ থ্ওইনা তারুদে। পুন্সিদা মঙলকত্রিবা মঙ অমা ঙসি মঙলাক্নরি। কৈদৌঙৈ মঙফাওনগনি? কৈদৌঙৈ নানথোক্কনি? ঐগী ৱাখলসে ফনা কুইনা চাবা তুম্বা য়াখিদে। অদুবু কয়ারক হন্না খল্লবা মতুংদা হিংনবগীদমক তৌবা তাখি, মখোয়না পিবা ট্রেনিং খুদিংমক ঐ য়াওখি। মসি পোকঙমদনা পোকপা মীওইপোকসিবু পাম্মুবগী নত্তে। মখোয়না থৱাইবু খুবাক্তা হাপ্তুনা থেংনরিবা লান্থেংসে করিগীনো খঙনিংবা পোক্লকখি। মীলিটরি ট্রেনিংগী মথক্তা চাকচা-য়ুথক,ালোল নিংথিনা হৈরে। সিরিয়াগী আসাদনা লুচিংবা বাদ পার্টিগী লৈঙাক্কী মায়য়োক্তা ওপরেসন কয়া চৎথখি।
ইং ২০১৪ জুন জুলাইগী নোংমা অহিং অমা থামম্বা, মদু অল্লোপো চিংশাং ওইরমগনি। নুংজাও অমগী মথ্ক্তা লোংনা হিপ্লগা অতিয়াদা থোক্লিবা থৱানমিচাকশিং মথং মথং মশিং থিবা হৌখি, কয়ারক হন্না হোৎনখি অদুবু অমগী মনাক্তা অমমুক কুফেৎ-কাফেৎ হনজিন হনজিন লেপ্পা লৈতনা থোরকখি মশিং থিঙমদ্রবা থৱানমিচাক কয়া কয়া …! নিংশিংলক্ই নুমিদাং তুম্বা শুম্বীনবা ইমানা নমদা পো নাওশুম ঈশৈ শক্তুনা শুমাংদা, লৈরক্তা কবোক্লৈ লৈনম্লক্তা হনগৎ-হন্দা চৎখিবদু, মতমদুদা উইশিল্লু য়াদ্রবা ইমীৎসিনা অতিয়াদা থোক্লিবা থৱানমীচাকশিংবু য়েংলগা অমুক্তংদি মখোয়গী মরক্তা য়ৌগে খনখি। ইমাগী নুংশিরবা নাওশুম ঈশৈদুনা ঐবু তুমথহনবা ঙমখিদে ঙসিগী অহিংগুম্না। অমুকসু ফিরোজদু করম থোক্লগবা? মহাকপু হিংলমখিগদ্রা ঐগুম্না! খান্দি নিংবা থুংলম্লগনি। মচাশিংগা লোইননা নুংঙাইনা লেল্লম্লগনি ঐখোয়গুম্বা কয়াগী শেন্দোং চুপ্লদুনা কোচিগী সমুদ্র খোংবান্দা মহাক্কী নুপীগা কোয়বা চৎলমগনি।
ফল তাররোইদবা অঙ্কশিংদুনা ঐগী কোক্তা উরু উরূ লৈশিল্লক্ই। মিৎ তপ্না উইশিল্লগা হেক পাংথোরকপদা থৱানমিচাক মথী অমা ঐগী কোক্তোন মপাদা লংত্রিক লংনা য়াংনা পাইথখি অলেপো সিটি তম্না। ঙাইহাক্কী মতুংদা অলেপো সিতিদা অচৌ অচৌবা মৈঙালগা লোইননা অহৌবা পোকখায়বগী মখোল লেপ্তনা তারকখি। ঙাইহাক লৈরগা অল-জজিরা নিউজদগী খঙবা ঙম্লে আমেরিকান ইয়ারফোর্সনা সিরিয়াগী লৈমায়দা ইয়ারষ্ট্রাইক হৌখ্রে। ঐখোয় খুদক্তা মফমদু থাদোক্লম্মী। অহিং নুংথিল কয়া লেপ্পা লৈতনা চাবা থকপা খঙদবমখৈ চীংজাও কয়া, লমহাং কয়া খোঙনা চৎলম্মী পন্থুংফমদি লৈতনা। কোন্নথংদা ঐখোয়না থুংখিবদু টর্কিস ঙমখৈদা ওইগনি। ঐখোয় তরেৎ টর্কিস আর্মিদা সরেন্দর তৌখি। চহি মরি চুপ্না এন্দ্রিনগী সেন্ট্রেল জেলদা পুন্সি লেনখি।
লমকোইবা টুরিস কয়ানা তোপকাপী প্লেসকী মফমশিং য়েংবা লাকপা লেপত্রি। ময়ামদুগী মরক্তা চাকনিবা নুপাদুগী মতৌগুম লেয়োনস্কী চাননা রেকোর্দ তৌরি মহাক্কী হৌখ্রবা চাকনিবা ওইরকপগী ৱারিশিংদু!
“জেলদগী থোরক্লবা মতুংদি?” লেয়োনস্কীনা মখা তারক্ই।
কদাইদা চৎকনি? কদাইদনো ঐগী য়ুম? কনা কনানা ঐগী ইমুং-মনুংনো? করম্বা লৈবাক্কী সিটিজন্নো ঐসিবু? করিনা ঐবু ইন্দিয়ান্নি, মণিপুরিনি হায়না তাক্কনি? মশিদগী হেন্না নিংতম্বা পুন্সি অমা কদাইদা লৈরমগনি নঙ হায়য়ুনে?
ৱাহংশিংদু হংজরদুনা মহাক্কী ঈশৈদু শক্লক্ই-
“অপাইবা লৈচিলগী ঙমখৈ কদাইদনো? চুরক্লিবা নোংগী ঈতিনফম করিদনো? লিরিবা মালংনা পুরক্লিবা নুংশিরবা লৈনম নঙগী পনখৈ কদাইদনো? নখোয়না ঙমখৈ নাইদ্রবদি ঐগী ঈশৈগী খোন্থাংসে ঐগী পোক্নফম লমদম য়ৌনা পুবিখো!”
অচৎ-অওকশিংনা ঈশৈদু মহাও য়াওনা তাদ্রবসু লিরা শেনয়েক অমমমদা ওইরবসু হাপ্পিরম্মী।
সিমসিম অৱাংমৈ মরামদা খুন্দা পোকচরবসু পীক্লঙৈদগী সিনেমাটোগ্রাফিদা পামজরক্ই। মরাম ডোনবোস্কো স্কুলদা মেত্রিক পাস হেক তৌবগা ইম্ফালগী নাগারামদা লৈদুনা লাইরীক মখা তমথৈ। লাইরীক তম্না তম্না মৈতৈলোন সিনেমা তৌবশিংগী মতুং ইন্দুনা কেমেরা, ইদিটিংনচিংবা তমখি। গ্রেজুয়েৎ লোইবগা খরা হেন্না সিনেমাদা মায় ওনশিনবা হৌদুনা মৈতৈলোন ফিচর ফিলম কয়াদা এসিষ্টেন্ট কেমেরামেন ওইনা থবক তৌরক্ই। মমৈথংদা মশাগী ওইবা সোর্ট ফিলম, ডোকুমেন্টরি ফিল্মনচিংবা পুথোকখি। মহাক্না পুথোকপা ডোকুমেন্টরি ফিল্ম “জুকো লিলি” গোৱা নেসনেল ফিল্ম ফেষ্টিভেলদা বেষ্ট ডিরেক্টরগী এৱার্ট ফংখি।
সিমসিম ফিল্ম পুথোকপদা নত্তনা ফোরেন লেঙ্গোইজ ফিল্ম কয়া খন খন্দুনা য়েংই। চহীসিমক্তদা বর্লিন্দা পাঙথোকপা ইন্টরনেসনেল ফিল্ম ফেষ্টিবেলদা বেষ্ট পিকচর তাখ্রবা ডোকুমেন্টরি ফিল্ম “দি ভোইজ ওফ ষ্ট্রিৎ” য়েংলুবদগী পুমঙক ঙকখি। ফিল্ম অদুগী ডিরেক্টর লেয়োনস্কিগী ই মেলদা পাউ ফাওনদুনা মোহমৎ খাদির নত্রগা অচৌবগী মরমদা কুপ্না ৱারি শান্নরম্মী। লেয়োনস্কিনা সিমসিমগা পাউ ফাওনবা ফংবদা হাইনিংঙাই লৈতনা নুংঙাইরম্মী। মহাক্কী এৱার্দ ফংবদগী অচৌবগী পোক্নফম লমদম ফংবদনা হেন্না নুংঙাইবা পোক্ই। লেয়োনস্কিনা টর্কিদা লৈবা ইন্দিয়ান এম্বাসিদা ৱারি শান্নদুনা অচৌববু মহাক্কী পোক্নফমদা হনহলখিনবা হায়জবদা এম্বাসিনা য়াবিরদুনা টর্কি লৈঙাক্কা কুপ্না খন্নরবা মতুংদা টর্কিগী ফোরেন মিনিষ্টরনা অচঙবা শেল পুম্নমক পুথোক্তুনা দিল্লিফাওবা থারকপা, , দিল্লিদগী ইম্ফালফাওবনা ইন্দিয়া লৈঙাক্না পুথোকপা য়ান্নরে।
“নুমীৎ খরনিসিগী মনুংদা নহাক সোইদনা নঙগী পোক্নফম লমদমদা অমুক হনবা ফংলগনি।”
লেয়োনস্কিগী ৱাহৈদু তাবদা খাদির ৱা ঙাংদনা তুমিন্না লৈখি।
“নহাক পাউসি তাবদা নুংঙাইবা ফাওদব্রা?”
মঙক্তমক নোম্মী তৌবিমল খঙবা উৎপা মতৌদা। মহাক্কী পামজনা শক্লম্বা ঈশৈদি চপ লেপখ্রে। অদুগা মতোমতা তপ্না শোনজৈ- “ইনষ্টাবুল ঐনা নঙবু থাদোকপা তারিব্রা?”
“ও! অঙ্কল খাদির নহাক তশেংনমক ইনষ্টাবুল থাদোক্নিংদব্রা?”
খাদির খুমদে।
ইউরোপ অমসুং এসিয়াগী লংদাইনফম সমুদ্র খোংবানগী নিংথিজরবা পুৱারিগী ঈথক্না য়োম্লবা ইনষ্টাবুল! ইং ১২৯৯ দগী ১৯২২ ফাওবা তোংঙান-তোংঙানবা ওটোমান ইম্পয়ারগী সুল্টান কুন্থ্রানা চহি ৬০০ লোম হাইনা হুম্না পাল্লম্বা সিটি ইনষ্টাবুল! সুল্টানশিংগী ইমুং-মনুংগী লৈফম তোপকাপি প্লেস! সুল্টান সুলৈমান অমসুং হুরেম সুল্টানগী লোইনাইদ্রবা নুংশি ৱারী, থৌনাফবা সহেজাদি কয়াগী পোক্নফম! শকহেনবী কয়াগী লৈফম হরেম! দিৱানশিংগী মীফম পাংথোকফম! পাশাশিংগী লৈঙাক থৌদা পাংথোকফম! সিংহাসনগীদমক মবুকথোক্কী মচাশিংবু হাৎখিবা, পোকমিন্নবা মচিন-মনাওশিং অঙম অঙম্বা হাৎতোক্নখিবা, নিংথৌকোল অঙম তান্নবগী শারৌলাংদা অচানবা মনাই কয়াগী ঈখেংতনা ইঙাং পাক্তক্নখ্রবা পুৱারিগী মুৎনাইদ্রবা মফমনি তোপকাপি প্লেস ! সুল্টান ফম্বালগীদমক মপা মচা, মচিন মনাও, শাগৈ নাতৈগী ঈতনা হনজিন হনজিন চামথোকখ্রবসু শেংলবা লাইফমলেনগুম কয়াদা ইংনা-চিক্না ঙানথোইরিবা অকনবা পোকপী ইনষ্টাবুল!
চহী কুন শিখ্রে হায়না লৈরুরবা অচৌবা টর্কিদগী হিংনা হল্লক্কনি তাবদা মণিপুরগী মীয়াম পুম্নমক্কী থম্মোয়দা হরাও – তয়াম্বাগী ইথিল ফাওনৈ। মী অনি অহুমদং তিনবদা অচৌবগী ৱারিমক্তনি। মহাক্কী পুন্সি ৱারিদা য়ুমফম ওইবা “দি ভোইজ ওফ ষ্ট্রিৎ” হায়রিবা ডোকুমেন্টরি ফিল্মসি ইন্দিয়া পুম্বদা ভাইরেল ওইখ্রে। অয়েংবশিংনা অচৌববু থৌগৎপা ওইনা “লোং লিভ খাদির! কম বেক অচৌবা!” স্লোগান্না পুম্নিন নিনখ্রে। ক্লব, মৈরাপায়বী, পাউমী কয়ানা অচৌববু ওক্কদবগী এয়ারর্পোত্তা ঙাইদুনা লৈনরি।
চহী কুনগী মতুংদা বির টিকেন্দ্রজিৎ এয়ারপোর্টতা অহানবা ওইনা পোক্নফম লমদম্বু খোঙদাবা ফংজবদা মমিত্তগী মপী তাখিবা খঙহৌদে। দি ভোইজ ওফ ষ্ট্রিৎকী খাদিরদু নতত্রে। মশম মকোই মনা শিৎ নান্না ককথৎখ্রে। তরু তনালবা কোৎ-সুদ তাই তৌরদুনা কয়াদা চঙখোল্লবা ঙসিদি! ময়াম চংদুনা ওমশিল্লক্ই, লৈ পরেং হুকপা য়াও, মোবাইল সেল্ফী তৌবা য়াও, টিভি ইন্টর্বিউ লৌন্নবা হোৎনবা য়াও…!
টিভি চেনেলশিংনা ইন্টর্বিউ লৌনবা হোৎনরবসু অচৌবগী মচিন্দগী পাউখুম অমত্তা ফংখিদে। মনাক নকপদা লৈরম্বা মীশিংনা অতোপ্পা প্লানেৎতগী লাকপা হান্না অমুক্তা উদ্রিবা অনৌবা পোৎশক্কুম য়েংগদবগী থোমজিন্নরক্ই। অচৌবা পুম্নমক্তু হৈনিংবা কয়া ফাওদে। মদুগী মথক্তা মৈতৈলোন ঙাঙথোকপদা শেংফাত্তবা খোনথোক্তুনা ৱা ঙাংনিংবসু পোক্লমদে।
অতাবা মীপুম খুদিংমক্না চহী কুনগী মতুংদা মহাক্কী ময়ুমদা হল্লকপা ফংজবগী নুংঙাইবদু ফাওনৈ। পুম্নমক্তো ৱারিনি। লিন্নখি, হেক লেপ্পগা অদুমক লোইখি। অচৌবগীদমক্তদদি মীয়াম্না খন্নরিবা মালেমগী মফম কৈদা কোইরুরবসু ইয়ুমদগী হেনবা কদাইদা লৈরি হায়বদু তাইয়োন্নবা ওইরম্লে। অপোকপা মমা মপা লৈখিদ্রবা মতুংদা পোকমিন্নবা মচিন মনাওশিং ইঙ্খোল লম মুন্নবগী ৱাহৌদগী অমত্তা চংনরমদ্রে। মাগী মাগী খায়দোক্নখ্রগা চয়েৎনবা মফমদু শম্বল খাজিল্লগা কেস শোক্নরি। ফিভমদুদা চহী কুনগী মতুংদা পোকমীন্নবা ময়াম্বা নত্রগা মনাও অমা লাক্লি হায়বগী খোঙদাফম লৈরমদে।
অচৌবা হোটেলগী কানুংদুদা নুমীৎ মঙানিরোম শুরে লৈরক্লিবসে। নুমিৎচুপ্পা খল্লি -‘কদাইদনো ঐনা লৈরুগদবা?’ হৌজিকপু শমু মখোংদা, ফৈদাপূঙদা, বিটি রোদতা ফমদুনা ইনষ্টবুলগী লম্বীদা শকখিবা ঈশৈশিংদু শক্লুখিগদ্রা হিংনবগীদমক! নত্রগা ইনাওনুপাগী থোঙজিন্দা কোক নোল্লুখিগদ্রা তুমফম কা অমখক্কী! লেয়োনস্কীনা ঐগী য়ুমগীদমক অদুক য়াম্না ৱাবিখিবদু ঐগী য়ুম অমা, ঐগী পোক্নফম লমদম অমা অরেপ্পা ওইনা লৈরিব্রা? মহাক্কী ফিল্ম য়েংখিবা মীশিংনা মীওইবগী অশেংবা য়ুম নত্রগা পোক্নফম লমদমগীদমক মীনুংশি পোকখিবশিংদু কদাইদনো? করিগুম্বা ঐনা ঐগী পোক্নফম লমদমসিদা হল্লক্লমদ্রবদি ইনষ্টাবুলগী সমুদ্রা খোংবান্দা ইনিং তম্না শক্লমগনি ঙসিসু মালেমসে ঐগী ইয়ুমনি হায়না! হৌজিক্তি ঐগী পোক্নফম লমদমসিনা ঐগী নিংতম্বগী খোনজেন লেপহনলে।
থৌরিগী কোঙ্গোইদু ঙকশমদা হুকচিনখিবগা কাদু পুমচিক চীক্ই।

COMMENTS

WORDPRESS: 0
DISQUS: