রাজ্য সভাগী এমপি নিংথৌ লৈশেম্বা সনাজাওববু থাগৎপগা লোয়ননা তরাম্না ওকখ্রে

Homeস্ক্রলবার

রাজ্য সভাগী এমপি নিংথৌ লৈশেম্বা সনাজাওববু থাগৎপগা লোয়ননা তরাম্না ওকখ্রে

ইম্ফাল, অক্টোবর ০৪: মণিপুর য়ুনিভার্সিটি অব কালচার টিচার্স এসোসিয়েশন (এম য়ু সী টি এ) অমদি য়ুনিভার্সিটি অসিগী টিচিং অমসুং নন-টিচিং ষ্টাফশিং য়াওনা রাজ্য

ইম্ফাল, অক্টোবর ০৪: মণিপুর য়ুনিভার্সিটি অব কালচার টিচার্স এসোসিয়েশন (এম য়ু সী টি এ) অমদি য়ুনিভার্সিটি অসিগী টিচিং অমসুং নন-টিচিং ষ্টাফশিং য়াওনা রাজ্য সভাগী এম পি নিংথৌ লৈশেম্বা সনাজাওববু তরাম্না ওকপগা লোয়ননা থাগৎপা ফোঙদোকপগী থৌরম নিংথৌগী চোঙাবোলদা লৈবা সনা সঙ্গাইদা পাঙথোকখ্রে হায়না মণিপুর য়ুনিভার্সিটি অব কালচার টিচার্স এসোসিয়েশনগী প্রেসিডেন্ট ডা. অহৈবম রিশিকেসনা থাদোরকপা চেরোল অমনা পোঙদোকরক্লি।

                                    মণিপুর য়ুনিভার্সিটি অব কালচার

চেরোল অসিনা হায়, থৌরম অসিদা এম য়ু সীগী ভিসি প্রোফেসর পাওনম গুনিন্দ্রো, রেজিষ্ট্রার রাধাকান্ত, ডেপুটি রেজিষ্ট্রার ডা. লৌরেম্বম সুরজিৎ, এমপিগী মিডিয়া এডভাইজর শিবদত্ত লুৱাংসু শরুক য়াখি। মণিপুর য়ুনিভার্সিটি অব কালচার টিচার্স এসোসিয়েশনগী প্রেসিডেন্ট ডা. অহৈবম রিশিকেসনা নিংথৌদা লেংয়ান ফি অমদি তরাম্না ওকচবগী চেরোলগা লোয়ননা খুদোল তমখি। নিংথৌ লৈশেম্বা সনাজাওবনা এম য়ু সীবু সেন্ট্রেল য়ুনিভার্সিটিগী থাক্তা পুখৎনবা হোৎনখিবা অসিগীদমক এম য়ু সী টি এগী মায়কৈদগী থম্মোয় শেংনা থাগৎপা ফোঙদোকখি। য়ারিবমখৈ অথুবা মতমদা সেন্ট্রেল য়ুনিভার্সিটিদা ওনখৎপীননবা থবক থৌরমশিং পায়খৎপীননবা এম য়ু সী টি এগী ভাইস প্রেসিডেন্ট জি বিসেশ্বর শর্ম্মানা নিংথৌগী পূক্নিংসু চিংশিনখি।
থৌরম অসিদা এম য়ু সীগী ভিসি প্রোফেসর পি গুনিন্দ্রোনা এম য়ু সীগী মতাংদা অমদি মণিপুর কালচারগী লৈরিবা মচাকশিং অমসুং নিংথৌনা এম য়ু সীগীদমক লৌবীরিবা থৌদাংবুসু থাগৎপা ফোঙদোকখি। রাজ্য সভাগী এম পি নিংথৌ লৈশেম্বা সনাজাওবনা মণিপুরগী নাৎ চাউখৎনবা হোৎনবা হায়বসি মহাক্কী মথৌনি। ঙসিদগী চহী ২০/৩০ গী মমাঙদগী মহাক্কী মথৌনি। ঙসিদগী চহী ২০/৩০গী মমাঙদগী মহাক্কী ৱাখলদা কালচারবু অমদি কালচার তৌজরিবশিংবু য়োকখৎপা হায়বসি মহাক্কী ৱাখলদা লৈরকখি। অচেৎপা ফিরেপ অমগা লোয়ননা এম পি ওইরকখিবনি। লোয়ননা এম য়ু সীবু সেন্ট্রেল য়ুনিভার্সিটি ওনবা হায়বসি মহাক্কী পান্দমনি। মসি ময়াম পুন্না হোৎনমিন্নসি হায়বা ৱাফমসু ফোঙদোকখি হায়নসু চেরোলদুনা মখা তানা ফোঙদোরক্লি।
সোর্স: হুইয়েন লানপাউ

COMMENTS

WORDPRESS: 0
DISQUS: