রাজর্ষি ভাগ্যচন্দ্রগী নিংশিং কুমওন পাঙথোকখ্রে

Homeস্ক্রলবার

রাজর্ষি ভাগ্যচন্দ্রগী নিংশিং কুমওন পাঙথোকখ্রে

ইম্ফাল, অক্টোবর ১০ : রাজর্ষি ভাগ্যচন্দ্র লৈখিদবগী ২২৩ শুবা নিংশিং কুমওন থৌরম গুজরাটকী দ্বারকাদা রাজর্ষি ভাগ্যচন্দ্র কালচারেল ফাউন্ডেশন মণিপুরনা শিন্দু

ইম্ফাল, অক্টোবর ১০ : রাজর্ষি ভাগ্যচন্দ্র লৈখিদবগী ২২৩ শুবা নিংশিং কুমওন থৌরম গুজরাটকী দ্বারকাদা রাজর্ষি ভাগ্যচন্দ্র কালচারেল ফাউন্ডেশন মণিপুরনা শিন্দুনা নুমিৎ নীনি চুপ্না পাঙথোকখ্রে। হৌখিবা ইরাই নুমিৎতা পাঙথোকখিবা হৌদোকপগী থৌরমদা ফাউন্ডেশন অসিগী এডভাইজর বি অমুসানা শর্ম্মা, অর্গানাইজিং কমিটিগী চিয়ারমেন জি. রঞ্জিৎ শর্ম্মা, জেনারেল সেক্রেটারী এম অশোক, সেক্রেটারি টিএইচ ধনকুমার, ট্রেজারার টি ইরাবত অমদি বিশ্ব হিন্দু পরিষদ মণিপুরগী সেক্রেটারী আর কে রাধামোহন নচিংবা মীওইশিং শরুক য়াখি।
থৌরমগী শরুক অমা ওইনা শরুক য়াখিবা মীয়াম্না গোমতি তুরেল ফাওবা রাজর্ষিগী ফোটো পুদুনা পরিক্রমা চৎলবা মতুংদা তর্পন কৎখি। তুংদা দ্বারকাগী স্বামী নারায়ন লাইশঙদা হল্লকলগা রাজর্ষিগী ফোটোদা হৈকৎ লৈকৎ তম্বগা লোয়ননা কে ব্রজমণি শর্ম্মানা গীতা পাঠ তৌখি। নিনি চনবা নুমিৎকী থৌরম গোমতি ঘাটতা নাৎকী ওইবা জগোয় ঈশৈ কায়াগা লোয়ননা চত্থখি।
মণিপুরী জগোয় মরুপ অমদি অতৈ কালচারেল ট্রুপশিংনা নট সঙ্কীর্তন, রাস লীলা অমদি অতৈ থৌরমশিং পাঙথোকখি। থৌরম অদুগী মতাংদা ফাউন্ডেশন অসিগী এডভাজর কে ব্রজমণি শর্ম্মানা হায়, রাজর্ষিনা হৌদোকপীরম্বা অদুগা য়ুনেস্কোনসু শকখঙলবা নট সঙ্কীর্তন অমদি রাস লীলাগী মতাংদা মীয়ামদা খঙহন্নবগী ৱাখল্লোন্দা চহী খুদিংগী শিনবনি। কালচারেল এক্সচেঞ্জ প্রোগ্রামসু থৌরমগী শরুক অমা ওইনা চত্থদুনা লাক্লি হায়না মহাক্না মখা তাখি।
সোর্স: সঙাই এক্সপ্রেস

COMMENTS

WORDPRESS: 0
DISQUS: