রাজকুমার বাবুসানা লৈখিদবগী নিংশিং মীফম পাঙথোকখ্রে

Homeকমিউনিটি

রাজকুমার বাবুসানা লৈখিদবগী নিংশিং মীফম পাঙথোকখ্রে

সিলেট অফিস, ১৮ জুনঃ সিলেট সিটি কর্পোরেশন মনুং চনবা নরসিংটিলা মথক লৈকাইদা (বাগবাড়ী) লৈবা সিলেট লৈপাক পঞ্চায়েতকী মেম্বার অমসুং নহা সোসেল এক্টিভিস্ট বাবু

সিলেট অফিস, ১৮ জুনঃ সিলেট সিটি কর্পোরেশন মনুং চনবা নরসিংটিলা মথক লৈকাইদা (বাগবাড়ী) লৈবা সিলেট লৈপাক পঞ্চায়েতকী মেম্বার অমসুং নহা সোসেল এক্টিভিস্ট বাবুসানা রাজকুমার লৈখিদবগী নিংশিং মীফম অমা পাঙথোকখি।বাবুসানা রাজকুমার জানুয়ারিগী ২৫ দা মনুং মতম চাদনা মহাক্কী লোইনবি অমসুং মচা নুপা অমা অমসুং নুপি মচা অমা থম্লমদুনা লৈখিদ্রে।

      নরসিংটিলা মথক লৈকাইগী শ্রীশ্রী জগন্নাথ মান্ডপতা পাঙথোকখিবা মীফমদা শরুক য়াখিবা ময়াম

ঙশি ১৮ জুন ইরাই নুমিৎ নুংথিল পুং ৫ দা নরসিংটিলা মথক লৈকাইগী শ্রীশ্রী জগন্নাথ মান্ডপতা পাঙথোকখিবা থৌরম অসি সিলেট মণিপুরী স্বর্নশিল্পী সমাজ কল্যান সমিতি অমসুং সাগরদিঘীর পাড় মণিপুরী শ্মশানঘাট পরিচালনা কমিটি অনিনা খুৎ শম্নদুনা শিল্লাংখিবনি। থৌরম অসিদা সাগরদিঘীরপাড় মণিপুরী শ্মশানঘাট পরিচালনা কমিটিগী সিনিয়র ভাইস প্রেসিডেন্ট নাট্যজন অমসুং সোসেল এক্টিভিস্ট মাইবম উত্তম সিংহ রতননা ময়ায় তাংবলদা লৈতেংবিদুনা নিংশিং মীফম অদু হৌদোকখি। মথং মনাও এইচ. সমেন্দ্রনা মোডারেটর তৌরগা সোসেল এক্টিভিস্ট অমসুং এন.আর.বি ব্যাংক, সিলেট ব্রাঞ্চকী ম্যানেজার এল. প্রশান্ত কুমার সিংহনা মীফম অসিগী চীফ গেষ্ট অমসুং বাংলাদেশকী নিংতম লানমী মাইমোন মনমোহন সিংহনা স্পেশাল গেষ্ট অমদি সাগরদীঘিরপাড় পুখ্রিমাপল লৈকাইগী খুল অহাল অকোইজম নীলকান্ত সিংহ , নরসিংটিলা মথক লৈকাইগী অহল অমসুং সোসেল এক্টিভিস্ট মোইরাইথেম খির সিং, মণিপুরী যুব সমিতিগী জেনারেল সেক্রেটারী (ইনচার্জ) য়ুম্নাম লাড়ু সিংহ, লৈখিদ্রবা বাবুসানা রাজকুমারগী মৌপ্বা প্রতাপ রাজকুমার, সিলেট মণিপুরী স্বর্ণশিল্পী সমাজ কল্যাণ সমিতি গী জেনারেল সেক্রেটারী য়ুম্নাম নৃপেন্দ্র সিংহ অমসুং সাগরদিঘীর পাড়া মণিপুরী শ্মশানঘাট পরিচালনা কমিটিগী জেনারেল সেক্রটারি অকোইজম দিগেন সিংহসু মীফম অদুদা শরুক য়াখি।

নিংশিং মীফম হৌদ্রিঙৈ মাংদা মহাক্কী ফটোদা তিনবিরিবা ময়াম পুম্নমক্না লৈ কৎতুনা ইকাইখুম্নখি অমসুং লাইনিংগী পথাপ মতুংইন্না জয় শর্ম্মানা হরিনাম শোল্লদুনা লৈখিদবা থৱাইনা ইংনা চিক্না মপুগী নাক্ত লৈবা হায়না থৌ নিখি। ময়ামগী ৱাঙাংদা লৈখিদবা বাবুসানানা হিংলিঙৈদা তৌরম্বা অমসুং খুনাইদা মহাক্কী কন্ট্রিবিউট কয়া নিংশিংখি অমসুং শোন্নখি। থৌরম অসিদা লৈকাইগী অহল লমন, নহারোল য়াওনা মহাক্কী লোয়নবী অরুনা দেবী, মচা নুপা অনুরাগ রাজকুমার, মচানুপি বন্যা রাজকুমারী, মনাওনুপি পপি দেবী অমসুং মশেননুপা অনুপম সিংহ সু শরুক য়াখি।

COMMENTS

WORDPRESS: 0
DISQUS: