ম্যালেরিয়া ভেক্সিন `ডব্লিউএইচও’না এপ্রুভ তৌখ্রে

Homeহকচাং পাওজেল

ম্যালেরিয়া ভেক্সিন `ডব্লিউএইচও’না এপ্রুভ তৌখ্রে

জেনেভা, অক্টোবর ০৬ : পুৱারীগী মরু ওইবা থৌদোকশিংগী মনুং চল্লগদবা খোঙথাং অমদা মালেমদা অহানবা ওইনা পুথোকপা ম্যালেরিয়া লায়না থিংবা ঙমগদবা ভেক্সিন য়ুমশকৈশা

জেনেভা, অক্টোবর ০৬ : পুৱারীগী মরু ওইবা থৌদোকশিংগী মনুং চল্লগদবা খোঙথাং অমদা মালেমদা অহানবা ওইনা পুথোকপা ম্যালেরিয়া লায়না থিংবা ঙমগদবা ভেক্সিন য়ুমশকৈশা নুমিৎতা ডব্লিয়ু এইচ ওনা এপ্রুভ তৌখ্রে। ভেক্সিন অসিনা চহী খূদিংগী আফ্রিকাগী অঙাং লিশিং কয়াগী পুন্সি কল্লগনি হায়রি।
ম্যালেরিয়া অসি মতম কুইরবগী মমাঙদগী খঙনরবা লায়নানি। মসি লৌনগনবা লায়নাশিংগী মনুংদা খ্বাইদগী শাথিবনি লৌনৈ। লায়না অসিনা চহী খূদিংগী মীওই মিলিয়ন অমা শিহল্লি। লায়না অসিনা শিহনবা অয়াম্বা সাব-সাহারান আফ্রিকাদা থোকই। ভিক্টিম ২৬০,০০০ দি চহী মঙা মখাগী অঙাংশিংনি।
গ্লেক্সোস্মিথক্লাইননা পুথোকপা অনৌবা ভেক্সিন অদুনা অঙাংগী ইম্ম্যুন সিষ্টেম কনখৎহন্দুনা ম্যালেরিয়া থোকহল্লিবা পেথোজেন মঙাগী মনুংদা খ্বাইদগী শাথিবা ওইরিবা অমসুং আফ্রিকাদা পাক-শন্না লৈবা প্লাসমোদিয়াম ফালসিপারম মথৌ তৌহন্দবা ঙম্মী। ভেক্সিন অসি ম্যালেরিয়াগী অহানবা ওইবদা নত্তনা পেরাসাইটিক লায়নাশিংগা মরী লৈননা পুথোকপা অহানবা ভেক্সিননি। ক্লিনিকেল চাংয়েংদা ভেক্সিন অসি শাথিবা মওংদা নাবা ম্যালেরিয়াগী মায়োক্তা থাবদা অহানবা চহীদা চাদা ৫০ রোমগী ইফিকেসি লৈখি। তৌইগুম্বসুং মরিশুবা চহীদা ইফিকেসিগী চাং জিরো ওইরকখি।
হৌখিবা চহীদা পাঙথোকখিবা মোডেলিং ষ্টাদি অমদা করিগুম্বা ভেক্সিন অদু ম্যালেরিয়া লায়না খ্বাইদগী হেন্না নাবা লৈবাকশিংদা লোঞ্জ তৌবা তারবদি মদুনা লায়না অসিগী কেস মিল্লিয়ন ৫.৪ থিংবগা লোয়ননা চহী খুদিংগী চহী ৫গী মখা ওইবা অঙাং ২৩,০০০ অশিবগী খায়াক্তগী কনবা ঙম্বা য়াই হায়না পানরি।
সোর্স: হুইয়েন লানপাউ

COMMENTS

WORDPRESS: 0
DISQUS: