মৈহৌরোল খুন্থোকপা ‘চীঙ্খৈ অপানবা’ গী খুভম কন্না শেমগৎলি  –নোমিতা খোংবান্তাবম

Homeস্ক্রলবার

মৈহৌরোল খুন্থোকপা ‘চীঙ্খৈ অপানবা’ গী খুভম কন্না শেমগৎলি –নোমিতা খোংবান্তাবম

  ইবুধৌনা মফমসিদা ঙাল্লিমখৈ ঐখোয়গী অরিবা মরু হঞ্জিল্লক্কদৌরিবনি। নোংপোক চীঙ্খৈ অপানবা, নোংপোক চীঙ্খৈ লাল্লুম্বা হায়বসি নোংপোক থোঙ অসি নোংপোক

নোমিতা খোংবান্তাবম

 

ইবুধৌনা মফমসিদা ঙাল্লিমখৈ ঐখোয়গী অরিবা মরু হঞ্জিল্লক্কদৌরিবনি। নোংপোক চীঙ্খৈ অপানবা, নোংপোক চীঙ্খৈ লাল্লুম্বা হায়বসি নোংপোক থোঙ অসি নোংপোক মায়কৈ ওল্লু হায়বনি। হৌজিক কংলাগী নোংপোক থোঙসু হাংলক্লবনিনা ইবুধৌগীসু হাংলগনি। মণিপুরনা বৃটিশকী মখূৎতা মায়থীখিবদু ঐখোয়গী অমম্বা নুমিৎনি। অদুবু হৌজিক ইবুধৌগীসু নোংপোক ওল্লু হায়বগী ৱাফম লৈরকপনা ইবুধৌনা শগোল অঙৌবা শাদুনা কৎলু হায়রকপদগী কৎখি।

মণিপুরগী পুয়া (অরিবা লাইরিক) শিংগী মনুংদা চীঙ্খৈ চীঙ্গৈরোল, মালেম লৈশেমলোন, নোংমাইজিং চীঙ্গৈরোল, লৈথক-লৈখারোল, পুদিন, চঙথোঙ লমলেননচিংবশিংদা ইবুধৌ অপানবা হায়রগসু খঙনরিবা চীঙ্খৈ অপানবগী মতিক ময়াইশিং য়াওনা ইবুধৌ অসিগী মশকক্কী মতাংদা ইদুনা থম্লম্লি। ইবুধৌ অসিগা শাগোন্নবা লৈবাক্কী ওইবা থৌনি-থৌরম কয়াসু য়াওরি। মালেমদা তেংবানবা শেম্বীবা মপু ওইনা ইবুধৌ অসিনা অহানবা ওইনা লৈরকই। মঙাং, লুৱাং, খুমনগী মতমবুসু পুথোরকপা অমদি মায়কৈ মরি ঙাকপা লাই থাংজিং, মার্জিং, কৌব্রু, ৱাংব্রেনচিংবসু মায়কৈ মরি ঙাকপা লাই ওইনা থম্বীরম্মী। খোয়ুম লাইয়ামসু পুথোক্তুনা মালেম লৈমা ইমাবু খুদা ওইনা লৈবা, সোরারেননা থাকন ওইদুনা লৈবা, সোরারেননা থাকন ওইদুনা লৈরকপা নোংপোক চীঙ্খৈ অপানবনি। লাংওন য়াম্বা সোরারেনগী মচৎ ওইবা ইবুধৌনি।
ৱাফম অসি কংলা সিফাই হায়রকগসু খঙনরিবা চীঙ্খৈ চীংগী চীংখোং ওইরিবা মফম অসিগী চীংথক য়াওনা হৌরকঙৈদগী চীঙ্খৈ অঙানবগী খুভম ওইনা লেঙদনা লৈরক্লিবা মফম অসিবু ঙসি ফাওবদা য়োকখৎতুনা থম্লক্লিবা কমিটিগী হান্না প্রেসিডেন্ট ওইরম্বদগী হৌজিক্না কমিটি অদুগী এডভাইজর ওইরিবা কোইজম প্রফুলো মৈতৈনা পাউচে অসিদা ফোঙদোরকপনি। মীতৈ ফুরুপশিংগীদমক ঙসি ফাওবদা থৌদাং লৌরক্লিবা নোংপোক চীঙ্খৈ অপানবা ডিভেলপমেন্ট কমিটি অসি রেজিষ্টার তৌদুনা মসিগী মরু ওইবা থৌদাংশিংগী মনুংদা চীঙ্খৈ অপানবগী লাইফম অসিবু কন্দুনা মশক থোকপা লাইফম অমগী শক্তমদগী কায়হন্দনবা হোৎনদুনা লাক্লি।
কমিটি অসিগী এটভাইজর কোইজম প্রফুলো মৈতৈনা মখা তানা হায়, চীঙ্খৈ অঙানবা ইবুধৌগী লাইফম অসি নোংপোক চীঙ্খৈ অপানবা হায়নসু মীঙ্গৌনদুনা লাংওন ৯ ওইদুনা লাকখিবগী ৱাফম পুৱারীদা লৈরি। ময়াম অসি মৈহৌরোলগী মীগা লাইগা শম্নরিঙৈগী লংদাই ফাওবগী পুৱারীগী লিক্লমদা লৈরক্লবা মফমনি। চীঙ্খৈ চীং হায়দুনা লেঙদনা অহকপা মফম অমা ওইদুনা লৈরক্লবনি হায়রি।
লংওন লাইচৎ অসিদা য়াওরিবা অসি নোংমাইজিংদা লৈরগনা লাইনিংথৌ নোংপোক কৌবা, চীঙ্খৈদা লৈরগনা চীঙ্খৈ অপানবা হায়দুনা মীঙ্গৌনবা অমসু চীঙ্খৈ য়াইথোং নিংথৌ হায়নসু মীঙ্গৌনবা য়াওরি। অহলশিংনা হায়নরম্বা চীঙ্খৈ ফিদুপ হুল্লক্লে হায়রিবসি অনৌবা লাংওন অমা লাক্লে হায়বনি। অদুনা অরোইবা লাংওন লাকপা ওইরবসু লৈবাক্কী ওইনা থোকপা থৌদোক কয়াগা মরী লৈননা ইবুধৌদা থৌনিরবা ঙাক্তনি। ঈরাৎ থৌনি পাঙথোকপা, তাইবঙ শিন্থা মঙাং, লুৱাং, খুমনগীদা শিন্থা পাংলিবশিং অদুনা ইবুধৌনা তাকপীবা ঙাক্তনি হায়খি।
হৌজিক চীঙ্খৈ অপানবগী খুভম শেমগৎ-শাগৎলিবা লময়ানবা ইপুনসু পাউচে অসিদা হয়া, ইবুধৌগী য়াথং মতুংইন্না ইবুধৌগী শা লৈরিবসি কৈগী শক্তম ওইবা মরম্না কৈ অনীগী শক্তম শাদুনা ইবুধৌগী হোজংদা থম্বনি। কৈগী শক্তম শা অনী অসিনা ইবুধৌগী মফম অমদি নুংগী ওইবা কয়াবু ঙাক শেন্দুনা লৈরিবনি। মসিগা লোয়ননা কংলা কৈথেল কারগনি হায়বদগী চীঙ্খৈ চীংগী অকোয়বদা কৈথেল শঙ সেট ৪ শাদুনা লৈরে। মসিগী মথক্তা ইবুধৌগী খোইদৌ হায়না খঙনরিবা মফম অসিদা মীথুংশঙ শাও হায়বীবদগী শাবা হৌরে। ইবুধৌগী মফমসিদা মীয়াম্না লাই খুরমজবা লাকপদা খুদোংচানবগীদমক মৈ থাল্লু হায়বদগী হৌজিক ত্রান্সফোর্মার অমা খিন্দুনা মৈ পুশিল্লে। হায়রিবা ত্রান্সফোর্মার অসিনা মফম অসিগী কিলোমিটার ৩ মখায়রোমগী অকোয়বদা লৈবশিংসু মৈ ঙালহনবা ঙম্লগনি।
লাইফম অসিগী হৌজিক ষ্টোর রুম অমদি লাই পান্নবশিং য়াওনা মখোয়গী লৈফম চাফমসু শেমগৎলে। থবকশিংসিগা লোয়ননা মীয়াম্না চাকলেন কৎনীংবা মতমদা থোং-থাকপা য়ানবা ৱালৌশঙসু হৌজিক শেমগৎলি। ইবুধৌগী মরু ওইবা মফম ‘চীঙ্খৈ কুরু’ হায়রগসু খঙনবা নোংপোক্কা অৱাংকা তাইনরিবা মফম্বু চীঙ্খৈ কৌই। নোংপোক অপানবা, নোংপোক নিংথৌ অসুম্নসু খঙনরিবা ইবুধৌগী মতিক মঙাল অসিদি লোইবা নাইদে, কোরৌ নুমিৎকুম্বনি।
কোরৌ অঙানবা হায়বসিদা নোংঙাল্লমদাইগী অচিক-অশা উচেকনা খোংলকপা, নুমিৎনা ঙাংনা থোরকপা অসিবু মঙাং হায়না কোই। চীঙ্খৈ ফিদুক হুল্লকপা মঙাল নাইবা মতমনি। মসিদগী লৈথরক্লগা ঙৌনা থক্তোরকপা মফম অসিবুনা লুৱাং কুরু হায়না খঙনৈ। মসিদগী অমুক লৈথরক্লগা মমশিল্লকপা মতমবুনা খুমন কুরু হায়না ইবুধৌ অসিনা মশাদগী পুথোরক্তুনা খঙহল্লকই।
লময়ানবা ইপুনা মখা তানা হায়, ইবুধৌ চীঙ্খৈ অপানবগী নুমিৎতি ইরাই নুমিৎনি। অদুগা থৌনিবা মতমনা চীঙ্খৈ হল্লকপা নোংঙাল্লমদাই উচেকনা য়াকাইরকপা মতমদা খুরুমগদবিন। থৱান্মীচাক য়াম্না থোকপা নুমিৎ অসিসু নোংমাইজিংনা ওইবা নুমিৎ ওইবদগী থৱান্মীচাক য়াম্না থোকপা নুমিৎতা থৌনিজবা, খুরমজবদসু অফবা মহয় ফংজৈ। চীঙ্খৈ অপানবনা কোল্লিবা মফমসি চীঙ্খৈ চীং, কংলা সিফাই, ফকনুং, মোইরাং কম্পু, সাজেটনচিংবনি হায়খি।
হৌজিক শেমগৎ শাগৎলিবা ইবুধৌগী খুভমগী থবক থৌরমশিং অসি কোভিদ-১৯গী পেন্দামিক অসিগী ফীভম খজিক্তং ফগৎলুক্তুনা মীয়াম পুনবা য়ারবা মতমদা শঙ্গানবগীদমক ঙাইদুনা লৈরি। ইবুধৌনা মফমসিদা ঙাল্লিমখৈ ঐখোয়গী অরিবা মরু হঞ্জিল্লক্কদৌরিবনি। নোংপোক চীঙ্খৈ অপানবা, নোংপোক চীঙ্খৈ লাল্লুম্বা হায়বসি নোংপোক থোঙ অসি নোংপোক মায়কৈ ওল্লু হায়বনি। হৌজিক কংলাগী নোংপোক থোঙসু হাংলক্লবনিনা ইবুধৌগীসু হাংলগনি। মণিপুরনা বৃটিশকী মখূৎতা মায়থীখিবদু ঐখোয়গী অমম্বা নুমিৎনি। অদুবু হৌজিক ইবুধৌগীসু নোংপোক ওল্লু হায়বগী ৱাফম লৈরকপনা ইবুধৌনা শগোল অঙৌবা শাদুনা কৎলু হায়রকপদগী কৎখি। হায়রিবা শগোল অঙৌবা অসি গ্বালতাবীদা লৈবা থম্নাপোকপীগী সনা শাবী হায়বা মফম অদুগী ইবুধৌ পাখংবগী ইফুৎ অমগসু মরী লৈনরি। মফম অদুদা খয়োম লাক্তুনা খুরুমজরবা মতুংদা নিজবদগী অঙৌবা শগোল অসি কৎচবনি। মরম অদুনা চীঙ্খৈ চীংগী ইবুধৌগী মফম অসি মশেক মঙাল লৈনা থম্বা মতমদা ঐখোয়গী অনৌবা য়াওল অমদি শোয়দনা ইবুধৌগী য়াথংদগী লাক্লগনি।
কংলা খুন্থোকপা, কংলা খুনশেংবা মতম হৌজিক ওইরক্লবনি। মফম অসিদা পুখ্রি (সোরারেন ইকোন) হায়না খঙনবা অমা লৈরি। মসিদা ইরুপচবদা পূম্নমক কোকচবদগী মতমসিগা চুনবা পুখ্রি অমসু ওইহল্লগনি। হায়না মখা তানা ফোঙদোরকখি।
কর্টেসি: হুয়েন লানপাউ

COMMENTS

WORDPRESS: 0
DISQUS: