মৈরাবনা বলগেরিয়া বেডমিন্টন ইন্টারনেশনেলগী টাইটেল লৌরে

Homeস্ক্রলবার

মৈরাবনা বলগেরিয়া বেডমিন্টন ইন্টারনেশনেলগী টাইটেল লৌরে

ইম্ফাল, অক্টোবর ১০ : বলগেরিয়াগী কেপিটেল সিটি সোফিয়াদা চত্থরকপা বি ডব্লিউ এফ বলগেরিয়া ইন্টারনেশনেল বেডিমিন্টন টুর্ণামেন্ট ২০২১ দা মণিপুরগী মাইস্নাম মৈর

ইম্ফাল, অক্টোবর ১০ : বলগেরিয়াগী কেপিটেল সিটি সোফিয়াদা চত্থরকপা বি ডব্লিউ এফ বলগেরিয়া ইন্টারনেশনেল বেডিমিন্টন টুর্ণামেন্ট ২০২১ দা মণিপুরগী মাইস্নাম মৈরাবা লুৱাংনা টাইটেল লৌবগা লোয়ননা সিনিয়রগী ইন্টারনেশনেল টুর্ণামেন্টশিংদা মহাক্কী অহুমশুবা মেডেল লৌবা ঙমখ্রে।
বেডমিন্টন ৱার্ল্ড ফেডারেশন অমসুং ইউরোপ বেডমিন্টনগী লমজিং মখাদা পাঙথোকপা ইন্টারনেশনেল কম্পিটিশন অসিগী কোয়ালিফাইং রাউন্ডদা শরুক য়ারকখিবা মৈরাবনা ফাইনেল মেটচতা য়ুম্বু ওইরিবা বলগেরিয়াগী ডেনিয়েল নিকোলোভপু ২১-১৯, ৭-২১, ২১-১৪ দা মায়থীবা পীদুনা টাইটেল লৌবা ঙমখি। সিজন অসিদা ইন্টারনেশনেল কম্পিটিশনগী সিনিয়র কেটাগরিদা শরুক য়ারকখিবা মৈরাবানা বলগেরিয়া টুর্ণামেন্ট অসিগী কোয়ালিফাইং রাউন্ডদগী হৌরগা টাইটেল লৌরকপা ঙমখিবা অসিনা লমদম অসিদগী অলিম্পিক্তা শরুক য়াবা ঙম্লবগী লাঞ্জংদা হনবা লৈতনা চঙশিল্লে হায়বসি তাকপা ঙম্লি।
বলগেরিয়া ইন্টারনেশনেল বেডমিন্টন টুর্নামেন্ট অসিগী কোয়ালিফাইয়িং রাউন্ডদা মহাক্না ইংলেন্ডগী সিদ পলালকালবু ২১-১১, ২১-১২ দা অদুগা সুইডেনগী লুদ ভিংবু ২১-১৫, ২১-১৬ দা মায়থীবা পীদুনা মেন দ্রোদা য়াওবা ঙমখি। মেন দ্রোগী অহানবা রাউন্ডদা মৈরাবানা সারবিয়াগী গোরকো পেত্রেরিকপু ২১-১১, ২১-৫ দা মায়থীবা পীদুনা অনীশুবা রাউন্ড চঙখি। অনীশুবা রাউন্দা মহাক্না নরওয়েগী মার্কসপু মায়থীবা পীদুনা কোয়াটার ফাইনেল য়ৌবা ঙমখি। কোয়াটার ফাইনেলদা নৌনা সিনিয়র কেটাগরিদা চঙলকখিবা মৈরাবানা কাজাখিস্তানগী পানারিনবু ২১-৭, ২১-২১দা, সেমি ফাইনেলদা ঙরাং তুর্কিগী ইমলেলালিবু ২১-৯, ২১-১৫ দা মায়থীবা পীদুনা ফাইনেল চঙলকখিবনি।
মৈরাবানা আগস্ট থাদা মহাক্কী অহানবা সিনিয়র ইন্টারনেশনেল ওইনা লেতভিয়া ইন্টারনেশনেল বেডমিন্টন সিরিজ টুর্ণামেন্টতা টাইটেল লৌখি অমসুং মহাক্না ইউক্রেনগী ইন্টারনেশনেল টুর্ণামেন্টতা মহাক্কী অনীশুবা ইন্টারনেশনেল মেডেল ওইনা ব্রোঞ্জ লৌখি।
টুর্ণামেন্টকী টাইটেল ফংদুনা ৱার্ল্ড রেঙ্কিংদা হান্না ৫৫০দা সিনিয়র লেভেল চঙলকখিবা অদুদগী রেঙ্ক ১৭১ হাইগৎলগা ৩৭৯ দা লৈবা ঙমখ্রে।
সোর্স: পোক্নফম

COMMENTS

WORDPRESS: 0
DISQUS: