মৈতৈ নিঙোল গায়ত্রী সিনহা ‘প্রেসিডেন্ট আনসার (সেবা) পদক’ ফংখ্রে

Homeকমিউনিটি

মৈতৈ নিঙোল গায়ত্রী সিনহা ‘প্রেসিডেন্ট আনসার (সেবা) পদক’ ফংখ্রে

সিলেট ওফিসঃ বাংলাদেশ আনসার ও ভিডিপি একাডেমীগী ব্যাটালিয়ন আনসার, বাংলাদেশকী মৈতৈ নিঙোল গায়ত্রী সিনহা শিংথানিঙাই ওইরবা ‘প্রেসিডেন্ট আনসার (সেবা) পদক’ ফং

সিলেট ওফিসঃ বাংলাদেশ আনসার ও ভিডিপি একাডেমীগী ব্যাটালিয়ন আনসার, বাংলাদেশকী মৈতৈ নিঙোল গায়ত্রী সিনহা শিংথানিঙাই ওইরবা ‘প্রেসিডেন্ট আনসার (সেবা) পদক’ ফংখ্রে। বাংলাদেশ আনসার ও গ্রাম প্রতিরক্ষা বাহিনীগী ৪১ শুবা জাতীয় সমাবেশ ২০২১ কী পান্দমদা, আনসার ভিডিপি একাডেমী, সফিপুর, গাজীপুরদা ঙসি পাংথোকপা চিং লেমবা থৌরম অমদা গণপ্রজান্ত্রী বাংলাদেশ সরকারগী মাইকৈদগী হোম মিনিস্টার আসাদুজ্জামান খান কামালনা পদক (এওয়ার্ড) অসে খুৎসিন্নখি। থৌনাফবা, থাগৎনিঙাই ওইবা অমদি সেবাগী দমক তৌখিবা থবক কয়াগীদমক মহাকপু পদক অসে ফংনবগিদমক খনখিবনি। পদক অসিগদমক খনখিবা বাংলাদেশ আনসার ও ভিডিপিগী ওফিসার অমসুং থৌমি (নূপা অমসুং নূপী) ১৪০ কি মনুংদা গায়ত্রী সিনহাসু অমনি।

গায়ত্রী সিনহা মৌলভীবাজার জেলাগী কমলগঞ্জ থানাগী মনুং চনবা মঙ্গলপুর খুঞ্জাদা লৈবা শ্রী ননীমোহন সিংহ অমসুং প্রভাবতী দেবীগী মচানুপীনি। মপুরোইবগী মীংনা অনিল কুমার সিংহ, লৈফম্না জুড়ী থানাগী ছোট ধামাই খুঞ্জাদনি। পনবা য়াবদি, হায়রিবা ‘প্রেসিডেন্ট আনসার (সেবা) পদক’ গুম্বা শিংথানিঙাই ওইরবা রাষ্ট্রীয় পদক ফংবসি বাংলাদেশকী মণিপুরীসিংগী মনুংদা মসিনা অহানবনি।

COMMENTS

WORDPRESS: 0
DISQUS: