মৈতৈনা তাবা ত্রিপুরাগী ডিস্ট্রিক্ট তরুক্তা য়াওশঙ মৈথাবগী থৌরম পাঙথোকখ্রে

Homeমিডিয়া

মৈতৈনা তাবা ত্রিপুরাগী ডিস্ট্রিক্ট তরুক্তা য়াওশঙ মৈথাবগী থৌরম পাঙথোকখ্রে

শ্রী চৈতন্য মহাপ্রভুগী মপোক নুমিৎকা মরী লৈননা সনাতন বৈষ্ণব লাইনিং চৎপা ত্রিপুরাগী মণিপুরীশিং চহী খুদিংগী মতৌগুম হন্দকসু য়াওশঙ মৈ থাবগা লোয়ননা হোলি লাই

শ্রী চৈতন্য মহাপ্রভুগী মপোক নুমিৎকা মরী লৈননা সনাতন বৈষ্ণব লাইনিং চৎপা ত্রিপুরাগী মণিপুরীশিং চহী খুদিংগী মতৌগুম হন্দকসু য়াওশঙ মৈ থাবগা লোয়ননা হোলি লাই ভিক্ষা নিবগী চৎনবী অদু পাঙথোকখ্রে। মালেমগী তমথিরবা কোভিড লাইচৎকী অনীশুবা ওয়েবকী মনুং অসিদা আগরতলা মিউনিসিপালনা কোল্লিবা আওলী, ধলেশ্বর, চন্দ্রপুর (দাপ্তা), অভয়নগর, রাধানগর, বড়জলা নচিংবা মণিপুরী খুন লৈকাইশিংদা য়াওশঙ মৈ থাবগী পরম্পরা থৌরম অদু পাঙথোকখি।

হোলি থোকপা অমদি ভিক্ষা নিবা মশীং ৱাৎলবসু মহৌশাগী ইপা ইপুশিংনা তৌনরম্বা চৎন পথাপ অদুম্মক ঙাক্না হন্দকসু ত্রিপুরাগী অৱাং জিলাগী ধর্মনগর, জলাবাসা, কৈলাশহর, ধলাই ডিস্ট্রিক্টকী হালাহালি, কুচাইনালা, পঞ্চাসী নচিংবা, খোয়াই ডিস্ট্রিক্টকী গৌরনগর, জাম্বুরা, দুর্গানগর, সিপাহীজলা ডিস্ট্রিক্ট মখাদা গোলাঘাতি, বদ্যারদীঘি, লালসিংমুড়া, ঢাকারবাড়ী, নারান খামার নচিংবা অমসুং নোংচুপা জিলাগী খুনৌ, নলগড়িয়া, বামুতিয়া, ছেছুড়িষা নচিংবা মৈতৈনা তাব ডিস্ট্রিক্ট তরুকতা য়াওশঙ মৈ থাবগী থৌরম অদু পাঙথোকখি। মসিতা নত্তনা লৈঙাক্কী আই.সি.এনা শীল্লাংদুনা তখেন কোনুংদা (হৌজিক্না স্টেত মিউজিয়াম) পাঙথোকখিবা দোল উৎসবতা তোঙান তোঙানবা জিলাদগী টিম কয়া অমসুং মণিপুরী মাইকৈদগী ডব্লিউ মধুমঙ্গলনা লুচিংবা হোলিগী টিম অমা শরুক য়াখি। উৎসব হৌদোকপগী থৌরম অদুদা ত্রিপুরা ইউনিভার্সিটিগী ভাইস চেন্সেলর ড. গঙ্গাপ্রসাদ প্রোসিউন, শক্নাইরবী শৈশকপী ঝর্ণা দেববর্মা, লোয়শঙগী থৌবুরেনশিং নচিংবা শরুক য়াখি। থৌরম অদুদা ভিসি গঙ্গাপ্রসাদ প্রেসিন্না ৱা ঙাংখি।

সোর্সঃ মরুপ।

COMMENTS

WORDPRESS: 2
DISQUS: