মেরি কোম্না টোকিও অলিম্পিক্সতা মায়থীখ্রবা মতুং থেমজিনবা য়াদবমখৈ কপখিবী নুপীমচা অদুনা উনখ্রে

Homeস্ক্রলবার

মেরি কোম্না টোকিও অলিম্পিক্সতা মায়থীখ্রবা মতুং থেমজিনবা য়াদবমখৈ কপখিবী নুপীমচা অদুনা উনখ্রে

ইম্ফাল, আগস্ট ২৫ :মেরি কোম্না টোকিও অলিম্পিক্সকী কোয়াটারফাইনেলদা মায়থীবা নংখ্রবা মতুংদা নুপীমচা অমনা থেমজিনবা য়াদবমখৈ কপখিবগী মতৌ উরবা ভিডিও অমা ভাই

ইম্ফাল, আগস্ট ২৫ :মেরি কোম্না টোকিও অলিম্পিক্সকী কোয়াটারফাইনেলদা মায়থীবা নংখ্রবা মতুংদা নুপীমচা অমনা থেমজিনবা য়াদবমখৈ কপখিবগী মতৌ উরবা ভিডিও অমা ভাইরেল চৎখ্রবা মতুং বোক্সিং লিজেন্দ অদুনা নুপীমচা অদুগী লৈফম খঙদোক্তুনা উনখ্রে।
ভেতরান বোক্সার অদুনা টোকিও অলিম্পিক্সকী নুপী বোক্সিংগী কাংলুপ্তা কম্পিট তৌখি। মহাক্না কোয়াটারফাইনেলদা য়েৎননিংঙাই ওইরবা ডিসিশন অমদা কলম্বিয়াগী ইনিগ্রিট ভেলেন্সিয়াগী মখূত্তা মায়থীবা নংদুনা নিংবা কায়হৌখি। মহাক্না মায়থীখ্রবা মতুংদা নুপীমচা অমনা থাম্মোয় শোক্না কপ্পাগী মতৌ উখিবা ভিডিও অমা ভাইরেল চৎলকখি। ভিডিও অদু মেরি কোম্না মহাক্কী টুইটারদা পোস্ট তৌদুনা শেয়ার তৌরকখি।
ভিডিও অদু শেয়ার তৌরদুনা অলিম্পিক মেডেলিষ্ট বোক্সার অদুনা মহাক্না মহাক্কী থৱায় লুপচরবী ভাবক নুপীমচা অদুগা উননিংবগী অপাম্বা ফোঙদোরকখি। মহাক্না টুইটারদা ভিডিও অদু শেয়ার তৌরদুনা হায়, ‘নুংশিরবী ইনাওনুপী, ঐনা উননবগী খুদোংচাবা অমা ফংলগদি ঐনা নহাকপু কোনগনি অমসুং নহাকপু ইকায়খুম্নগনি। নহাক্না স্পোর্টস অমদা/বোক্সিংদা ইন্টারেষ্ট লৈরগদি ঐনা নহাকপু মতেঙ পাংবদা য়াম্না নুংঙাইবা পোক্কনি।
মেরি কোম্না মহাক্কী টুইটারদা ফোঙদোকখিবা ৱাফম অদু ঙাক্না চৎলদুনা হৌজিক্তি মহাক্না নুপীমচা অদুগী লৈফম খঙদোক্তুনা মহাক্কী ভাবক অদুগা উনবগী ফোটোশিং টুইটারদা পোস্ট তৌরকখি। মহাক্কী টুইটারদা ফোটোশিং শেয়ার তৌরদুনা মেরি কোম্না ‘টোকিও ২০২০ চত্থরিঙৈ মনুংদা মহাক্কী তশেংনা পূক্নিং থৌগৎপীখিবা অমসুং কপীখিবী ঐগী অনৌবা বোক্সিংগী ভাবক অমসুং ফোলোয়ার ঐনা ফংলে’ হায়না ফোঙদোরকখি।
মহাক্কী টুইটার শেয়ার তৌরকখিবা ফোটোশিং অদুদা মহাক্না নুপীমচা অদুদা মহাক্কী মায়কৈদগী খুদোলপোৎশিং তম্বা উরি। তরুক্লক ৱার্ল্ড চেম্পিয়ন ওইখ্রবী মেরি কোম্বু মহাক্কী টুইটারগী ফোলোয়ারশিংনা মহাক্না মহাক্কী ভাবক অদুগা উনখিবগী মতৌা থাগৎনরকখি অমসুং হায়না শীংথারদুনা মখোয়না মহাক্কী চাউথোকচৈ হায়না ফোঙদোক্নরকখি।
সোর্স: পোক্নফম

COMMENTS

WORDPRESS: 0
DISQUS: