মেক্সিকোগী মেজানা মিস ইউনিভার্সকী টাইটেল ফংখ্রেমিস ইউনিভার্স ২০২১ এন্দ্রিয়া মেজা

Homeট্রেন্ড

মেক্সিকোগী মেজানা মিস ইউনিভার্সকী টাইটেল ফংখ্রে

ৱাশিংটন, ফ্লোরিদাদা হৌখিবা নোংমাইজিং নুমিত্তা পাঙথোকখিবা মিস ইউনিভার্স ফাইনেল রাউন্দদা মিস মেক্সিকো এন্দ্রিয়া মেজানা মহাক্কী কন্টেস্টেন্টশিংবু মায়থিবা

ৱাশিংটন, ফ্লোরিদাদা হৌখিবা নোংমাইজিং নুমিত্তা পাঙথোকখিবা মিস ইউনিভার্স ফাইনেল রাউন্দদা মিস মেক্সিকো এন্দ্রিয়া মেজানা মহাক্কী কন্টেস্টেন্টশিংবু মায়থিবা পীরমদুনা মিস ইউনিভার্স ২০২১ গী টাইটেল লৌবা ঙমখ্রে। মমাং চহীদা পাঙথোক্কনি হায়না তৌরম্বা মিস ইউনিভার্স কন্টেস কোভিদ-১৯ পেন্ডামিক্না মরম ওইরগা পাঙথোকপা ঙমদনা লাকখিবনি। আমেরিকান এক্টর মারিয়ো রোফেসনা হোস্ট ওইদুনা পাঙথোকখিবা কন্টেষ্ট অদুদা পুন্না তোঙান তোঙানবা লৈবাকশিংদগী লাকখিবা কন্টেষ্টেন্ট ৭০ হেনবনা শরুক য়াখি। হান্নগী মিস ইউনিভার্স কন্টেষ্টেন্ট চেসলি ক্রিস, পাওলিনা ভেগা অমদি দেমি লেঘ টেমোনা কম্পিটিসন অদুগী এনালিষ্ট অমদি কম্পেটেটর ওইখি। অদুগা নুপী ৮ গী ওইবা পেনেল অমনা কন্টেষ্ট অদুবু কুপ্না অবজার্ব তৌখি।

মিস কন্টেষ্ট অদুগী ফাইনেল রাউন্দদা মিস মেক্সিকো মেজাবু মিস ইউনিভার্স ওইনা লাউথোকখ্রবা মতুং মেজানা মমিৎতগী মপি তারদুনা খুদিংমকপু থাগৎপা ফোঙদোকখি। অমদি অহানবা ওইনা হরাও নুংঙাইবা ফোঙদোক্তুনা নাকলদা লৈরিবা কন্টেষ্টন্টেশিংদা খূৎ শোকপা অমদি কোনবগী থবক তৌদবিদা মীয়াম মমাংদা কেটৱাক চৎখি। অমরোমদা টপ ২১ ফাওবা চনখিবা মসি ম্যান্মার হুজার উইন্ট উইননা মহাক্কী রাউন্দদা হংখিবা ৱাহংগী পাউখুম পীরবা মতুং মায়ানমারদা হৌজিক ওইরিবা ফীভম অদুগী মতাংদা মীয়ামদা পাউদমখি অমদি মালেমগী মীয়াম্না অৱাবা তারবা ম্যান্মারগী মীয়াম্বু মতেং পাংহন্নিংবগী অপাম্বা ফোঙদোকখি।

সোর্সঃ হুইয়েন লানপাউ।

COMMENTS

WORDPRESS: 0
DISQUS: