মীৎয়েং অমদা নূপী লাননূপী লান মেমোরিয়্যাল কোমপ্লেক্স, ইম্ফাল। মমীঃ ইন্টারনেট

Homeএডিটরগি ডেস্ক

মীৎয়েং অমদা নূপী লান

মালেমদা অপিকপা কমিউনিটি খুদিংমকনা, মেইনষ্ট্রিমদগি খরা তোঙানবা তোপ তোপ্পা খন্থদবা য়াদবা ৱাফম খরা লৈ, রেস্পোন্সিবিলিটি খরা লৈ হায়বসে কাওফম থোক্তে। খোৱ

মালেমদা অপিকপা কমিউনিটি খুদিংমকনা, মেইনষ্ট্রিমদগি খরা তোঙানবা তোপ তোপ্পা খন্থদবা য়াদবা ৱাফম খরা লৈ, রেস্পোন্সিবিলিটি খরা লৈ হায়বসে কাওফম থোক্তে। খোৱাইদগী মরু ওইবা খোৱাইদগী মরিক চুম্বা ৱাদি, সোশ্যাল এডভান্সমেন্টপু ওইরো, সাস্টেইনেবল ডেভেলপমেন্টপু ওইরো, খুন্নাই নত্রগা ইমুংগী ফিভম শৌগৎপগী ৱাবু ওইরো, নূপা অমসুং নূপী অনিনা চপ মান্ননা মোরালিটিগী য়ুম্ফমদা মতিং লৈনা লেপ্পগা থেংনরিবা লান পুম্নমক লম্বা ওইগদবনি হায়বা ৱাফম অসে শুংশোয় শোয়দ্রবনি।

মণিপুরীশিংগী পূন্সি মহিংদতা নত্তনা মণিপুরগী পুৱারীদা নুপীশিংগী থোইদোকপা ফিদা অমা লৈ। নুপী লানদগী হৌদুনা, আমসফা-গী মায়োকতা হৌখিবা ইহৌ, মনোরমাগী মতাং, ড্রাগকী মায়োকতা চত্থবা ইহৌ, আইএলপি অমদি সিএএগী মতাং অসিগুম্বনা চিংবা খুদম কয়া লৈখ্রে। ইমুং মনুংগী ৱারেপ লৌবদা (Decision making), লৈকাই খুন্নাইগী চাওখত থৌরমদা অমদি খুঙ্গংগী পুন্সী মহিংদা হায়বদি ফিশা-লোনশা, লৌ-শিং উবদা মণিপুরী নুপী অমগী থৌদাং অদুক্কীমতিক ৱাংনা লৈ। অদুতসু নত্তনা মণিপুরগী মাইক্রো ইকোনোমিদা নুপীশিংনা কয়া চাওবা থৌদাং লৌরি হায়বসে ‘ইমা কৈথেল’গী মমী উবদা হায়ফেৎ ৱাখল তাবা ঙমগনি। অমরোমদনা মণিপুরী নূপীশিংগী ইহুল থৌনাদি পুৱারীগী লম্বীফাওবা ওন্থোকপা ঙম্বগী থাক্তা লৈ হায়বসিসু ‘নূপী লান’গী তাঙ্কক অনীনা মালেমদা খুদোল পীদুনা তাকহনখ্রবনি। নূপী লানগী থৌদোক অদুনা মণিপুরগী ইকোনোমিক পোলিসি অমসুং তুংগী রাজনীতিগী লৌ শিনবদা ইনোত অমা হাপখি হায়বসিসু য়ানরবা ৱাফমনি।

ঙসি ৮১ শুবা ‘নূপী লান’গী কুমওননা লাকপসিদা ইতিহাসকী তাঙ্কক অমদা থোকখিবা নূপী লান’গী ৱাহন্থোক অমদি মণিপুরীশিংগী হৌজিক্কী পূন্সী মহিংদা নূপীশিংনা করি ইথিল পিরি অমদি নুপীশিংবু খুন্নাই লৈঙাকনা করি খুদোংচাবা পিবা ঙম্মি হায়বা ৱাফমসে নেনা তানা খন্থফম থোক্লে। মীৎয়েং অমনা, মণিপুরদা তিলহৌ, আচাথাওনা চিংবা অয়াম্বা কোমোডিটিজকী মমল তাংনা থোকপা, অদুগা পোৎচংশিংদু য়োল্লিবা কারবারী অচাওবশিংনা অয়াম্বা নন-মণিপুরী ওইবা অসিগুম্বা নূপী লানগী ৱাহন্থোককা চুনদবা ইস্যু কয়ামসু শং শং লাওরি। হায়বদি, নূপী লানগী পান্দমদি, মণিপুরদা চেংনা চিংবা ডেইলি কোমোডিটিজ লোক্যাল ডিমান্ড কোন্নদনা অতৈ স্টেটতা থাবা য়ারোই অদুতা নত্তনা ইশাগী পোত্থোকনা ইরমদমগী কোৎপু থনহনগদবনি হায়বা ৱাহন্থোকসিসূ শোয়দনা য়াওরিবনি। অদু ওইরদি হৌজিক্কি ওইরিবা মার্কেট রিয়ালিটিসিনা ‘নূপী লান’গী স্পিরিটপু কয়াম্না ইকাই খুম্নবা ঙম্লবগে? ৱাহং শিংসে লৈঙাককি থৌবুরেলশিংনতা খনগদবসু নত্তে, খুন্নাই লুচিং, সংস্থানশিং লোয়ননা ৱাখল লৈবা মীওই খুদিংমক্কিনি হায়জনিংঙি।

অমরোমদা, বাংলাদেশকী রিয়ালিটিসিনা খরা তোঙাল্লে হায়বা য়াই। চপ চাবা সার্ভে নত্রগা রিসার্চপুদি লৈত্রগসু লাইরিক লাইসু, মহৈ তম্বগী থাকতা নূপী শিংনা খুমাং চাওশল্লক্লি, মরু ওইনা হৌখিবা চহী তরা – তরানিথোইসিদদি অহোইনা চুম্লবনি। অদুগা সিলেটগুম্বা সিটিদদি ৱাফমসে অতৈসু হেন্না চুম্লে হায়বসিদি অদুম্মক য়ানরবনি। ট্রেন্ড অসি য়াম্নমক থাগৎনিঙাইদি ওই হায়ববু, তশেংনা চাওখৎ লম্বিবু পন্থুং য়ৌহনবা তারদি অমদি সাস্টেইনেবল ডেভেলপমেন্ট খুদুম চনগে হায়রগদি নূপা নুপী অনিনা চপ মান্ননা চেনবা তাই হায়বসে লেংদ্রবা ৱাফমনি। অমরোমদনা, হৌজিক্কি খুন্নায়দা নুপী মচা শিংনা ময়াং নীপাদা চেনখিবা, ময়ুম পানশিনবা অমদি অতোপ্পা জাতিগী নিপাশিংগা চৎমিন্নবতা নত্তনা ইমুং মনুংদা পুশনদুনা চামিন্নবা থকমিন্নবা, ময়াং নুপাশিংগনা হেন্না খোয়দাজবা অশিগুম্বগী মমীসিনা খুন্নায়দা চরাংনবা, মহী থোকহনবা অমসু ওইহল্লি। সোশ্যাল নোর্ম ঙাকপদা চ্যালেঞ্জ অমা পুরক্লি। লাইবক থিবনি। হোয়, মসিদা সোসিও ইকোনোমিক ফ্যাক্টর অমা লৈ হায়বসু কাওজবদি নত্তে। অদুবু মদুতনা ৱারোইশিনদি ওইবা য়াদে। মালেমদা অপিকপা কমিউনিটি খুদিংমকনা, মেইনষ্ট্রিমদগি খরা তোঙানবা তোপ তোপ্পা খন্থদবা য়াদবা ৱাফম খরা লৈ, রেস্পোন্সিবিলিটি খরা লৈ হায়বসে কাওফম থোক্তে। খোৱাইদগী মরু ওইবা খোৱাইদগী মরিক চুম্বা ৱাদি, সোশ্যাল এডভান্সমেন্টপু ওইরো, সাস্টেইনেবল ডেভেলপমেন্টপু ওইরো, খুন্নাই নত্রগা ইমুংগী ফিভম শৌগৎপগী ৱাবু ওইরো, নূপা অমসুং নূপী অনিনা চপ মান্ননা মোরালিটিগী য়ুম্ফমদা মতিং লৈনা লেপ্পগা থেংনরিবা লান পুম্নমক লম্বা ওইগদবনি হায়বা ৱাফম অসে শুংশোয় শোয়দ্রবনি। অদুগা, ‘নুপী লান’গী ৱাহন্থোকনা, হায়রিবা হীরমশিংসে খন্থবদা শোয়দনা ইথিলমা পীরিবনি, থৌনা হাপ্পিরিবনি অমদি মীৎ পাং পাংনা তুম্নিংলিবা খুন্নাইদা য়েতুম থিন্দুনা মীৎ পাঙহল্লিবনি।

COMMENTS

WORDPRESS: 0
DISQUS: