মীতৈ/মৈতৈবু এস টি লিষ্টতা চলহনবিনবা পিএম অমদি মণিপুরগী সিএমদা মেমোরেন্ডাম পীশিনখ্রে

Homeস্ক্রলবার

মীতৈ/মৈতৈবু এস টি লিষ্টতা চলহনবিনবা পিএম অমদি মণিপুরগী সিএমদা মেমোরেন্ডাম পীশিনখ্রে

ইম্ফাল, অক্টোবর ০৩ : মীতৈ/মৈতৈবু সেদুল্ড ত্রাইব লিষ্টতা চলহন্নবগা মরি লৈননা আসামগী হোজাইদা লৈবা এ এম এস পি ভবনদা আসামগী মরু ওইবা সিভিল সোসাইটি অর্গানা

ইম্ফাল, অক্টোবর ০৩ : মীতৈ/মৈতৈবু সেদুল্ড ত্রাইব লিষ্টতা চলহন্নবগা মরি লৈননা আসামগী হোজাইদা লৈবা এ এম এস পি ভবনদা আসামগী মরু ওইবা সিভিল সোসাইটি অর্গানাইজেশনশিংগা খুৎশম্নদুনা ৱার্ল্ড মীতৈ কনভেন্সন হোজাই জোনাল কমিটিনা শিন্দুনা মীয়ামগী ওইবা মীফম অমা পাঙথোক্তুনা ৱারেপ কয়া লৌখিবগা লোয়ননা মীতৈবু এস টি লিষ্টতনা চলহনবিনবা ইন্দিয়াগী প্রাইম মিনিষ্টার নরেন্দ্র মোদি অমদি মণিপুরগী সিএম এন বিরেনদা মেমোরেন্ডাম পীদুনা হায়জখ্রে হায়না ৱার্ল্ড মীতৈ কনভেন্সন আসাম য়ুনিৎনা থাদোরকপা চেরোল অমনা হায়রি।
চেরোল অদুনা হায়, ইন্দিয়াগী তোঙান তোঙানবা ষ্টেটশিংদা লৈরিবা মীতৈশিংনা মশাগী কালচার, ত্রেডিশন অমদি ইথনিক আইডেন্টিটি ঙাক শেঞ্জবা ঙম্ননবগীদমক ফুরুপ অসিবু এস টি লিষ্টতা চলহনবিয়ু। মীতৈগী হৌরকফম ওইরিবা মণিপুরদা ফুরুপ অসিবু এস টি অমা ওইনা শকখংদ্রিবা ফাওবা অতোপ্পা ষ্টেট ওইরিবা আসাম অমদি ত্রিপুরাদা লৈরিবা মীতৈশিংনা ষ্টেটশিং অদুদা এস টি গী ডিমান্ড অসি তাল্লূবা য়ারোই হায়রদুনা চেরোল অদুনা মখা তানা হায়, মীতৈ সিভিল সোসাইটি অর্গানাইজেশনশিংগী লুচিংবশিংনা মখোয় মখোয়গী ওইবা অশেংবা ৱাখল্লোনশিং অদু ফোঙদোক্লদুনা মণিপুরগী চীফ মিনিষ্টারনা অথুবা মতমদা রিকমেন্ডেসন থাবিদুনা য়েলহৌমী ওইরিবা মীতৈ/মৈতৈ হায়বা ফুরুপ অসিগী ফঙফম থোকপা কন্সটিট্যুস্নেল রাইট অদু পীবিদুনা মীয়ামদা অচুম্বা ৱায়েল ফংহনবিনবা তকশিনখি। লোয়ননা ঙসিগী মীফম অদুদা শরুক য়াখিবা য়ুনাইটেড মণিপুর এসোসিয়েসন অব আসামগী প্রেসিডেন্ট লাইসোম শরৎনা ফোঙদোকখিবদা, আসামগী ওইনা কুমজা ১৯৯৫ দগী হৌনা আসামদা লৈরিবা মীতৈশিংবু এসটি লিষ্টতা চলহনবিনবা য়ুনাইটেড মণিপুর এসোসিয়েসন অব আসামনা লেপ্তুনা লাক্লি। আসামদা লৈরিবা মীতৈশিংনা এসটিগী ডিমান্ড অসি তানবা য়ানবগীদমক তঙাই ফদনা মণিপুরদা লৈরিবা মীতৈশিংবু এসটি লিষ্টতা চলহনবা মথৌ তাই হায়বা ৱাফম থমখি হায়রি।
সোর্স: পান্দম

COMMENTS

WORDPRESS: 0
DISQUS: