মিউজিক ভিডিও থাগৎপদা ফিল্ম ফোরাম মণিপুরদা প্রিভিয়ু তৌরবা মতুংদা থাগৎকদবনি

Homeমিডিয়া

মিউজিক ভিডিও থাগৎপদা ফিল্ম ফোরাম মণিপুরদা প্রিভিয়ু তৌরবা মতুংদা থাগৎকদবনি

ইউটিউব চেনেল অমদি সোসিয়েল মিডিয়াশিংদা থাগৎলিবা মণিপুরী মিউজিক ভিডিও খুদিংমক ফিল্ম ফোরাম মণিপুরদা প্রিভিয়ু তৌরবা মতুংদা থাগৎকদবনি হায়না ফিল্ম ফোরাম মণি

ইউটিউব চেনেল অমদি সোসিয়েল মিডিয়াশিংদা থাগৎলিবা মণিপুরী মিউজিক ভিডিও খুদিংমক ফিল্ম ফোরাম মণিপুরদা প্রিভিয়ু তৌরবা মতুংদা থাগৎকদবনি হায়না ফিল্ম ফোরাম মণিপুরনা চেরোল অমদা ফোঙদোরক্লি।

চেরোলসিনা মখা তারদুনা, চৎলিবা চহি ২০২১ গী এপ্রিল ২০দা ফিল্ম ফোরাম মণিপুরগী এক্সিকিউটিব কমিটিনা হৌজিক সোসিয়েল মিডিয়া অমদি ইউটিউব চেনেলশিংদা আপলোড তৌদুনা মীয়ামদা য়েংহল্লিবা মণিপুরী মিউজিক ভিডিওশিং অসিগী মতাংদা কুপ্না খন্ন-নৈনবগী মীফম অমা পাঙথোক্তুনা ৱারেপ কয়া লৌখিবনি।

সোসিয়েল মিডিয়া অমদি ইউটিউব চেন্নেলশিংদা ফিল্ম ফোরাম মণিপুরনা প্রিভিয়ু তৌদ্রিবা নৎত্রগা অয়াবা পীদ্রিবা মিউজিক ভিডিও খরা আপলোড তৌদুনা মীয়ামদা উৎপা/য়েংহনবা থেংনরে। মসি ফিল্ম ফোরাম মণিপুরনা য়াম্না হকচিন্না লৌবগা লোয়ননা ফিল্ম ফোরাম  মণিপুরগী এক্সিকিউটিব কমিটিগী মীফমনা মণিপুরী মিউজিক ভিডিওশিং অসি সোসিয়েল মিডিয়া অমদি ইউটিউব চেনেলশিংদা আপলোড তৌদ্রিঙৈদা ফিল্ম ফোরাম মণিপুরদা হান্না প্রিভিয়ু তৌদুনা মীয়ামদা উৎপা অমদি য়েংহনবা য়াবগী অয়াবা হান্না শুকশোই শোয়দনা লৌগদবনি হায়না ৱারেপ্নখি। করিগুম্বা কনাগুম্বা প্রডিউসার ডাইরেক্টরশিংনা হায়রিবা ৱাফম অসি থওইদদুনা মণিপুরী মিউজিক ভিডিওশিং অসি ফিল্ম ফোরাম মণিপুরনা প্রিভিয়ু তৌদুনা অমদি অয়াবা য়াওদনা সোসিয়েল মিডিয়া অমদি ইউটিউব চেনেলশিংদা আপলোড তৌরম্বা নৎত্রগা মীয়ামদা উৎলম্বা থোক্লবদি মরি লৈনবা প্রডিউসর/ডাইরেক্টরশিংগী মথক্তা ফিল্ম ফোরাম মণিপুরগী চৎন-পথাপকী মতুং ইন্না অকনবা এক্সন লৌখৎকনি।

মরমদুনা মণিপুর মিউজিক ভিডিওশিংগী প্রডিউসর/ডাইরেক্টরশিংনা ফিল্ম ফোরাম মণিপুরগী ৱারেপ অসি ঙাক্না চৎনবা অরোয়বদা আপিল তৌরক্লি।

সোর্সঃ সঙাই এক্সপ্রেস।

COMMENTS

WORDPRESS: 0
DISQUS: