মালেমগা অতিয়াগগী মরক্তা মচুশিংগী পাউদমখোলঃ কন্তেম্পরেরি আর্তিস মরিগী ‘কনেক্সন’ আর্ত এক্সিবিসন ২০২১ দা মিৎয়েং অমালোকডাউনঃ হিজম সত্যব্রত

Homeৱাখল্লোন

মালেমগা অতিয়াগগী মরক্তা মচুশিংগী পাউদমখোলঃ কন্তেম্পরেরি আর্তিস মরিগী ‘কনেক্সন’ আর্ত এক্সিবিসন ২০২১ দা মিৎয়েং অমা

তোংব্রম অমরজিৎ মশক নাইরবা আর্তিস কয়াগী পেন্তিং, স্কল্পচর, গ্রাফিক, ইন্সতোলেসন কয়াদি ইন্দিয়াগী মফম কয়াদা লৈরিবা চাওরবা আর্ত গেল্লরী কয়াদা কলেকসন ত

তোংব্রম অমরজিৎ

মশক নাইরবা আর্তিস কয়াগী পেন্তিং, স্কল্পচর, গ্রাফিক, ইন্সতোলেসন কয়াদি ইন্দিয়াগী মফম কয়াদা লৈরিবা চাওরবা আর্ত গেল্লরী কয়াদা কলেকসন তৌদুনা আর্ত লভরস কয়াগী পূকনিং চিংশিল্লি। মসিনা মালেমগী মফম কয়াদগী লাকপা লমকোয়বা কয়াবুসু কলচর অমসুং ত্রেদিসনদা ইনাক খুল্লবা ইন্দিয়াদা লাকনিংবা ফাওহল্লি। ইন্দিয়াদা লৈবা মমিং লৈরবা আর্ত গেল্লরি খরদং পল্লবদা, নেস্নেল গেল্লরী ওফ মোদর্ন আর্ত, ন্যু দিল্লী, একাডেমি ওফ ফাইন আর্তস, কোলকাটা, ঝাহাঙ্গির আর্ত গেল্লরী, মুম্বাই, গেল্লরী কোলকাটা অসিনচিংবা চাওরবা গেল্লরী কয়া লৈখ্রে অদুবু মনিপুরগুম্বা শকনাইরবা আর্তিস কয়া পোক্লিবা লমদম অসিদা মতিক চাবা ফাইন আর্তসকী গেল্লরী নীংথিজনা লৈতবসি আর্ত লভরসশিংদি নীংবা কায়দুনা লৈরি। অদুবু নীংহন্নবা হায়বদুদি কৈদৌনুংদা লৈতে ঐখোয়গী লাই য়েকপশিংনা অদুনা আর্ত এক্সিবিসন কয়া চোকথবা লৈতনা পাঙথোক্লি।

পুন্সি হায়বসি খন্থরুরগদি তেনখ্রবা খোঙচৎ অমনি। নুমিৎনা থোক্লক্লগা অমুক মতম লোয়দুনা চীংদোল মরুমদা লৈথখিবদা অমম্বদা তিনখিবগুম পুন্সি কয়াসু অদুম্মক অকাওবগী ফীজং মরুমদা লৈখিবা ঙাক্তনি। লেপ্তনা চৎলিবা মতমগী খোঙজেলদা লুপখি পুন্সি কয়া, থৌদোক কয়া, লূরবা লাইজ ঈরোন্নুংদা থৌদু নুংনা তুমিন্না লুপখিবগুম্না নিংশিংবা হায়বা অদুতং থনমদুনা। নীংশিংবগী চেনা কয়াদি হাংদোক্লুদনা অদুম্মক কনা খঙদনা লৈখিবা য়াওদবা নত্তে। লমদম অসিগী মমিং লৈরবা লাই য়েকপা কয়াগী আর্তকী খুদোলশিং নীংথিজনা খোমজিন্দুনা তুং কোইনা থম্নবগী থৌশিল থৌরাংদি কয়া উদবগুম তৌই ঙসিসু। মনিপুর, ঙসিদি মালেমগী লৈবাক কয়াগী তোঙান তোঙানবা মীওই ফুরুপ কাংলুপ কয়াগী মিৎয়েং চিংশিনফম ওইরক্লি। মসিদা লৈজরিবা মনিপুরগী ইনাক খুল্লবা কলা সংস্কৃতিগী ওইবা পোৎথোকশিংনা মনিপুরবু কদায়দা লৈবনো হায়না য়েংনিংবা পোকহল্লি। ইকুই কুইদ্রিঙৈ মমাংদা লিংখৎখিবা মনিপুর য়ুনিভর্সিতি ওফ কলচর, লৈবাক অসিগী ওইনা মমল য়াম্লবা কলচরগী ইন্সতিত্যুসন অমনি। মসিনা করিগুম্বা য়াইফবা থবক খরদি তৌরক্কনি হায়না আশা তৌনরি কলচরবু য়োকখৎচনিংবা লমদম অসিগী মীওই কয়ানা।

‘কোম্পোজিশন’, মিক্সড মিডিয়াঃ হিজম সত্যব্রত

ইম্ফাল আর্ত কলেজনা মতম কয়াগী মমাংদগী লাই য়েকপবু পুকনিং লুপচবা মহৈরোই কয়া তাকপী তম্বীদুনা লাক্লি। হেন্না নুংঙাইরিবা অমদি য়াম্না পুকনিং থৌগৎনিংঙাই ওইবদি মনিপুর য়ুনিভর্সিতিদা ফাইন আর্তস্কি দিপার্তমেন্ট অমা হাংদোক্লকপা অসিনি। লমদম অসিদগী থোক্লকলিবা লাই য়েকপগী লম্বীদা খোঙদাদুনা মচুশিংগা লোয়ননা পুন্সিগী মশক অমা নৌনা লেপ্নবা হোৎনরিবা আর্তিসশিংনা করিগীদমক লাই য়েক্লিবনো হায়বদু খঙবীফম থোকই। মরমদি লাই য়েকপা হায়বসি অরায়বা কলা অমদি নত্তে। মসিবু পাম্মি হায়দুনা হেক্তা তম্লগা হৈবসু ওইদে। মনিপুরদা লৈরিবা অপুনবা মীশিং অসিগী মনুংদা লাই য়েকপা, লাই শাবা মীওই কাংলুপ অসিগী মশিং অসি কয়াম লৈরিবগে হায়না থিজিল্লবদি খুৎ থেক্তুনা পাবা য়াগনি হায়না খল্লি। লাই য়েকপগী পুৱারী অমদি অদুমক লৈজরি অদুবু মসিবু মশক খঙবীবা, পুকনিং থৌগৎপা লোয়ননা কলা অসিগী মমল য়াম্লবা পোৎথোকশিংবু তুংগী মীরোলদা পাউদম্নবগী, ৱারী লিনবগী অদুগা মশক খঙনবা হোৎনবগী লম্বী অমদি ঙসিসু শেমদ্রিবরা হায়বদা হায়মনবা থোকলোই খঞ্জৈ। মমিং লৈরবা আর্তিস কয়াদি লাইওইখ্রে। মখোয়না মঙলম্বা মঙলান কয়াদি ঙসিসু অদুমক তাইবঙ ফাওদনা লৈরি অহীংবা তালা পামেলগী মরুনা কনা খঙদা উনালক্তা কংশিল্লদুনা তাদুনা লৈবগুম্না, কুমগী নোংলিকপু খৌগংনা ঙায়রি।

‘কৈরাক’ ল্যান্ডস্কেপ পেইন্টিং এক্রিলিক অন কঙ্গাসঃ ভুবনেশ্বর সোরাম

মশক নাইরবা আর্তিস কয়াগী পেন্তিং, স্কল্পচর, গ্রাফিক, ইন্সতোলেসন কয়াদি ইন্দিয়াগী মফম কয়াদা লৈরিবা চাওরবা আর্ত গেল্লরী কয়াদা কলেকসন তৌদুনা আর্ত লভরস কয়াগী পূকনিং চিংশিল্লি। মসিনা মালেমগী মফম কয়াদগী লাকপা লমকোয়বা কয়াবুসু কলচর অমসুং ত্রেদিসনদা ইনাক খুল্লবা ইন্দিয়াদা লাকনিংবা ফাওহল্লি। ইন্দিয়াদা লৈবা মমিং লৈরবা আর্ত গেল্লরি খরদং পল্লবদা, নেস্নেল গেল্লরী ওফ মোদর্ন আর্ত, ন্যু দিল্লী, একাডেমি ওফ ফাইন আর্তস, কোলকাটা, ঝাহাঙ্গির আর্ত গেল্লরী, মুম্বাই, গেল্লরী কোলকাটা অসিনচিংবা চাওরবা গেল্লরী কয়া লৈখ্রে অদুবু মনিপুরগুম্বা শকনাইরবা আর্তিস কয়া পোক্লিবা লমদম অসিদা মতিক চাবা ফাইন আর্তসকী গেল্লরী নীংথিজনা লৈতবসি আর্ত লভরসশিংদি নীংবা কায়দুনা লৈরি। অদুবু নীংহন্নবা হায়বদুদি কৈদৌনুংদা লৈতে ঐখোয়গী লাই য়েকপশিংনা অদুনা আর্ত এক্সিবিসন কয়া চোকথবা লৈতনা পাঙথোক্লি।

‘খোনারক’ এক্রিলিক অন ক্যানভাস ল্যান্ডস্কেপঃ গোলমেই গুনডুপ্পু

 

কুমওন খুদিং ইম্ফাল আর্ত কলেজনা শিন্দুনা তোঙান তোঙানবা আর্ত এক্সিবিসন কয়া লেপ্তনা পাঙথোক্তুনা লাকপা ঐখোয় খুদিংনা থেংনরি অমদি আর্তপু পামজবা মীওইশিংনা য়েংনরি। লমদম অসিগী নহা ওইরিবা লাই য়েকপা কয়া অনৌবা লাই য়েকপা শাবগী লম্বেলদা চংশিননরক্লি। মপাল লমদা মমিং লৈরবা লাই য়েকপা ওইদুনা লৈবা কয়াসু ঙসিদি সোসিয়েল মেদিয়াগী খুথাংদা শকখঙনবগী তাঞ্জা অদুসু ফংলি। অয়েকপা লাইবু পুকনিং থৌগত্তুনা পেন্তিং অমগী মমল য়াম্না তাংনা লৈদুনা লনাই য়ুমদফাওবা থম্নরি। মনিপুর মশক তাক্লি আর কে সি এস আর্ত গেল্লরিনা। পুৱারী অমদি ঐখোয়গী কলচরবু ওইল পেন্তিং ওইনা থম্লি। সিংহ আর্ত গেল্লরিনা লীরি ৱারী ওইল পেন্তিংদা পোর্ত্রেট ওইনা মনিপুরগী মশক নাইরবা মীওইশিংগী। মসিদা ঐখোয় খুদিংনা পুকনিং থৌগৎপা অমদি লাই য়েক্লিবা মীওইশিংদা থৌনা পীবদি লেপ্পা য়াদে হায়না খল্লি। মরমদি মনিপুরগী কলচর অমদি পুৱারীবু চেকশিন্না লুনা লাচল্লিবা মীওইশিংগী মনুংদা লাই য়েক্লিবা মীওই কাংলুপশিং অসিসু অমনি। সাহিত্যদা খুনাই অমগী ময়েক শেংলবা শক্তম অদু মমি তাবগুম্না লাই য়েক্লিবা আর্তিসশিংদসু খুনাই অমগী মমি তাদনা খক তোক্তে। খেন্নরিবা হায়ববু সাহিত্যদনা খোর্জৈনা চেবাংথক্তা ইবনি অদুগা লাইয়েকপদনা মচুশিংতনা পুকনিং থম্মোয়গী মপাউ অদু তম্বনি। হায়নবসু লৈ, মরোল থোক্তবা ময়েক য়াওদবা মচুতগী অয়েকপা লাইনা ৱাহৈ কয়াগী মহুৎ শিন্দুনা পাউদম কয়া, ৱাহন্থোক কয়াদি পীবা ঙম্লি।

কোভিদ-১৯ পেন্দেমিকনা মরম ওইদুনা মালেমগী মীয়ামদা শাথিনা অৱাবা তাংকক অমা ওইরিবা মতমসিদা আর্তিসশিংগী স্পিরিত অদুদি হনবা লৈতে। ভেক্সিন পুথোকখ্রবা মতুং অমসুং লৈবাক শিনবা থুংনা ভেক্সিন কাপ্পগী থৌরাং তৌদুনা লৈরবা মতমদা ‘কনেক্সন’ হায়দুনা মিংথোনবা কন্তেম্পররি আর্তিস মরিগী অয়েকপা লাই ৫০ গী এক্সিবিসন অমা ইম্ফাল আর্ত কলেজতা থা অসিগী ১৭-১৯ ফাওবদা পাঙথোকখি। মসিদা লাই য়েকপগী লমদা মীয়াম্না মশক খঙলবা অমদি মনা কয়া ফংলবা আর্তিসঃ গোলমৈ গন্দুম্পু, সনাজাওবা তেন্সুবা, বুভানেস্বর সোরাম অমদি সাত্য হিজম্না য়েকপা তোঙান তোঙান লাই মখল কয়ানা অয়েংবা কয়াগী পূকনিং শুমহৎখি। এক্সিবিসন অসিদা মনিপুরগী মহৌশাগী নীংথিজরবা চীংয়া তময়াগী ফজবদা থৱায় লুপচদুনা চোকথবা নাইদনা ব্রস অমদি মচুগা মতম পুম্বগী মরুপ ওইদুনা লৈরবা আর্তিস গন্দুম্পুকী লেন্দস্কেপ পেন্তিংদা য়াওরি মনিপুরগী লিরবা খুল অমা ওইরিবা অন্দ্রো, মাইবা খুল, খুরখুল, ফুম্লৌ অসিনচিংবা কয়া য়াওরি। মহাকনা হায়, মনিপুরগী মফম খুদিংদা চৎলুবা মতমদা অথিবা হায়বা মফম অদু লৈতাবদৌনা তৌই। ফজবগী ফজবা ঙাক্তা ঙাইরম্মি। অদুগা ঐখোয়না মপাল লমদা চৎচরুবা মতমদদি মনিপুর হায়বসি, ইম্ফাল হায়বসি কদায়দা লৈবনো হায়বা খঙদবগুম্না তৌবা থেংনৈ। অদুবু ফজবগী, নুংশিবগী হায়নিংঙাই লৈতনা উবা ফংবা হায়রগদি মনিপুরনি। অসিগুম্লবা লাইরৈবাক্কুম্না নীংথিজরবা লমদম অসিগী শক্তমশিং অসি ঐখোয়সু লাইয়েকপা অমা ওইনা করিগুম্বা খরদংদি য়েক্তুনা পোকনফম ইমাগী থৌগল তৌজবা পামজবনি’ অসিগুম্লবা ফিদম্নিংঙাই ওইরবা ৱাখল্লোন্দা খোঙ থাংজিল্লকখিবা গন্দুম্পু ১৯৮১দগী লাই য়েকপা তমদুনা মহাক্কী খোঙচৎ অসিদা লেপ্তনা চংশিল্লকখি। ঐখোয় মীওইবগী পুন্সি অসিমক মহৌশা মহাক্কি মশাইকোলদা হিংদুনা মহাক্কী ঈশিং নুংশিত্তা য়াওন্নদুনা হিংলি হায়বসি এক্সিবিসন অসিদা মিংথোল ওইরিবা ইংলিস ৱাহৈ ‘কনেক্সন’ হায়বদি ‘শম্নরিবা, মরি লৈনরিবা’ হায়বসিনা ফনা ফজনা ফোঙদোক্লে হায়ণা লৌবা য়াই। এক্সিবিসন অসি য়েংলুবদা থেংনখিবা সেনিয়ার আর্তিস গন্দুম্পুনা হায়, আর্তিস অমগী পুন্সিদা খ্বাইদগী মরু ওইরিবসি সার্তিফিকেৎ ময়াম পায়বদুতনা আর্তিস অদুগী কন্ত্রিব্যুসন অদু মশক লেপকদবা ওইরমদ্রে। আর্তিস ঐখোয়গী ইথৌদি লমদম অসিবু মালেমদা শক্তাকপদুনি হায়না খল্লি। লমদম অসিগী আর্ত অসি মালেমদা মশক তাকনবা হোৎনবদা মীওই অমনা নত্রগা মীওই খরনা হেক্তা য়াদে। মসিদা ঐখোয় খুদিংনা পুকনিং থৌগৎপীবা অমসুং মতেং পাংনবা মথৌ তাগনি। মরমদি মালেমগী ওইনা লৈরিবা আর্তকি ওইবা গেল্লরিশিংসিদা লৈরিবা মাগী মাগী ওইবা আর্তকী মশক অমা অদুম্মক লেপ্পা ঙম্নখ্রে হায়না খল্লি। ঐখোয়গীসু মণিপুর আর্ত হায়দুনা য়ূণিক ওইনা লৈহণ্ণীংই। ঐখোয় পুনশিন্নদুনা থবক তৌমিন্নদুনা খোঙথাং খরা লৌখৎপা পাম্মি হায়না ফোঙদোক্লকখি। তশেংবসু আর্ত হায়বসি ক্রিএসননি, শেমগৎ শাগৎপনি অদুগা মসিগী পান্দমদি মীওইবদা ৱাখল খলহল্লবনি। পুকনিং ৱাখল অমদি পুন্সিবু মমল লৈনা লৌহন্নিংবদুনি। ৱাহৈ ওইনদি ফোঙদোক্তনা পাউখোঙনি চল্লিবসি মচু মখল কয়ানা। চুম্থাংনা অতিয়াদা ফিজং ওইবগুম্না ফাইন আর্তসনসু পুন্সিবু ভেল্যুস কয়া হাপ্লি। এক্সিবিসন অসিদা লেন্দস্কেপ পেন্তিংদা থৱায় য়াওনা অয়েকপা লাই কয়া উৎখিবা বুভানেস্বর সোরাম্নসু মমল য়াম্লবা ৱাফম কয়া ফোঙদোক্লকখি। মহাকনা হায়, আর্ত হায়বসি তৌশিন্নবা য়াবা কলা অমদি নত্তে।

‘উমেন ফেস’ এক্রিলিক ওন ক্যানভাসঃ সানাজাওবা টেনসুবা

প্রাতিভা অমা য়াওদনা লাই য়েকপসু য়াদে। ঐখোয়না লাই য়েকপা হায়দুনা মিংথোল ওইনা পীরম্লিবসিনা তাক্লিবসু ‘লাই’ হায়বসি ইস্বরগা নকশিন্নবা মরি অমা শেমগৎলি। অমরোমদা হৌজিক ওইরিবা আর্তকি লমসিদা থবক তৌরিবা লাইওইখ্রবা আর্তিসশিংদগী হৌরগা হৌজিক হৌজিক লাই য়েক্লিবা আর্তিস কয়াগী পোৎথোকশিং অমদি মমল য়াম্লবা খুদোল কয়াদি চোয়না চোয়না তাদুনা কনা খঙদনা লৈরি। অসিগুম্বা আর্ত ৱার্ক্সশিং অসি মফম অমদা পুল্লপ চেকশিন্না কলেকসন তৌবীদুনা থম্লবদি য়াম্না ফগনি। মনিপুরদা লৈরিবা অমদি মপাল লমদা লৈদুনা লাই য়েকপগী লমসিদা থবক তৌরিবা আর্তিসশিংগী অপুনবা মঙলান্দ অমদি লৈরি মদুদি মনিপুরদা পার্মেনেন্ট ওইবা অচৌবা আর্ত গেল্লরি অমা থম্বনি। আর্ত এন্দ কলচর দিপার্তমেন্টকি মখাদা লৈবা মনিপুর স্তেত কলা একাদেমিনসু চহী খুদিংগী আর্ত এক্সিবিসন কয়া লেপ্তনা পাঙথোক্লি অদুবু পার্মেনেণ্ট ওইবা অচৌবা আর্ত গেল্লরি ওইনা লৈতবনা মরম ওইদুনা ফাইন আর্তসপু য়েংনিংবা অমদি করিগুম্বদা মপাল লমদগী লাকপা মীওইশিংদা মশক তাকনিংবা মতমদদি লনাই আর্ত গেল্লরিদা য়েংহনবা নত্তনা চহী চুপ্পা হাংদুনা লৈবা গেল্লরি লমদম অসিদা লৈতবনা মগুন লৈরবা আর্ত ৱার্কশিংদি অদুম্মক শকখঙবীদনা লৈরি।  ফাইন আর্তসপু স্কুল করিকুলমদা সবজেক অমা ওইনা তমহনবগী কান্নবসু লৈঙাকনা হেন্না পুকনিং থৌগৎহন্নিংই। মরমদি হৌজিক্কি মতমদা লাইরিক তম্বদা খ্বাইদগী মরু ওইরক্লিবসি ইন্তর-দিসিপ্লিনরি স্তদিসদা মায় ওনশিনবসিনি। পুম্নমক খঙদবা য়ারক্তে।

আর্তিসশিংগী মঙজরিবা পার্মেনেন্ট আর্ত গেল্লরি অমা লমদম অসিদা থমদুনা তুং কোইনা কলা অসিবু থৱায় হাপ্লিবা আর্তিসশিংবু পুকনিং থৌগৎপীবা মথৌ তায়। লমদম অসিগী লৈরিবা মীপুম খুদিংনা মখোয়দা থৌণা হাপ্পীবা তঙাই ফাদে অমদি হেন্না ফজবা লাই কয়া খুদোল তম্লকনবা লৈঙাক্কি মরি লৈনবা মীওইশিংনসু করি করম্বা থৌশিল থৌরাং পায়খৎলগা পুম্নমক্কি য়াইফবা ওইগদগে হায়না খনবা মতম ওইরে। মরমদি লাই য়েকপা শাবা হায়বসি ক্রিএসননি, লম্বী শেম্বনি অমসু অমম্বদা মঙাল পীবনি। মনিপুরগী পুৱারী ইবদা আর্তিসশিংগী থৌদাং য়াম্না চাওনা য়াওরি।

COMMENTS

WORDPRESS: 0
DISQUS: