মাইবম সাধনগী শৈরেং অনী

Homeআর্টসশৈরেং

মাইবম সাধনগী শৈরেং অনী

তরাহুমদোয় ঙসিসু য়েংলিবনি— চহী তরাহুমদোয় মমাংগী নঙগী মিৎ . ট্রেনগী থোংনাউদা লৈহৌরবা চেক্লা মঙ য়াওদবা স্টেশন, চেকপোস্ট অমুক হল্লক্লরোয়দবা চেমায়শ

তরাহুমদোয়

ঙসিসু য়েংলিবনি—
চহী তরাহুমদোয় মমাংগী নঙগী মিৎ
.
ট্রেনগী থোংনাউদা লৈহৌরবা চেক্লা
মঙ য়াওদবা স্টেশন, চেকপোস্ট
অমুক হল্লক্লরোয়দবা চেমায়শিংগী থক্তা
পেপারৱেটগুম ফমনিংলি নঙগী টেবিলদা;

ফম্মগা য়েংনিংবনি—
নঙগী মিৎ
কোরোক্কোয়বা চীংয়ায়
চহী তরাহুমদোয় খেন্নখ্রবা নঙগী মিৎ

ঙসিসু, সুকখঙ হেক খঙনদবগুম
য়েংননা লৈরি ইবানি—
য়ারেক্লি—
মেসেঞ্জারগী টুং-টাং মখোল তানিংবগুম

চহী তরাহুমদোয় মতুংদা— নুমিৎখূদিং।

 

নীলগিরি অমসুং সেন্দ্রাগী আতিয়া

নীলগিরিগী আতিয়া
সেন্দ্রাদসু লৈরম্মি; মালঙগা নোকমিন্নদুনা

লোক্তাক্না মচাশিংগা কেকুলোৎপি শান্নবগুম চিথেক চিথেক
নীলগিরিগী নোং মপৈ মপৈ ঙমথেংনা কোয়পাই পাইরি
চারাংনা চিঞ্জাক ওইনা লেমলৈ ময়াম্না খোয়দাজবা, অদুগা
প্রিজমগী করম্বা মচুনো থাঙ্গ কারাঙদা হাইহুম্না শান্নরিবসে…

সোমদনা, লোক্তাককী লাইজথক্তা ঙা-মী ময়াম্না হি হোন্দুনা চৎলি
থম্বাল-থমচেৎকী মকা হায়দোক্লদুনা, অদো— পাউবিরাইগী শুরোন
লৈরমখিগদ্রা কংলৈচাশিংগী মিৎকী পিরাং মপোক ওইনা? অতৈ
লৌররোইদ্রবা— লৌমি-শিন্মী-খুলমী কয়াগী চাকথা?

খন্ব-খন্বদা অমুক হল্লকখি মমালোন ঙাংবগীদমক
থৱায়না পোন্থা পিদুনা নিঙতমখিবা বাংলাদেশ
নীলগিরিদা লৈরমগদ্রা সেন্দ্রাগী আতিয়া? অমসুং
লৈরমগদ্রা— ইমালোন ঙাংবা লোক্তাক, থাঙ্গ কারাঙ?

COMMENTS

WORDPRESS: 0
DISQUS: