মপান মণিপুরদা খ্বাইদগী অরিবা মণিপুরী পাউচে

Homeৱাখল্লোন

মপান মণিপুরদা খ্বাইদগী অরিবা মণিপুরী পাউচে

ৱাফম অমনা চহী ৫২ মমাঙদা ‘মরূপ’ অহানবা ফোঙখিবা নুমিত্তগী মীতৈ ময়েক্না পাঙচেসিগী মিং ইদুনা ঐখোয়গী ইশাগী ময়েক লৈজৈ হায়বদু ময়ামদা খঙহনখি। য়াম্না নুঙাইবা

ৱাফম অমনা চহী ৫২ মমাঙদা ‘মরূপ’ অহানবা ফোঙখিবা নুমিত্তগী মীতৈ ময়েক্না পাঙচেসিগী মিং ইদুনা ঐখোয়গী ইশাগী ময়েক লৈজৈ হায়বদু ময়ামদা খঙহনখি। য়াম্না নুঙাইবা ৱাফম অমনা মতমগী ডিজিটেল নেটৱার্কা মান্ননা খোঙথাংদা মরূপসু চৎমিন্নবা ঙম্লে। লেটার প্রেস থাদোক্লগা ডিজিটেলদা নম্বতা নত্তনা নেটৱার্ককী খুত্থাংদা খুদক্তা ইন্দিয়া, বাংলাদেশ, কানাডা, আমেরিকা না চিংবা মফম খিবিক্তা লৈরিবা মাগী অপাবশিংগী মফমদা মরূপ য়ৌহনবা ঙম্লে। মরূপতা হৌজিক ত্রিপুরাগী ঈ-পাউতা নত্তনা মণিপুরীশিংনা খুন্দারিবা মফম পূম্নমক্কী ঈ-পাউ য়াওরি। ঈ-পাউতা নত্তনা মাগী ‘সাহিত্যগী লাতম’দা মণিপুর, আসাম, বাংলাদেশ, ত্রিপুরানচিংবা মফম পূম্নমক্কী সাহিত্যগী মহাওসু ফংলি।

ণিপুরগী মপান্দগী ফোঙবা খ্বাইদগী অরিবা মণিপুরী লোলগী পাউচে ‘মরূপ’ চহী ৫২গী শাংলবা খোঙচৎ মপুং ফাদুনা চহী ৫৩ দা খোঙদাররে। খৃঃ কুমজা ১৯৬৯ গী বৈশাখ (শজিবু) ২৫ রবীন্দ্রনাথ ঠাকুরগী মপোক নুমিত্তা চয়োলগী পাউচে ‘মরূপ’কী খোঙচৎ হৌখিবনি। মতমদুদা মণিপুরদসু মণিপুরী চেফোঙ মশিং য়াম্না ফোঙনরমদে। অতৈ লোলশিংগা পান্দম্নরুকগদি মণিপুরী লোলগী চেফোঙ য়াম্না থেঙনা ফোঙবা হৌরকখি। খৃঃ কুমজা ১৯২২ দা জননেতা হিজম ইরাবতনা খূৎনা ইদুনা অহানবা মণিপুরী চেফোঙ ‘মৈতৈ চনু’ ফোঙখি। ‘মৈতৈ চনু’ সাহিত্যগী চেফোঙনি। মথংদা খৃঃ কুমজা ১৯৩০ দা ডাঃ নিংথৌজম লৈরেলনা এডিটর ওইদুনা সাহিত্যগী থা-থাগী চেফোঙ ‘য়াকাইরোল’ ফোঙখি। চহী অসিমক্তদা (১৯৩০) টিএইচ গোকুল চন্দুনা ইদিটর ওইদুনা ইহান হানবা নুংতিগী চেফোঙ ‘দৈনিক মণিপুর’ ফোঙলকখি। মসিগী মতুংদা অতৈ চেফোঙ কয়াসু ফোঙলকখি। অনীশুবা লাঞ্জাও মনুং ১৯৪২দগী ৪৫ ফাওবদি মণিপুরদা চেফোঙ পুথোকপা লেপ্নখি। খৃঃ কুমজা ১৯৪৭ দা লময়ানবা হিজম ইরাবতনা চয়োলগী চেফোঙ ‘অনৌবা যুগ’ মশামক্কী খূৎইনা স্টেন্সিলদা ইদুনা অমুক ফোঙলকখি। ‘অনৌবা যুগ’ রাজনীতিগী চপচাবা অহানবা মণিপুরী চেফোঙনি হায়বা য়াই। মসিগী মমাঙদা ফোঙখিবা অয়াম্বা চেফোঙ সাহিত্য সংস্কৃতিগী চেফোঙশিংনি।

ত্রিপুরাদা মণিপুরী মশিং লিক্না খুন্দাদুনা লৈজরগসু অঙনবা মতমদগী মণিপুরী চেফোঙ ফোঙবগী চাউথোকচনিঙায় ওইরবা পরম্পরা অমা লৈজরি। নিংথৌ পাল্লিঙৈ মতমদা খৃঃ কুমজা ১৯৪৭দা মাধবজিৎ রাজকুমারনা এডিটর ওইদুনা ‘খোঞ্জেল’ হায়বা থা-খায়গী চেফোঙ অমা আরতলাদগী ফোঙবা হৌখি। চেফোঙ অসি চহী অমা মখায়রোম ফোঙম্মী। খৃঃ কুমজা ১৯৬৩দা মণিপুরী সাহিত্য পরিষদ, ত্রিপুরা লিংখৎখি। ত্রিপুরাদা মণিপুরী লোল, সাহিত্য অমদি সংস্কৃতিগী অনৌবা ঈহৌ অমা লাকখি। খৃঃ কুমজা ১৯৬৯দা রাজকুমার কমলজিৎ সিংহনা চয়োলগী পাউচে ‘মরূপ’ ফোঙখি। অহৌবদা ময়েংবম নীলমনিনা পাউচে অসিগী এডিটর ওইখি। মথংদা মতম শাংনা রাজকুমার কমলজিৎ সিংহনা এডিটর ওইদুনা ‘মরূপ’ লেপ্তনা ফোঙলি। মহাক্না লৈখিদ্রবা মতুংদা মচা নুপা রাজকুমার কল্যাণজিৎ অমসুং রাজকুমার তরুনজিৎনা এডিটর অমদি জয়েন্ট এডিটর ওইদুনা ‘মরূপ’ চাংনাইনা ফোঙলি। ঙসিদি ‘মরূপ’ কী চহী ৫২ মপুং ফাদুনা ৫৩ দা খোঙদাররে।

ত্রিপুরাদা চোইজাইননা খুন্দাদুনা লৈরিবা মশিং য়ামদ্রবা মণিপুরীশিংবু ‘মরূপ’না মণিপুরী লোল পাবা ইবা তম্বি তাকপিরিবনি হাযবদা হায়মনবা ওইরোয়। ত্রিপুরাদগী মণিপুরী লোলগী পাউচে ফোঙলি হায়না ময়ামদা খঙহনবতা নত্তনা পাঙচেসিগী এডিটর ওইরম্বা রাজকুমার কমলজিৎ সিংহ আগরতলা প্রেস ক্লাবকী ভাইস প্রেসিডেন্ট ওইরম্মী। হৌজিক এডিটর ওইবিরিবা রাজকুমার কল্যানজিৎসু প্রেস ক্লাবকী লেমজনিঙাই ওইরবা সেক্রেটারী অমসুং ত্রেজারার ওইবিরম্মী। মদু মণিপুরী ঐখোয়গী য়াম্না চাউথোকনিঙায়নি। ৱাফম অমনা চহী ৫২ মমাঙদা ‘মরূপ’ অহানবা ফোঙখিবা নুমিত্তগী মীতৈ ময়েক্না পাঙচেসিগী মিং ইদুনা ঐখোয়গী ইশাগী ময়েক লৈজৈ হায়বদু ময়ামদা খঙহনখি। য়াম্না নুঙাইবা ৱাফম অমনা মতমগী ডিজিটেল নেটৱার্কা মান্ননা খোঙথাংদা মরূপসু চৎমিন্নবা ঙম্লে। লেটার প্রেস থাদোক্লগা ডিজিটেলদা নম্বতা নত্তনা নেটৱার্ককী খুত্থাংদা খুদক্তা ইন্দিয়া, বাংলাদেশ, কানাডা, আমেরিকা না চিংবা মফম খিবিক্তা লৈরিবা মাগী অপাবশিংগী মফমদা মরূপ য়ৌহনবা ঙম্লে। মরূপতা হৌজিক ত্রিপুরাগী ঈ-পাউতা নত্তনা মণিপুরীশিংনা খুন্দারিবা মফম পূম্নমক্কী ঈ-পাউ য়াওরি। ঈ-পাউতা নত্তনা মাগী ‘সাহিত্যগী লাতম’দা মণিপুর, আসাম, বাংলাদেশ, ত্রিপুরানচিংবা মফম পূম্নমক্কী সাহিত্যগী মহাওসু ফংলি।

‘মরূপ’ মতম শাংনা পুন্সিনা লৈবা ওইসনু। মা ঙসিদি চহী ৫০গী লক্ষণরেখা লানবা ঙম্লে। মাঙদা লৈরিবা চহী ৭৫ গী ডাইমন্ড জুবিলীগী পন্থুংসু অপনবা লৈতনা য়ৌবা ঙমগনি।

COMMENTS

WORDPRESS: 0
DISQUS: