মণিপুর য়ুনিভার্সিটি অব কালচারবু সেন্ত্রেল য়ুনিভার্সিটি ওইহনবা এমপি সনাজাওবা লৈশেম্বানা তকশিনখ্রে

Homeভারত

মণিপুর য়ুনিভার্সিটি অব কালচারবু সেন্ত্রেল য়ুনিভার্সিটি ওইহনবা এমপি সনাজাওবা লৈশেম্বানা তকশিনখ্রে

ইম্ফাল, সেপ্টেম্বর ০৭ : মণিপুর য়ুনিভার্সিটি অব কালচার (এম য়ু সী) বু সেন্ত্রেল য়ুনিভার্সিটিগী থাক্তা ওনখৎনবগী থবক হেন্না য়াঙশিন্নবা ঙসি রাজ্য সভাগী এমপ

ইম্ফাল, সেপ্টেম্বর ০৭ : মণিপুর য়ুনিভার্সিটি অব কালচার (এম য়ু সী) বু সেন্ত্রেল য়ুনিভার্সিটিগী থাক্তা ওনখৎনবগী থবক হেন্না য়াঙশিন্নবা ঙসি রাজ্য সভাগী এমপি নিংথৌ সনাজাওবা লৈশেম্বনা য়ুনিয়ন এডুকেশন মিনিষ্টার ধরমেন্দ্র প্রধান উনদুনা তকশিনখিবগা লোয়ননা য়ুনিয়ন মিনিষ্টার অসিগী মায়কৈদগীসু থবক অসি হেন্না য়াঙশিলহল্লগনি হায়বগী থাজবা পীরকখ্রে হায়রি।
রাজ্য সভাগী এমপিনা ঙসি অয়ূক পুং ৯.৩০ রোম তারকপদা নিউ দিল্লীগী ১৯-টিন মুর্ত্তি মার্গতা লৈবা এডুকেশন, স্কিল ডেভেলপমেন্ট অমসুং এন্ট্রাপ্রেন্যুয়ারশিপকী য়ুনিয়ন মিনিষ্টার ধরমেন্দ্র প্রধানগী অফিসেল রেসিডেন্সতা উনখি। উনবা অদুদা মণিপুর য়নিভার্সিটি অব কালচারগী ভাইস চেন্সেলর ওইরিবা প্রোফেসর পাওনম গুনিন্দ্রো অমদি এমপিগী মিডিয়া এডভাইজর ওইরিবা শিব দত্তশু শরুক য়াখি।
নিংথৌগী মায়কৈদগী য়ুনিভার্সিটি অসিবু সেন্ত্রেল য়ুনিভার্সিটিগী থাক্তা ওনখৎনবগী মতাংদা মিনিষ্টারদা অইবা চেরোল অমসু পীশিনখিবগা লোয়ননা এমপিগী মায়কৈদগী মণিপুরদা শাজবা কাওনাগী চফু অমদি লেংয়ান ফি অমমসু য়ুনিয়ন মিনিষ্টারদা খুদোল তমখি হায়রি।
য়ুনিয়ান মিনিষ্টারগা উনখিবা অদুদা মিনিষ্টারগী মায়কৈদগী থবক অসি কূপ্না য়েংশিল্লগা হেন্না খূমাঙ চাওশিন্নবা হোৎনগে হায়বগী থাজবা পীরকখি হায়রি। উরিষাগী উটকল য়ুনিভার্সিটি অব কালচারগী মতুংদা মণিপুর য়ুনিভার্সিটি অব কালচার অসি লৈবাক অসিগী ওইনা অনীশুবা কালচারগী য়ুনিভার্সিটিনি হায়না নিংথৌনা য়ুনিয়ন মিনিষ্টারগী পূক্নিং চিংশিনখি। মণিপুর য়ুনিভার্সিটি অব কালচারবু সেন্ত্রেল য়ুনিভার্সিটিগী থাক্তা ওনখৎপগী থবক্কা মরী লৈননা এম পিনা কালচার অমসুং টুরিজম মিনিষ্টার কিশান রেদ্দি অমদি য়ুনিয়ন ষ্টেট মিনিষ্টার (এডুকেশন) আর কে রঞ্জনগসু উনখিগনি হায়রি।
পনবা য়াবদি, আর্ট এন্ড কালচারগী মমল য়াম্লবা পূক্কৈশিং অসিবু চাওখৎনবা অমসুং য়োকখৎনবগী পান্দমদা মণিপুর লৈঙাক্না কুমজা ২০১৫ দা লিংখৎখিবা মণিপুর য়ুনিভার্সিটি অব কালচারবু সেন্ত্রেল য়ুনিভার্সিটিগী থাক্তা ওনখৎনবগী মতাংদা মণিপুরগী রাজ্য সভাগী এমপি না হন্দক্তা লোইশিনখিবা পার্লিয়ামেন্টকী নোংজু মীফমদা স্পেশাল মোশন অমা ওইনসু হাউসতা টেবল তৌখ্রবনি হায়রি।
সোর্সঃ হুইয়েন লানপাউ

COMMENTS

WORDPRESS: 0
DISQUS: