মণিপুর য়ুনিভার্সিটিনা অলিম্পিয়নশিং তরাম্না ওকখ্রে

Homeস্ক্রলবার

মণিপুর য়ুনিভার্সিটিনা অলিম্পিয়নশিং তরাম্না ওকখ্রে

ইম্ফাল, আগস্ট ২২ :  হন্দক টোকিওদা পাঙথোকখিবা অলিম্পিক গেমসতা শরুক য়ারুখিবা লমদম অসিগী অলিম্পিয়ান মঙা লিকমাবম শুশিলা (জুডো), এম সী মেরি কোম (বোক্সিং),

ইম্ফাল, আগস্ট ২২ :  হন্দক টোকিওদা পাঙথোকখিবা অলিম্পিক গেমসতা শরুক য়ারুখিবা লমদম অসিগী অলিম্পিয়ান মঙা লিকমাবম শুশিলা (জুডো), এম সী মেরি কোম (বোক্সিং), পুখ্রম্বম সুশিলা চনু (হোক্কী), শংলাকপম নিলকান্ত শর্ম্মা (হোক্কী), অমদি সাইখোম মিরাবাই চনু (ওয়েথলিফটিং) বু হরাউ তয়াম্না ওকপগী থৌরম অমা ঙসি মণিপুর য়ুনিভার্সিটিনা শীন্দুনা য়ুনিভার্সিটি অসিগী সেন্টিনারি হোলদা পাঙথোকখ্রে। অদুম ওইনমক অলিম্পিয়ন এম সী মেরি কোমদি মহাক্কী খুঙ্গংদা চৎতবা য়াদবা থবক অমনা মরম ওইরগা ঙসিগী থৌরম অদুদা শরুক য়াবা ঙমখিদে।
থৌরম অদুদা মণিপুর অলিম্পিক এসোসিয়েসনগী প্রেসিডেন্টসু ওইরিবা হৈরোকএসীগী এম এল এ থোকচোম রাধেশ্যামনা চীফ গেষ্ট; মণিপুর য়ুনিভার্সিটিগী ভাইস চেন্সেলর প্রোঃ এন লোকেন্দ্রনা প্রেসিডেন্ট অমদি দিন অব ষ্টুডেন্টস ওয়েলফেয়ার এন্ড চেয়ারমেন ফিট ইন্দিয়া কমিটি মণিপুর য়ুনিভার্সিটি এল বিশ্বনাথ শর্ম্মা; ডীন, স্কুল অব মেথমেটিকেল এন্ড ফিজিকেল সাইন্স এম য়ু প্রো. কে যুগিন্দ্রো; ডীন, স্কুল অব সোসেল সাইন্স এম য়ু প্রো: এস মঙ্গি; ডীন, স্কুল অব ইঞ্জিনীয়ারিং এম য়ু প্রো. আর কে হেমাকুমার; রেজিষ্ট্রার মিণিপুর য়ুনিভার্সিটি প্রো. ডব্লিয়ু চান্দবাবু অমদি প্রেসিডেন্ট মণিপুর য়ুনিভার্সিটি ষ্টুডেন্টস য়ুনিয়ন মাইবম মাইকেলনা গেষ্ট ওব অনারশিং ওইনা শরুক য়াখি।
থৌরম অদুদা চীফ গেষ্টকী ৱারোল পীরদুনা থোকচোম রাধেশ্যামনা ফোঙদোকখিবদা, ইন্দিয়াদা লৈরিবা অচৌ-অচৌবা ষ্টেটশিংদগী পীকখ্রবা মীওই লাখ ৩০ রোমতমক লৈবা ষ্টেট অসিনা মালেমগী থাক্তা মমিং লৈরবা শান্নরোয় কয়অ পুথোকপা ঙম্লি। ইনখৎলক্লিবা নহাশিংবু লমজিং লমতাকপীনবা মী মশীং হেনগৎলক্লিবমখৈ অফবা শান্নরোয় পুথোকপগী চাংসু হেনগৎলক্কনি। ইন্দিয়াগী ওইনা মণিপুরবু স্পোর্টসকী পৱারহাউস হায়না শকখঙনরিবা অসি চাওথোকচনিংঙাইনি।
প্রেসিডেন্টগী ৱারোল পীরদুনা প্রো. এন লোকেন্দ্রনা ফোঙদোকখিবদা, পীকখ্রবা মণিপুরদগী টোকিওদা হন্দক পাঙথোকখিবা অলিম্পিক গেমস অদুদা শান্নরোয় মঙা শরুক য়াবা ঙমখিবা অসি চাওথোকচনিংঙাইনি। লমদম অসিদা ইনখৎলক্লিবা নহাশিং শান্ন-খোৎনবদা থৱায় য়াওজবা ঙাক্তনি। অদুবু মখোয়দা গাইডলাইন পীবীনবা মীওইশিং লৈতবনা মীমাং থোক্না শান্নবা ঙমদ্রি হায়খি।
অমরোমদা, থৌরম অদুদা শরুক য়াখিবী জুডোকা লিকমাবম শুশিলানা ফোঙদোকখিবদা, হন্দক পাঙথোকখিবা অলিম্পিক গেমস অদুদা মহাক মায়থীবা নংখ্রবসু নীংহন্নবা লৈতে। মণিপুরগী মীয়াম্না মহাকপু নুংশিবীরিবা অসি লাইবক ফবনি। লমদম অসিগীদমক খল্লগা মখা তানা অকনবা মওংদা হোৎনদুনা মেডেল অমা পুরকপা ঙম্নবা হোৎনগনি। শান্নরোয়শিংনা কৈদৌনুংদা মহাকপু তাকপী-তম্বীরিবা ওজাগী মিংচৎ থীনবা তৌরোইদবনি অমদি ডিসিপ্লিন নাইনা চৎকদবনি। ডিসিপ্লিন য়াওদবা মহৈরোয় নৎত্রগা শান্নরোয়শিংনা কৈদৌনুংদা মায়পাকপা ঙম্লোইহায়খি।
পুখ্রম্বম সুশিলা অমসুং শংলাকপম নিলকান্তনসু টোকিও অলিম্পিক পাঙথোকত্রিঙৈগী মাং ওইননা মখোয়না লৈবাক অসিদা লৈরিঙৈদা কোভিদ পেন্দামিকনা পীখিবা চৈথেংগী মতাংদসু ৱাফম কয়া ফোঙদোকখি। কোভিদ পেন্দামিকনা পীখিবা চৈথেংগী মতাংদসু ৱাফম কয়া ফোঙদোকখি। কোভিদ পেন্দামিকনা মরম ওইরগা প্রেক্টিস মপূং ফানা পাঙথোকপা ঙমখিদবগী খূদোংচাদবশিংসু মায়োক্নখি।
সিলভার মেডেলিষ্ট সাইখোম মিরাবাই চনুনা ফোঙদোকখিবদা, হৌজিক লৈরিবা লৈঙাক অসিনা মনুং হঞ্জিনবা মফমশিংদা অহেনবা মীৎয়েং চঙদুনা শান্নবগা মরী লৈনবা থবক থৌরমশিং পায়খৎলবদি মখা তানা লমদম অসিদগী মতিং লৈরবা শান্নরোয় কয়া পুথোকপা ঙমগনি। মহাক্কী ওইনসু মখা তানা অকনবা মওংদা হোৎনদুনা লমদম অসিগী মিংচৎ পুরক্নবা হোৎনখিগনি হায়খি। ঙসিগী থৌরম অদুগা মরী লৈননা মণিপুর য়ুনিভার্সিটিগী মায়কৈদগী অলিম্পিয়ানশিংদা লেংয়ান ফি, সাইটেশন অমদি মমেন্টোশিং পীদুনা ইকাই খুম্নবা উৎখি। থৌরমগী মরক থৎনা ধোলোক অমসুং পুং চোলোমগী কুহ্মৈ অমদি থাঙ-তাগী শোসু তিল্লিবা মীয়াম মমাংদা উৎখি। গেষ্ট অব অনারশিং ওইনা শরুক য়াখিবশিংসু অলিম্পিয়নশিংবু থাগৎপা ফোঙদোকখিবগা লোয়ননা কন্না হোৎনদুনা মেডেল মশীং হেন্না লৌরকপা ঙম্নবা ৱাফমশিং ফোঙদোকখি।
সোর্স: হুইয়েন লানপাউ

COMMENTS

WORDPRESS: 0
DISQUS: