মণিপুরী সিনেমাগী গোল্ডেন জুবিলি হৌদোকপগী থৌরম লোইশিনখ্রে

Homeমিডিয়া

মণিপুরী সিনেমাগী গোল্ডেন জুবিলি হৌদোকপগী থৌরম লোইশিনখ্রে

চহী অমা চুপ্না চত্থগদবা মণিপুরী সিনেমাগী গোল্ডেন জুবিলি হৌদোকপগী থা অসিগী ৯দগী চত্থরকপা নুমিৎ ৮নি থৌরম লোয়শিনখ্রে হায়না টিম গোল্ডেন জুবিলি সেলেব্রেশন

চহী অমা চুপ্না চত্থগদবা মণিপুরী সিনেমাগী গোল্ডেন জুবিলি হৌদোকপগী থা অসিগী ৯দগী চত্থরকপা নুমিৎ ৮নি থৌরম লোয়শিনখ্রে হায়না টিম গোল্ডেন জুবিলি সেলেব্রেশন অব মণিপুরী সিনেমাগী চেরোল অমনা হায়রি। চেরোল অসিনা হায়, মণিপুরী সিনেমাগী গোল্ডেন জুবিলিগী চহী অমা চুপ্না পাঙথোক্কদবা থৌরমগী মনুংদা তোঙান তোঙানবা থৌরমশিং পাঙথোক্কনি।

প্রডিউসার প্রেমজিৎ নাওরোইবম্না মোডারেটর ওইদুনা ‘সন্টেনেবল প্রডিউসার ফোর দি নিউ ওডিয়েন্স’ হায়বসিদা সিনে ডাইলোগ অমা পাঙথোকখি। সিনে ডাইলোগতা ফিল্ম প্রডিউসার রঞ্জিত নিংথৌজা, অজিত বাবু অমসুং লিন্থোই চনুনা পেনেলিস্ত ওইনা শরুক য়াখি।

ডায়লোগ অদুদা অজিত বাবুনা, মণিপুরী ফিল্ম খরা ইন্টারনেশনেল থাক্তা শকখঙবা ঙম্লে অদুবু মসিগুম্বা ফিল্মশিং অসি কোরিয়ান মুভি নত্রগা সেরিয়েলগা মান্নদবা মওংদা হৌজিকসু ইন্টেলেকচুয়েল খক্তনা ওডিয়েন্স ওইরি। রঞ্জিত নিংথৌজানা ফোঙদোকখিবদা, ঙসিগী খোঙজেল য়াংনা হোংলিবা মালেম অসিদা তুংকোয়না ওডিয়েন্স লৈনবা টাইম অমসুং প্লাটফর্ম ফেক্টর খন্নবা তঙাইফদে। মসিগী মথক্তা সিনেমা হোলশিং অনৌবা ওডিয়েন্সকীদমক তোঙান তোঙানবা ফেসিলিটি থমদুনা আপগ্রেড তৌগদবনি।

লীন্থোই চনুনা ফোঙদোকখিবদা, করিগুম্না ফিল্মসিং অসি ইংলিশ নত্ত্রগা হিন্দীগুম্বা মেজর লেঙ্গুয়েজদা ডাবিং তৌবা নত্রগা পুথোক্লবদি কৈথেল পাকথোক চাউথোকপা য়াগনি। তুংদা হাউবম পবন কুমারনা ডিরেক্সন পীবা ‘দি ফার্স্ট লিপ’ অমসুং ‘লোক্তাক লাইরেম্বী’ স্ক্রীন তৌখি অমদি ইন্টারেক্সন পাঙথোকখি হায়রি।

সোর্সঃ পোক্নফম।

COMMENTS

WORDPRESS: 0
DISQUS: