মণিপুরী সিনেমাগী গোল্ডেন জুবিলী পাঙথোক্কনি

Homeমিডিয়া

মণিপুরী সিনেমাগী গোল্ডেন জুবিলী পাঙথোক্কনি

মণিপুর গবর্ণমেন্টকী আন্ডারটেকিং অমা ওইরিবা মণিপুর স্টেট ফিল্ম ডেভেলপমেন্ট সোসাইটি (এমএসএফডিএস) না শীন্দুনা এপ্রিল ৯দগী হৌরগা মণিপুরী সিনেমাগী গোল্ডেন

মণিপুর গবর্ণমেন্টকী আন্ডারটেকিং অমা ওইরিবা মণিপুর স্টেট ফিল্ম ডেভেলপমেন্ট সোসাইটি (এমএসএফডিএস) না শীন্দুনা এপ্রিল ৯দগী হৌরগা মণিপুরী সিনেমাগী গোল্ডেন জুবিলি থৌরম পাঙথোক্কনি। থৌরম অসি মথং চহিগী নুমিৎ অসিমক্তদা লোইশিনগনি হায়রি।

কুমজা ১৯৭২ গী এপ্রিল ৯দা অহানবা মণিপুরী ফিচার ফিল্ম ‘মতমগী মণিপুর’ রিলিজ তৌখি। নুমিৎ অসিবু চহি খুদিংগী ফিল্ম ফোরাম মণিপুরগা খুৎশম্নরগা এমএসএফডিএসনা ‘মমিগী নুমিৎ’ হায়না পাঙথোক্তুনা লাক্লি। এমএসএফডিএসকী চেয়ারম্যান চীফ মিনিস্টার এন. বিরেননা চেয়ার লৌরগা পাঙথোকখিবা সোসাইটি অসিগী ৬ শুবা বোর্ড মীটিংদা মণিপুরী সিনেমাগী গোল্ডেন জুবিলি থৌরম পাঙথোক্নবা ৱারেপ লৌখিবনি হায়না সোসাইটি অসিগী সেক্রেটারি সঞ্জু বচসপ্তিময়ুমগী চেরোল অমনা ফোঙদোরক্লি।

মণিপুর গবর্ণমেন্টকী আর্ট এন্ড কালচারগী কমিশনার অমসুং ডাইরেক্টরনা মথংশিৎনা চেয়ারম্যান অমসুং ভাইস চেয়ারম্যান ওইবা ফিল্ম অমসুং মিডিয়াগী মশক নাইবা মীওই ১৭ য়াওবা সেলিব্রেশন কমিটি অমা শেমখ্রে হায়রি। থৌরম অসি মণিপুরগী চীফ মিনিস্টারনা এপ্রিল ৯দা প্যালেস ওডিটোরিয়াম, এমএসএফডিএস, প্যালেস গেট, ইম্ফাল ইষ্টতা হৌদোক্কনি হায়না চেরোল অসিনা পল্লি।

সোর্সঃ সঙাই এক্সপ্রেস।

COMMENTS

WORDPRESS: 0
DISQUS: