মণিপুরী সাহিত্য পরিষদনা অৱাবা ফোঙদোরক্লি

Homeকমিউনিটি

মণিপুরী সাহিত্য পরিষদনা অৱাবা ফোঙদোরক্লি

মণিপুরী লোল অমসুং সাহিত্যবু চউখৎননবা হোৎনবদা অচৌবা থৌদাং লৌবীরম্বা অইবা অনী তোপ খোংনোংখোংদগী ৱারেপ্পম যুগিন্দ্রো অমসুং অৱাং পোৎশাবম খুনৌদগী কেশো ইরেংব

মণিপুরী লোল অমসুং সাহিত্যবু চউখৎননবা হোৎনবদা অচৌবা থৌদাং লৌবীরম্বা অইবা অনী তোপ খোংনোংখোংদগী ৱারেপ্পম যুগিন্দ্রো অমসুং অৱাং পোৎশাবম খুনৌদগী কেশো ইরেংবনা লৈখিদবদা মণিপুরী সাহিত্য পরিষদনা অৱাবা ফোঙদোরক্লি।

মণিপুরী সাহিত্য পরিষদকী জেনারেল সেক্রেটারি এলাংবম প্রিয়ব্রতনা থাদোরকপা চেরোল অদুনা হায়, লৈখিদ্রবা ৱারেপ্পম যুগিন্দ্রো হন্দোকপগী লমদসু খুৎ থারম্বদা নত্তনা মণিপুরী নট সঙ্কীর্ত্তনগী শৈশকপা অমসু ওইখি। মহাক্না ইবা অঙাংগী ৱারীমচা ৪০ হায়বা লাইরিক্তা সাহিত্য একাডেমী নিউ দিল্লীনা কুমজা ২০১৭ তা বাল সাহিত্য পুরস্কার মনা পীদুনা ঈকায় খুম্নখি। অইবা কেশো ইরেংবা ওল ইন্দিয়া রেডিও ইম্ফালগী ঈশৈ ময়েক ইবা অমসুনি। মহাক ইমাখোল অৱাং পোৎশংবম সাহিত্যগী লূপ অসিগী ফাউন্ডার সেক্রেটারিসু ওইখি। মহাক্না হিংলিঙৈদা লাইরিক ১০ ইদুনা মণিপুরী সাহিত্যদা খুদোল তম্লম্মী। মণিপুরী সাহিত্য পরিষদ ইম্ফালগী লাইফ মেম্বার ওইবীরম্বা অমদি পরিষদ অসিগী থৌদাং কায়াদা শরুক য়াবীরম্বা লমদমসিগী শক্নাইরবা অনীনা লৈখিদবা অসি মনিপুরী লোল অমসুং সাহিত্যদা মতম শাংনা মেনখৎপা ঙম্লরোইদবা মাঙজবা অমনি। শক্নাইরবা অনী অসিনা লৈখিদবদা মণিপুরী সাহিত্য পরিষদ ইম্ফালনসু অৱাবা ফোঙদোকচরি অমদি লৈখিদ্রবা অনীগী থৱায়না তাইবং শেম্বা মপুগী মফমদা ঈংনা চিক্না লৈরুনবা থৌনিজরি। লোয়ননা লৈখিদ্রবগী ইমুং-মনুংনা নংহৌরিবা অৱাবনসু শরুক য়াজরি হায়নসু চেরোলদুনা মখা তানা ফোঙদোকরক্লি।

সোর্সঃ হুইয়েন লানপাউ।

COMMENTS

WORDPRESS: 0
DISQUS: