মণিপুরনা গোল্ড ১৪ য়াওনা মেডেল ২১ লৌদুনা অভারওল ফার্স্ট টিম রানার্স আপ তারক্লে

Homeস্ক্রলবার

মণিপুরনা গোল্ড ১৪ য়াওনা মেডেল ২১ লৌদুনা অভারওল ফার্স্ট টিম রানার্স আপ তারক্লে

ইম্ফাল, সেপ্টেম্বর ২০ : অল মণিপুর তাইক্বান্দো এসোসিয়েসনগী এফিলিয়েটেড য়ুনিট অমা ওইরিবা ক্রিয়েটিভ তাইক্বান্দো ইন্সটিটিউট (সিটিআই) ইম্ফালগী শান্নরোয়শিংনা

ইম্ফাল, সেপ্টেম্বর ২০ : অল মণিপুর তাইক্বান্দো এসোসিয়েসনগী এফিলিয়েটেড য়ুনিট অমা ওইরিবা ক্রিয়েটিভ তাইক্বান্দো ইন্সটিটিউট (সিটিআই) ইম্ফালগী শান্নরোয়শিংনা মণিপুরগী মহুৎ শিন্দুনা দিল্লীগী আগরসাইন ভবন পিতম্পুরাদা পাঙথোকখিবা ৭ শুবা নেশনেল য়ুথ গেমস ২০২১ দা গোল্ড ১৪, সিলভার ৩ অমসুং ব্রোঞ্জ ৪ য়াওনা পূন্না মেডেল ২১ লৌদুনা অভারওল টিম ফার্স্ট রানার্স আপ তারকখ্রে।
সেপ্টেম্বর ১৮ দগী ২০ ফাওবা টেলেন্ট সার্চ এসোসিয়েশন দিল্লীনা শীন্দুনা পাঙথোকখিবা য়ুথ গেমস অদুদা ক্রিয়েটিভ তাইক্বান্দো ইন্সটিটিউট (সি টি আই) ইম্ফালগী নুপীমচা শান্নরোয় মাপল য়াওনা পূন্না শান্নরোয় ২১ না শরুক য়াখিবদা মেডেলশিং অদু লৌরকখি। টিম অদুবু তখেল্লম্বম রাজুনা লুচিংখি।
গেমস অদুদা গোল্ড মেডেলশিং ফংলকখ্রবা শান্নরোয়শিংদি তনিশা সোয়াম (ফ্রেশার জুনিয়রগী কেজি ৫২ গী মখা), রাজকুমারী তানিয়া (ফ্রেশার সাব-জুনিয়রগী কেজি ৪৭ মখা), জেসিকা রাজ কুমারী (সাব-জুনিয়রগী কেজি ৪১ মখা), সাপম য়াইখোম্বী (কেডেটকী কেজি ৫৯ মখা), নাওরেম রীমা (জুনিয়রগী কেজি ৪৩ মখা), হাওবিজম উইলিয়ম (জুনিয়র বয়েজগী কেজি ৭৩ মখা), কাঙবম তেন্নিসন (কেডেট বয়েজগী কেজি ৫৩ মখা), চনগাংবম চীংখৈঙানবা ( জুনিয়রগী কেজি ৫৯ মখা), কোঞ্জেংবম মহেশ (কেদেতকী কেজি ৫৭ মখা), কোন্সম শ্রীনিভাস (জুনিয়রগী কেজি ৬৩ মখা), পুয়াম রোনাল্ড (কেদেতকী কেজি ৬৫ মখা), শোরোকখাইবম জেমস (সিনিয়রগী কেজি ৮০ গী মখা) অমসুং অয়েকপম লৈশেম্বা (ফ্রেশার সাব-জুনিয়রগী কেজি ৭৩ মখা) নি।
সিলভার মেডেলশিং অদুনা ইন্সটিটিউট অদুগী য়ুম্নাম মোনিতা (সিনিয়র গার্লসকী কেজি ৫৩ মখা), নিংথৌজম শোফিয়া (কেদেতকী কেজি ৪৭ কী মখা) অমসুং রোহিৎ খুমন্থেম (কেদেতকী কেজি ৪৯ গী মখা) অহুম্না লৌরকখি।
টিমগী ব্রোঞ্জ মেডেলশিং লৌরকখ্রবা শান্নরোয়শিং অদুদি লাভলিনা সোয়াম (ফ্রেশার কেদেতকী কেজি ৫৯ মথক), ইরোম রেহিৎ (সিনিয়রগী কেজি ৫৪ মখা), খ্বাইরাকপম দিনেশোরি (কেদেতকী কেজি ৫১ মখা) অমসুং তোকপম তাইস (জুনিয়রগী কেজি ৫১ মখা) নি।
সোর্স: পোক্নফম

COMMENTS

WORDPRESS: 0
DISQUS: