মণিপুরদা ব্লেক ফঙ্গসকী কেস অনী থেংনরে, নুপা অমা লৈখিদ্রে

Homeভারত

মণিপুরদা ব্লেক ফঙ্গসকী কেস অনী থেংনরে, নুপা অমা লৈখিদ্রে

ইম্ফাল, জুন ১: মণিপুরদসু ব্লেক ফঙ্গসকী কেস অনী থেংনরে। মখোয়গী মনুংদা শীজ হোস্পিতাল লায়কন্নরকপা অনাবা নুপা অমনা লৈখিদ্রে হায়রি। প্রেসনা ফংবা পাউনা হায়

ইম্ফাল, জুন ১: মণিপুরদসু ব্লেক ফঙ্গসকী কেস অনী থেংনরে। মখোয়গী মনুংদা শীজ হোস্পিতাল লায়কন্নরকপা অনাবা নুপা অমনা লৈখিদ্রে হায়রি।
প্রেসনা ফংবা পাউনা হায়, স্তেত অসিদা অহানবা ওইনা ব্লেক ফঙ্গসনা নারবা মী অনী অদুগী মনুংদা শীজ হোস্পিটালদা লায়কন্নরম্বা ইম্ফাল ৱেস্ত দিস্ট্রিক্টগী চহী ৪৬ রোম শুরবা নুপা অদু ঙসি কনফার্ম তৌবনি। মহাক ঙসি নুংথিল প্রাইভেট হোস্পিটাল অসিদা লৈখিদবনি। মহাক নন-কোভিদ পেশেন্তনি। অতোপ্পা কোভিদনা নারবা চহী ৪৯ রোম শুরবা নুপা অদুনা হৌজিক রিমস হোস্পিটালদা লাকন্নরি। মহাক হৌজিক অরুবা ফীবমদা লৈরি। পোক্নফমনা হীরম অসিগী মতাংগা দিরেক্তর (হেলথ সার্ভিসেস) ডা: কে রাজোগা ৱারী শানবদা মহাক্না হায়, স্তেত অসিদা অহানবা ওইনা ব্লেক ফঙ্গসকী কেস অনী থেংনবগী মনুংদা শীজ হোস্পিটালদা লায়কন্নরম্বা নুপা অমা লৈখিদ্রে অদুগা অতোপ্পা অমনা রিমস হোস্পিটালদা অরুবা ফীবমদা লায়কন্নরি। ডাঃ রাজোনা হায়, ব্লেক ফঙ্গস অসি অনৌবা লায়না ওইবনা অমসুং ইন্দিয়াগী অতোপ্পা স্তেতশিংদা থোরকখ্রবনা স্তেত অসিদসু য়ৌরকপা য়াই হায়বগী চিংনবা লৈবদগী স্তেতকী ওইবা মীফম পাঙথোক্তুনা হীদাক লৈশিন্নবা খন্নদুনা গবর্ণমেন্ততা থাগৎখিবা লৈখ্রে। হৌজিক স্তেত অসিদা কেস অনী থোরকপা হৌরবনিনা অথুবা মতমদা হীদাক লৈনবা হয়েংদগী প্রোসেস হৌরগনি। লাক্লিবা নীনি-হুম্নিগী মনুংদা হীদাক ফংহন্নবা থবক হৌরগনি।
ব্লেক ফঙ্গস লায়েংবগী হীদাক অসি লোকেল মার্কেটতা লাইনা ফংবা ঙাক্তনি। লায়না মখল অসি মীয়াম্না তত্তনা থেংনরিবা ফঙ্গল ইনফেক্সন হায়বা অনাবা মখল অদুগা চপ মান্নৈ। লায়না অসি মীয়াম্না য়াম্না মিপাইনিংঙাই ওইদে।
অদুবু মতম শাংনা ডাইবেটিক নারবা, কিডনীনচিংবা অর্গান ত্রান্সপ্লান্ত তৌখ্রবা, মতম শাংনা এন্টিবায়োটিক চারকপা, আইসিয়ুদা মতম শাংনা লায়েংদুনা লৈরকপা অমদি মতম শাংনা লায়না অমনা মরম ওইদুনা নাদুনা লৈরকপশিংদা থোক্কল্লি হায়না দিরেক্তর (হেলথ) ডা: রাজোনা ফোঙদোরক্লি।
মহাক্না মখা তানা হায়, কোভিদ-১৯ পোজিতিব ওইরবসু মশা লুনা-নান্না লৈবা মথৌ তাই। ইমুং, বাথরুম, টয়লেট অমসুং য়ূমগী অকোয়বদা অমোৎ-অকায় লৈহন্দবা হোৎনবসি য়াম্নমক মথৌ তাই।
কনাগুম্বা ডাইবেটিক লৈরবদি মদু অথুবা মতমদা কন্ট্রোল তৌহৌবা, কোভিদ-১৯ পোজিটিব ওইবা অনাবশিংদা কাপ্লিবা স্টেরয়েড অসি ডাক্তারশিংনা মতম শাংনা পীদবা, হেলথ ৱার্কারশিংনা অনাবদা অক্সিজেন্নচিংবা পীবা মতমদা লূনা-নান্না অমসুং নিংতিনা স্তেরেলাইজ তৌদুনা পীবা মথৌ তাই। লায়না অসি অনৌবা অমা ওইরবসু লায়েংবা ঙম্বা অনাবা মখল অমনি। মরম অদুনা মীয়াম্না মিপাইবীগনু হায়না ডাঃ রাজোনা আপিল তৌরি।

সোর্স : পোক্নফম

COMMENTS

WORDPRESS: 0
DISQUS: