মণিপুরদা পুং ২৪ গী মনুংদা মীওই মঙা লৈখিদ্রে, ১৪৬ পোজিটিভ ওইরে

Homeভারত

মণিপুরদা পুং ২৪ গী মনুংদা মীওই মঙা লৈখিদ্রে, ১৪৬ পোজিটিভ ওইরে

স্টেট অসিদা কোভিদ-১৯ গী কেস থেংনবগী চাং নুমিৎ খূদিংগী হেনগৎলকপগা লোয়ননা পূং ২৪গী মনুংদা মীওই ৫ লৈখিদ্রে, ১৪৬না পোজিটিভ ওইরে। কোভিদ-১৯ কম্মন কন্ট্রোল র

স্টেট অসিদা কোভিদ-১৯ গী কেস থেংনবগী চাং নুমিৎ খূদিংগী হেনগৎলকপগা লোয়ননা পূং ২৪গী মনুংদা মীওই ৫ লৈখিদ্রে, ১৪৬না পোজিটিভ ওইরে। কোভিদ-১৯ কম্মন কন্ট্রোল রুমদগী ঙসি নুংথিল পূং ৫ ফাওবগী ওইনা ফংবা রিপোর্টকী মতুং ইন্না হৌখিবা পূং ২৪ অসিদা কোভিদ-১৯ পোজিটিভ ওইরবা ইম্ফাল ইস্টতগী মশাগী চহী ৫৭ শুরবা নুপা অমা, থৌবালদগী মশাগী চহী ৫৩ শুরবী নুপী অমা, চুড়াচন্দপুরদগী মশাগী চহী ৩৫ শুরবা নুপা অমা, ইম্ফাল ইস্টতগী মশাগী চহী ৭৫ শুরবা নুপা অমা অমসুং ইম্ফাল ওয়েস্টতগী মশাগী চহী ৫৩ শুরবা নুপা অমা লৈখিদ্রে। মখোয়শিং অসিগী মনুংদা মীওই ৪না জেনিমস হসপিটালদা অমসুং মীওই অমনা রিমস হসপিটালদা লৈখিদবনি। মীওই ৫ অসি থারগা মণিপুরগী ওইনা লায়না-লাইচৎ অসিনা মরম ওইরগা লৈখিদবা মশীং ৩৯০ শুখ্রে।

হৌখিবা পূং ২৪ অসিদা নুপা ৮৬ অমসুং নুপী ৫৫ য়াওনা জেনরেল পপুলোসনগী মীওই ১৪১ অমসুং সেন্ট্রেল আর্মদ পুলিস ফোর্সকী পার্সনেল ৫৫ নৌনা কোভিদ-১৯ পোজিটিভ ওইরে। পোজিটিভ কেসশিং অসি জেনিমসতা ১৯ পোজিটিভ ওইরে। পোজিটিভ কেসশিং অসি জেনিমসতা ১৯, রিমসতা ১৬, ইম্ফাল ইস্টতা ৪, ইম্ফাল ওয়েস্ট ১৭, মাইপাকপীদা ৪, রাজ মেদিসিটিদা ১, জিবন হসপিটালদা ২, শিজ হসপিটালদা ১২, খৃষ্টিয়ান হসপিটালদা ৩, এডভান্স হোস্পিটাল ৫, সীএমসীদা ৫, ববিনা ডায়গনস্টিকতা ৩৭, থৌবালদা ১, বিষ্ণুপুর ২, ককচিংদা ২, উখ্রুলদা ১১, চান্ডেলদা ২ অমসুং কাংপোকপীদা ৩ থেংনখি।

জেনারেল পপুলেশনগী পোজিটিভ ওইরবা মীওইশিং অসি ইম্ফাল ইস্টতগী ৪২, ইম্ফাল ওয়েস্টতগী ৭০, থৌবালদগী ৪, বিষ্ণুপুরদগী ৪, ককচিংদগী ৫, উখ্রুলদগী ১১, কাংপোকপীদগী ৪ অমসুং চান্দেলদগীনি ১নি।

মণিপুরগী ওইনা অপূনবা কেস মশিং ৩০,৫৬৭ শুখ্রে। লায়না লাইচৎ অসিদগী ফগৎলক্লবা অপুনবা কেস মশিংনা ২৯,২৬৭ নি। ফগৎলকপগী চাং চাদা ৯৫.৭৪দা হন্থরকখ্রে। অদুগা এক্টিভ কেসনা হেনগৎলক্তুনা ৯১০ য়ৌখ্রে। এক্টিভ কেসশিং অসিগী মনুংদা জেনারেল পপুলেসনগী মীওই ৮৩৬ অমসুং সেন্ট্রেল সিকিউরিটি পার্সনেল ৭৪ য়াওরি।

লোয়ননা মণিপুরগী ওইনা ঙসি ফাওবদা পুন্না মীওই ১,৩৯,৪৫৭ তা কোভিদ ভেক্সিন কাপখ্রে। অমারোমদা, ঙসি নুমিদাং ৱাইরম চীফ মিনিস্টার এন বিরেননা চেয়ার লৌরগা সীএম সেক্রেটরিয়েটতা কোভিদ-১৯গী স্টেট কন্সালটেটিভ কমিটিগী মীফম অমা পাঙথোকখ্রে। মীফম অদুনা মণিপুরদা কোভিদ-১৯গ হৌজিক ওইরক্লিবা ফিভমশিং অসি কূপ্না খন্নখিবগা লোয়ননা এসওপি ঙাক্তবা মীশিংগী মথক্তা পেনাল্টি পীবগী থবক হেন্না কনশিলহন্ননবা খন্নখ্রে। লোয়ননা লায়না লাইচৎ অসিদগী ঙাকথোক্নবা হোৎনবদা মতেং ওইনবগীদমক কোভিদ-ভেক্সিন পাক-শন্না কাপথোকহন্নবসু লেপ্নখি।

মীফম অদুনা কোভিদ টেস্টিং তৌবা, কন্টেক্ট ত্রেসিং তৌবা অমদি কোভিদ ভেক্সিনেসনগী থবকশিং এমএলএশিং য়াওনা পায়খৎননবা ৱাফমসু খন্নখি হায়রি।

নাকল অমরোমদা, হেল্থ মিনিস্ট্রিনা ঙসি অয়ুক পীখিবা ডাটা অমগী মতুং ইন্না হৌখিবা পুং ২৪ অসিগী মনুংদা ইন্দিয়াগা মীওই ৩,৫২,৯৯১ পোজিটিভ ওইবা থেংনখ্রে। নোংমতদা কেস লাখ ৩.৫ হেন্না থেংনখিবা অসি মালেমদা ইন্দিয়ানা অহানবা ওইরে। হৌখিবা পূং ২৪ অসিদা রেকোর্দ ওইনা মীওই ২,৮১২সু লৈখিদ্রে। ইন্দিয়াগী হৌজিক ফাওবদা লায়না লাইচৎ অসিনা মরম ওইরগা লৈখিদবা মশিং ১,৯৫,১২৩ য়ৌখ্রে।
অমরোমদা, চুড়াচান্দপুর দিস্ট্রিক্টকী এডিসনাল ডেপুটি কমিশনার থাংবোই গাংতেনা ঙসি দিস্ট্রিক্ট অসিগী এসপিদা ইখিবা চেরোল অমদা দিস্ট্রিক্ট অসিগী মনুংদা কোভিদ-১৯ পেন্দমিক্কী চৎনা-কাঙলোনশিং থুগায়রকপা মীওইশিংগী মথক্তা প্যুনিটিক এক্সনশিং অকনবা মওংদা লৌখৎনবগী ইন্সট্রাকশনশিং পীখ্রে হায়রি।

সোর্সঃ হুইয়েন লানপাও।

COMMENTS

WORDPRESS: 0
DISQUS: