মণিপুরদা পুং ২৪গী মনুংদা অমুক্কসু হেনগৎলক্তুনা পোজিটিব ওইবা মশীং ১১৭১ থেংনরে, মীওই ১৫ লৈখিদ্রে

Homeস্ক্রলবার

মণিপুরদা পুং ২৪গী মনুংদা অমুক্কসু হেনগৎলক্তুনা পোজিটিব ওইবা মশীং ১১৭১ থেংনরে, মীওই ১৫ লৈখিদ্রে

ইম্ফাল, জুলাই ১৭ : চৎলিবা থা অসি হৌগৎলকপদগী থা অসিগী ১৩ ফাওবদা নৌনা থেংনবা কোভিদ-১৯ পোজিটিভ কেসশিংগী মশীং লিশীং ১গী মখাদা লৈরম্বদু থা অসিগী ১৪দা পোজ

ইম্ফাল, জুলাই ১৭ : চৎলিবা থা অসি হৌগৎলকপদগী থা অসিগী ১৩ ফাওবদা নৌনা থেংনবা কোভিদ-১৯ পোজিটিভ কেসশিংগী মশীং লিশীং ১গী মখাদা লৈরম্বদু থা অসিগী ১৪দা পোজিটিভ কেস ১১০৪, থা অসিগী ১৫দা ১০৩৯ থেংনরক্লগা ঙরাংনা অনৌবা পোজিটিভ কেস ১১২৮ থেংনখিবা অদুনা হৌজিক ফাওবদা পুং ২৪ মনুংদা থেংনবা কোভিদ-১৯গী পোজিটিভ কেস মশীং খ্বাইদগী য়াম্লে হায়দুনা লৌনরম্বদু ঙসিদি অমুক হেনগৎলক্তুনা পুং ২৪গী মনুংদা অনৌবা পোজিটিভ কেস ১১৭১ (জেনারেল পোপুলেসন্দগী ঙাক্তা নুপা ৫৯৫, নুপী ৫৬৭) থেংনখ্রে।
কোভিদ-১৯ কম্মন কন্ত্রোল রুমনা ঙসি নুংথিল থোরকপা চেরোলসিগী মতুংইন্না অনৌবা পোজিটিভ কেসশিং অসি রিমসতা ৩০, জেনিমস ১০০, দিষ্ট্রিক্ট হোস্পিটালশিংদা ৮১৫ অমসুং অতৈ টেষ্টং সেন্টারশিংদনা ২২৬ থেংনবনি হায়রি। পোজিটিভ ওইরবা মীওইশিং অদুনা ইম্ফাল ইষ্টতগী ২৫৫, ইম্ফাল ওয়েষ্ট ৩৫৮, থৌবাল ৯৪, বিষ্ণুপুর ১৪১, ককচীং ৮২, উখ্রুল ৪, চুড়াচান্দপুর ৯৬, চান্দেল ৪২, সেনাপতি ১৩, তমেংলোং ৫৩, তেংনৌপর ৫, জিরিবাম ৪, ফেরজোল ২, কামজোং ১ অমসুং কাংপোকপী দিষ্ট্রিক্টতগী মীওই ২১ নি হায়রি।
অমরোমদা, পুং ২৪গী মনুংদা ষ্টেট লেভেল কোভিদ-১৯ ডেথস অডিট কম্মিটিনা পীরকখিবা রিপোর্টকী মতুংইন্না লায়না অসিনা মরম ওইদুনা লৈখিদবা মীওই ১৫নি হায়রি। লৈখিদ্রবশিং অদুদি ইম্ফার ওয়েষ্টগী ৬, ইম্ফাল ইষ্ট ১, থৌবাল ১, বিষ্ণপুর ২, ককচীং ১, জিরিবাম ১ অমসুং চুড়াচান্দপুর দিষ্ট্রিক্টতগী মীওই ৩নি হায়রি।
ঙসি লৈখিদবা মীওই ১৫ অসি থারগা হৌজিক ফাওবদা কোভিদ-১৯না মরম ওইদুনা লৈখিদবা অপূনবা মীওইশিংগী মশীং ১৩৬৫ শুখ্রে হায়রি। ঙসিগী ওইনা দিসচার্জ তৌখিবশিংনা মীওই ৭৪২ নি। মসিগী মনুংদা হোম আইসোলেসন্দগী ৩০২, রিমস ১৮, জেনিমস ১৩, সী সী সীশিংদগী ২৮৬ নি হায়রি।
ঙসি থেংনখিবা খ্বাইদগী য়াম্বা ওইরবা অনৌবা পোজিটিভ কেস ১১৭১ অসি হাপচিল্লবা মতুংদা হৌজিক ফাওবদা ষ্টেট অসিদা থেংনবা পোজিটিভ কেস মশীং পূন্না ৮৩,৮৫৯ শুরে। অদুগা লায়না অসিদগী ফগৎলকখ্রবা অপূনবা মীওইশিংগী মশীংনা ৭৩,০৪৭ শুরে। অদুগা ঙরাং ফাওবদা লৈখিবা এক্টিভ কেসশিংগী মশীং ৯,০৩৩ অদুদগী হেনগৎলক্তুনা ঙসিনা ১০,৮১২ লৈরে হায়রি।

COMMENTS

WORDPRESS: 0
DISQUS: