বামছাস’না মহৈরোয়শিংদা স্কলারশীপ (বৃত্তি) পিবগী থৌরম পাংথোকখ্রে

Homeস্ক্রলবার

বামছাস’না মহৈরোয়শিংদা স্কলারশীপ (বৃত্তি) পিবগী থৌরম পাংথোকখ্রে

সিলেট, ৯ অক্টোবর : বাংলাদেশতা মহৈরোয় শিংগী খ্বাইদগী অরিবা লুপ ‘বাংলাদেশ মণিপুর ছাত্র সমিতি’- বা ম ছা স’না শিল্লাংদুনা চহীগী ওইনা প্রাইমারী অমসুং জুনিয়

সিলেট, ৯ অক্টোবর : বাংলাদেশতা মহৈরোয় শিংগী খ্বাইদগী অরিবা লুপ ‘বাংলাদেশ মণিপুর ছাত্র সমিতি’- বা ম ছা স’না শিল্লাংদুনা চহীগী ওইনা প্রাইমারী অমসুং জুনিয়র স্কলারশীপ এক্সামগী স্টাইপেন্ড য়েন্থোকপগী থৌরম অমা ঙসি সিলেট প্রেসক্লাবকী লোয়শঙদা পাঙথোকখ্রে। ১৯৯৫ কুমজাদগী হৌদোকখিবা প্রাইমারী অমসুং জুনিয়রগী থাক্তা স্কলারশীপ এক্সাম অসি লৌদুনা লাকখিবনি। চৎখিবা চহি ২০২০ কুমজাগী এক্সাম অসি নভেম্বর থাদা পাঙথোকখিবনি। বাংলাদেশতা মৈতৈনা খুন্দারিবা মফম পুম্নমক্তা এক্সাম অসি লৌখিবনি। টেলেন্টপুল, ফার্স্ট গ্রেড অমসুং সেকেন্ড গ্রেড- তা মায়পাক্লবা মহৈরোয় পুম্নমকপু মনা, ক্রেষ্ট অমসুং সার্টিফিকেট পিদুনা ইকায়খুম্নখি।

থৌরম অসিদা ‘বামছাস’ সেন্ট্রেল কমিটিগী ভাইস প্রেসিডেন্ট হিজম সুশীলনা থৌরম মপুগী ফমদা লৈতেংখি অমসুং অথোইবা মীথুং ওইনা সিলেট সিটি কর্পোরেশনগী ২০ নং ওয়ার্ডকী কাউন্সিলর আজাদুর রহমান আজাদ লোয়ন অমদি স্পোশাল গেষ্ট ওইনা রাজা জিসি হাই স্কুলগী হেড মাষ্টার মোহাম্মদ আব্দুল মোমিত অমসুং জুড়ি ছোটধামাই হাই স্কুলগী হেড মাষ্টার অহৈবম রণজিত সিংহনা শরুক য়াখি। শিক্ষা নত্তনা জাতি অমা চাওখৎপা ঙম্লোই, অদুনা অঙাং নহা পুম্নমকপু লাইরিক লাইশু, মহৈ মশিং তমদুনা   খুন্নাই অসিবু চাওখৎননা হোৎনবা তাই। বাংলাদেশ মণিপুরী ছাত্র সমিতি (বামছাস) না পায়খৎলিবা বৃত্তি পিবগী থৌরম অসি য়াম্না থাগৎনিঙাইনি হায়না অথোইবা মীথুংলেন আজাদুর রহমান আজাদনা ফোংদোরকখি।

য়ুম্নাম স্নিগ্ধানা কন্ডাক্ত তৌদুনা পাংথোকখিবা থৌরম অসিদা ৱা ঙাংবিখি এল. নন্দলাল সিংহ, পুষ্পদেবী সন্দিপা, ডা. বাবলী দেবী সিনহা, কে এইচ সমেন্দ্র সিংহ, নামব্রম শংকর অমসুং এম উত্তম সিংহ রতন।

COMMENTS

WORDPRESS: 0
DISQUS: