বাংলা সাহিত্যগী লময়ানবা থৱানমিচাক কবি শঙ্খ ঘোষ

Homeআর্টসৱারেং

বাংলা সাহিত্যগী লময়ানবা থৱানমিচাক কবি শঙ্খ ঘোষ

মহাক্কী শৈরেংশিংগী পরেংশিং অশেংবা অমর ওইদুনা লৈ। অহোংবা নাইদে ঙসিসু অমত্তা। অসুম্না মহাক্কী শৈরেংশিং মশীং য়ামখরে। মতমগী অওনবগা সমাজগী ওনলক্লিবা ফি

        লমাবম লিলি

মহাক্কী শৈরেংশিংগী পরেংশিং অশেংবা অমর ওইদুনা লৈ। অহোংবা নাইদে ঙসিসু অমত্তা। অসুম্না মহাক্কী শৈরেংশিং মশীং য়ামখরে। মতমগী অওনবগা সমাজগী ওনলক্লিবা ফিভম অসিদা কবিগী ৱাহৈ পরেং মিং হোংবা নাইদে। হৌখিবদগী ঙসি ফাওবা মহাক্কী শৈরেংশিংদা মীওইবগী থম্মোয় নুংবানগী জগৎকী ৱাখল অমসুং ইমোশন, অচীকপা অমদা তিনখি। অদুম্না পৃথিবীগী মপান নাইদ্রবা নীল খোংলবা অসিসু খৌগংলবা শৈরেংগী লোলদা চঙশিনখি।

হৌখিবা চহী (ইংকুমজা ২০২০) দগী মালেমগী ওইরিবা কোভিদ-১৯গী পেন্দামিক অসিনা মীওই মিলিয়ন কয়া কয়া মালেম অসিদগী হনখরে। মীথোই মীহেন কয়া কয়াসু য়াওনখরে। হন্দক বাংলা সাহিত্যগী তাইবংদগী কবি শঙ্খ ঘোষসু হনখরে। কোভিদ-১৯গী লাইচৎ অসিনা।

কবি শঙ্খ ঘোষগী অশেংবা মমিংসি চিত্তপ্রিয় ঘোষ কৌই। ফেব্রূয়ারী ৫, ইং ১৯৩২দা চাঁদপুরদা পোকপনি। এপ্রিল ২১, ইং ২০২১ কোলকাতাদা অরোইবা য়াহিব তানখি। বাংলাদেশপু মহাক্না য়াম্না নুংশিজরম্মী। বরিশালগী বানারিপাড়াদা মখোয়গী থায়নগী য়ুম্ফমনি। পাতনাদা অঙাং ওইরিঙৈদগী মতমশিং লেনখি। যাদবপুর অমসুং বিশ্বভারতীদা সাহিত্যগী প্রোফেসর ওইরম্মী। কবি শঙ্খ ঘোষ বাংলাগী কবি সাহিত্যিক অমসুং সমালোচক অমা ওইরম্বতা নত্তনা রবীন্দ্রনাথকী মরমদসু থিজিন হুমজিনবা থৌনা ফরবা সাহিত্যিক অমনি। মহাক কাব্য অমসুং সাহিত্যগী লমদা রবীন্দ্রনাথ অমসুং জীবনানন্দ দাসকী মতুং তারকপা মাই পাক্লবা মীশক অমনি। শঙ্খ ঘোষকী শৈরেংশিংনা ফজবগুম মহাক্কী খোঞ্জেলসু য়াম্নামক ফজৈ।

শঙ্খ ঘোষকী শৈরেংশিংদা সামাজিক চেতনা হায়বদি সোসেল কনসাসনেসকী মমি তায়। মতম অমগী ওইরিবা সমাজকী থৌদোক-ৱাথোক শিংদা কবিনা য়াম্না হৈ-শিংনা কলম পায়খৎলি। “ভয়াবহ শব্দধূমে ভরে গেছে পৌষের বাতাস আর সেই অবসরে কোনও কোনও পিশাচ স্বাধীন রাজপথ থেকে নারী তুলে নিয়ে চলে যায় ট্রাকে।” মণিপুরীদা হন্দোক্লগা- ‘কিনিংঙাই ওইরবা ৱাহৈগী মৈখুলক্তা পিক থনজিনখ্রে পোইনুগী নুংশিৎ পোথাজরবা মতম অদুদা কনা কনাগুম্বা ঈ চুপ্পা হিংচাবনা নীংতম্বা লম্বী লমজাওদগী নুপীশিংবু ট্রাকতা থাঙ্গৎতুনা পুখি।”

ৱাহৈশিং অসিনা সমাজপু খুদোম্বী থিন্দুনা তাক্লি, নুপীবু ইকায় খুম্নবা মাঙহনবগী থৌদোকশিং অসি ঙসিসু লেংদনা লৈরী।

অমনা- ‘মত কাকে বলে শোনো। মত তা যা আমার মত। সেও যদি সায় দেয় সেই মতে তবে সে মহৎ” (“মোত করিবু কৌই তাবীয়ু। মোত অদুমক্নি ঐগী মোত। করিগুম্বা মহাক্না য়ারবদি অদুম্না, অথোইবনি মহাক অদো।”) ডেমোক্রেসিগী অশেংবা শক্তমদু পরেং খরসিনা ফোঙদোকপনি।

“পাগল” হায়বা মহাক্কী কবিতাগী পরেংসিদমুক য়েংসি-

“হাওড়া ব্রিজের চুড়োয় উঠুন

নীচে তাকান, উর্ধ্বে চান

দুটোই মাত্র সম্প্রদায়

নির্বোধ আর বুদ্ধিমান”

(হাওড়া ব্রিজগী মতোলদা কাখৎপীয়ূ মখাদা য়েংথবীয়ু মথকলোমদা য়েংবীয়ু

কাঙলুপ অনি খক্তনি

অপংবা হৈশিংবগা।”

শৈরেংসিদা কাঙলুপ মখল অশেংবা তোখায়নবগী শক্তম উৎপনি।

মহাক্কী শৈরেংশিংগী পরেংশিং অশেংবা অমর ওইদুনা লৈ। অহোংবা নাইদে ঙসিসু অমত্তা। অসুম্না মহাক্কী শৈরেংশিং মশীং য়ামখরে। মতমগী অওনবগা সমাজগী ওনলক্লিবা ফিভম অসিদা কবিগী ৱাহৈ পরেং মিং হোংবা নাইদে। হৌখিবদগী ঙসি ফাওবা মহাক্কী শৈরেংশিংদা মীওইবগী থম্মোয় নুংবানগী জগৎকী ৱাখল অমসুং ইমোশন, অচীকপা অমদা তিনখি। অদুম্না পৃথিবীগী মপান নাইদ্রবা নীল খোংলবা অসিসু খৌগংলবা শৈরেংগী লোলদা চঙশিনখি।

কবি শঙ্খ ঘোষ, শৈরেংগী লাইরিক ৩৪/৩৫, গদ্যগ্রন্থ ৪৮, অঙাংগী লাইরিক ২৩ ইরম্মী। এৱার্ড কয়া কয়া ইকায়খুম্নজবা কয়া পুন্সি চুপ্পা ফংখি। বিশ্ব ভারতীগী ‘দেশীকোত্তম’ ভারত সরকারগী ‘পদ্মভূষন’ নচিংবা ফংখি। পদ্মভূষণ (২০১১), জ্ঞানপীঠ এৱার্ড (২০১৬), সাহিত্য একাডেমি (১৯৭৭)দা ফংখি।

মহাকপু পোকপা মপাগী মমিং মনীন্দ্র কুমার ঘোষ কৌই্। বাংলা লোনগী এক্সপার্ট অমনি। মমাগী মমিংনা অমলাবালা ঘোষ কোই। মহাক্কী পনবা য়াবা লাইরিকশিংদি ‘বট পাকুড়ের ফেনা’ দা মহাকপু জ্ঞানপীঠ এৱার্ড পীখিবনি। ‘মুখ ঢেকে যায় বিজ্ঞাপনে’ ‘উর্বশীর হাসি’ ‘ওকাম্পোর রবীন্দ্রনাথ’ নচিংবা।

‘ধুম লেগেছে হৃদকালে’ কাব্যগ্রন্থ অসিগীদমক্তা মহাক ‘রবীন্দ্র পুরস্কার অদুগা ‘বাবরের প্রার্থনা’গী দমক্তা ‘সাহিত্য একাডেমি এৱার্ড’ ফংখি। মহাক্কী অতৈ তোপ তোপ্পা কাব্যগ্রন্থ ‘মূর্খ বড় সামাজিক নয়” গী দমক্তা ‘নরসিংহ দাস পুরস্কার’ ফংখি। আর্জেন্টিনাগী নিঙোল ভিক্টোরিয়া ওকাম্পোনা রবীন্দ্রনাথকী প্রেমদা লুপ্লম্মী। রবীন্দ্রনাথ অমসুং ওকাম্পোদা য়ুম্ফম ওইদুনা ‘ওকাম্পোর রবীন্দ্রনাথ’ হায়না ফজখ্রবা লাইরিক অসি ইরম্মী।

COMMENTS

WORDPRESS: 0
DISQUS: