বাংলাদেশতা লকডাউন মে ৫ ফাওবা অমুক শাংদোকখ্রে

Homeবাংলাদেশ

বাংলাদেশতা লকডাউন মে ৫ ফাওবা অমুক শাংদোকখ্রে

সিলেট ওফিসঃ হৌজিক লৈরিবা লকডাউন অসি মে ৫ ফাওবা অমুক শাংদোকখ্রে। বাংলাদেশকী কেবিনেট ডিভিশননা য়ুমশাকৈশা নুমিত্তা সার্কুলার অমদা ফিরেপ অসি লাউথোকখি। কোভি

সিলেট ওফিসঃ হৌজিক লৈরিবা লকডাউন অসি মে ৫ ফাওবা অমুক শাংদোকখ্রে। বাংলাদেশকী কেবিনেট ডিভিশননা য়ুমশাকৈশা নুমিত্তা সার্কুলার অমদা ফিরেপ অসি লাউথোকখি। কোভিদ-১৯ থেংননবা বাংলদেশনা মমাঙদা এপ্রিল ১৪দগী ২১ ফাওবা নুমিৎ নিপান্নী লকডাউন শাংদোকখি। সার্কুলার অদুগী মতুং ইন্না, লকডাউন তৌরবসু দোকান অমসুং শপিংমলশিং ঐয়ুক পুং ১০দগী নুমিদাং ৮ ফাওবা হাংবা য়াগনি। ফ্যাক্টরিশিং অমসুং ব্যাংকশিং হান্নগুম থবক তৌবা য়াগনি। মিদল ইস্ট, সিঙ্গাপুর, মালয়েশিয়া অমসুং হিদাক কাপ্পগী সার্টিফিকেট পায়দুনা হল্লকপশিং ময়ুমদা নুমিৎ ১৪নী কোরাইন্টিন তৌরগা লৈবা য়াগনি হায়না খ্বাইদগী নৌবা অর্ডার অদুনা হায়খি। অদুবু অতৈ লৈবাকশিংদগী লাকপা পেসেঞ্জারশিং গবর্নমেন্টনা পীবা হোটেলদা মখোয় মশানা শেল পুথোকচরগা নুমিৎ ১৪নী কোয়ারেন্টিন তৌরগা লৈগনি হায়না অর্ডার অদুনা হায়খি।

কোভিদ-১৯ লাইচৎকী অনীশুবা ওয়েভ মরক্তা বাংলাদেশ গভর্নমেন্টনা ইন্দিয়াদগী কংফাল লম্বীদা ফাওরগা চঙলকপা নিংথৌকাবা নুমিত্তগী থিংখি।

য়ুমশাকৈশা নুমিত্তা লৈবাকসিগী ডিরেক্টরেট জেনারেল অব হেল্থ সার্ভিস (ডিজিএইচএস) না লৈবাক অসিদা নৌনা মীওই ২,৯৫৫ কোভিদ-১৯ নাবা থেংনরে অমসুং মীওই ৭৭ শিরে হায়খি। য়ুমশাকৈশা নুমিৎ ফাওবদা লৈবাক অসিদা কোভিদ-১৯ নাবা অমসুং মসিদগী শিখিবা মীগী মশীং মথংশিৎসা পূন্না ৭৫৪,৬১৪ অমসুং ১১,৩০৫ শুখ্রে।

COMMENTS

WORDPRESS: 0
DISQUS: