বাংলাদেশতা ` মণিপুরী লোনগী নুমিৎ ২০২১’ ভার্চুয়ালদা ওইনা পাংথোকখ্রে

Homeসংস্থানগি পাও

বাংলাদেশতা ` মণিপুরী লোনগী নুমিৎ ২০২১’ ভার্চুয়ালদা ওইনা পাংথোকখ্রে

সিলেট, আগষ্ট ২১ : ঙরাং ২০ আগস্ট, মণিপুরী লোনগী নুমিৎকা মরী লৈননা বাংলাদেশকী মণিপুরী ভাষা গবেষণা ও উন্নয়ন সংস্থা-না শীন্দুনা ভার্চুয়াল নৈন-মীফম অমসুং শ

সিলেট, আগষ্ট ২১ : ঙরাং ২০ আগস্ট, মণিপুরী লোনগী নুমিৎকা মরী লৈননা বাংলাদেশকী মণিপুরী ভাষা গবেষণা ও উন্নয়ন সংস্থা-না শীন্দুনা ভার্চুয়াল নৈন-মীফম অমসুং শৈরেং পাবগী থৌরম অমা পাঙথোকখ্রে হাইদুনা লুপ অসিগী মাইকৈদগী খংহনলকখি। মণিপুরী ভাষা গবেষণা ও উন্নয়ন সংস্থাগী প্রেসিডেন্ট এ কে শেরামনা প্রিসাইড তৌখিবা থৌরমদু কবি নামব্রম শংকরনা মোডারেটর ওইখিবনি।

                                          ভার্চুয়াল নৈন-মীফম অমসুং শৈরেং পাব থৌরমগি মিকুম অমা

থৌরম অসিদা গেস্ট ওব ওনার ওইনা মণিপুরী সাহিত্য পরিষদ, ত্রিপুরাগী জেনারেল সেক্রেটারি এল. বীরমঙ্গল সিংহ অমসুং শিলচরগী আসাম ইউনিভার্সিটিগী মণিপুরী ডিপার্টমেন্টকী এসোসিয়েট প্রোফেসর হাওরোংবম রাজমনি সিংহনা শরুক য়াখি।। এ কে শেরামনা ৱাহৌদোক্কী ৱারোল পীরবা মতুঙদা মথং মথং ৱা ঙাঙবিখি মণিপুরী কালচারেল কমপ্লেক্সকী কনভেনর এল. জয়ন্ত কুমার সিংহ, শক্নাইরবা অইবা আলহাজ্ব মো. আবদুস সামাদ, মণিপুরী ভাষা গবেষণা ও উন্নয়ন সংস্থাগী ভাইস প্রেসিডেন্ট কবি অহৈবম রনজিত, ঢাকাবাসী মণিপুরীগী জেনারেল সেক্রেটারি য়েনশমম চন্দ্রজিৎ সিংহ, বাংলাদেশ মণিপুরী প্রাথমিক শিক্ষক সমিতিগী জেনারেল সেক্রেটারি এন. শান্ত কুমার সিংহ অমসুং মণিপুরী মিররগী ইডিটর-ইন-চিফ হামোম প্রমোদ।

মথংদা থৌরম অসিগী শরুক অমা ওইনা কবি সনাতন হামোম, কবি অয়েকপম অঞ্জু, কবি রওশন আরা বাঁশি খূৎহৈবম অমসুং কবি অওয়াংতাবম সমরেন্দ্রনা লন্নায় লেংবা শৈরেং পাদুনা তাহনখি হায়রি। ঙরাংগী ভার্চুয়াল মীফমদুদা ইমা বাংলাদেশকী সেক্রেটারি জেনারেল থিংঙুজম হিরণ, বাংলাদেশ মণিপুরী সাহিত্য সংসদকী জয়েন্ট সেক্রেটারি কেঐচ. সমেন্দ্র, কবি কৈনাহন দেবী, প্রাইমারিগী ওজা কোন্থৌজম শিল্পী, বৃন্দা রাণী সিনহা, নারেংবম সমরজিৎ সিংহ, কেঐচ. নীরোদ সিংহ, আগরতলাগী মিনা সিনহানচিংবা মীওই কয়াদংসু শরূক য়াখি ।

COMMENTS

WORDPRESS: 0
DISQUS: