বাংলাদেশতা থা মরি মখাদা খ্বাইদগী চাং লিক্না লৈখিদবা ২৬, পোজিটিব ওইবগী চাং চাদা ৪.৬৮

Homeস্ক্রলবার

বাংলাদেশতা থা মরি মখাদা খ্বাইদগী চাং লিক্না লৈখিদবা ২৬, পোজিটিব ওইবগী চাং চাদা ৪.৬৮

সিলেট, আগস্ট ২১: বাংলাদেশতা কোরোনা লায়না তপ্না তপ্না হন্থরক্লে, ঙরাং থা মরি মখাদা লৈবাক অসিদা কোভিদ-১৯ লাইচৎনা মরম ওইদুনা পুং ২৪ দা খ্বাইদগী চাং নেম্ন

সিলেট, আগস্ট ২১: বাংলাদেশতা কোরোনা লায়না তপ্না তপ্না হন্থরক্লে, ঙরাং থা মরি মখাদা লৈবাক অসিদা কোভিদ-১৯ লাইচৎনা মরম ওইদুনা পুং ২৪ দা খ্বাইদগী চাং নেম্না ২৬ মীওই লৈখিদ্রে। নুমিৎ অসিগা থারগা লৈখিদ্রবশিংগী অপুন্বা মশিং ২৭,২৭৭ শুখ্রে। লৈখিদ্রবশিংগী মরক্তা নুপা ১৬অমসুং নুপী ১ য়াওখি। পুন্না লৈখিদবগী চাংনা চাদা ১.৬৬ নি।
অমরোমদা লৈবাক অসিদা পুং ২৪ দা ৩৩,৩৭৫ টেস্ট তৌবদা ১,৫৬২ মী নৌনা পজিটিব ওইখিবা থেংনখিবগা লোয়ননা পুন্না পজিটিব ওইবগী মীওই ১৫,৪৫,৮০০ শুরে। হৌখিবা পূং ২৪দা পজিটিব ওইবগী চাং চাদা ৪.৬৮ অমসুং অপুন্বা পোজিটিব ওইবগী চাং না চাদা ১৬.২৭ নি।
নিংথৌকাবা নুমিৎ নুংথিলদা হেলথ ডিপার্টমেন্টতগী থাদোকরকপা চেরোল অমগী মতুং ইন্না হায়- ঢাকা সিটি য়াওনা লৈবাক অসিগী মফম কয়াগী হোস্পিটালদা অমসুং য়ুমদা সিম্পটম য়াওদনা নাব য়াওনা পুন্না পুং ২৪ দা মীওই ১,৬০৩ নাবদগি ফগৎখি। ঙশি ফাওবা পুন্না ফগৎলকখিবা মী ১৫,০৪,৭০৯ শুখ্রে। ফগৎলকপগী চাংনা চাদা ৯৭.৩৪নি।
চেরোল অদুদা অতৈসু হায়, পুং ২৪দা লৈখিদ্রবা মী ২৬ গী মনুংদা লৈবাক অসিগী ঢাকা ডিভিশনদা ১৫, চট্টগ্রামদা ৩, রাজশাহীদা ৩, খুলনাদা ২, সিলেটতা ২, ময়মনসিংদা ১ লৈখিদ্রবদা য়াওখি। লৈখিদবশিংগী মরক্তা মীওই ২১ গভর্নমেন্ট হোস্পিটালদা, মীওই ৪না প্রাইভেট হোস্পিটালদা, ১ না য়ুমদা লৈখিদে।
মশাগী চহী খাইদোকপগি মতুংইন্না লৈখিদবশিংগী মশিং – চহী ৯১ দগী ১০০ গী মনুংদা ০১, চহী ৮১ দগী ৯০গী মনুংদা ০১, চহী ৭১ দগী ৮০গী মুনুংদা ০৫, চহী ৬১দগী ৭০গী মনুংদা ০৮, মশাগী চহি ৫১দগী ৬০গী মনুংদা ০৫, চহি ৪১দগী ৫০গী মনুংদা ০৩, চহী ৩১দগী ৪০গী মনুংদা ০২, চহী ২১দগী ৩০গী মনুংদা ০১ য়াওখি।
পনবা য়াই, করোনা অনাবা হন্থরকপদগী বাংলাদেশতা হৌখিবা সেপ্টেম্বরগী তাং ১২ দগী স্কুল কলেজ য়াওনা মহৈ লোইশঙ পুম্নমক হাংখি।

COMMENTS

WORDPRESS: 0
DISQUS: