বাংলাদেশতা কোরোনাগী অকিবা লৈত্তনা ঈদকী শোপিংদা মীগী মীতিন ঙকনিঙাইনি

Homeবাংলাদেশ

বাংলাদেশতা কোরোনাগী অকিবা লৈত্তনা ঈদকী শোপিংদা মীগী মীতিন ঙকনিঙাইনি

সিলেট অফিসঃ বাংলাদেশতা করোনাগী সেকেন্ড ওয়েভনা লায়না শন্দোকপা অমসুং শিহনবগি মশিং হেনগৎলে। নুংতিগী শিবগী মশিং ৫০ হেল্লি। অহানবা চৎখিবা চহিদা অসুম্না শিহ

সিলেট অফিসঃ বাংলাদেশতা করোনাগী সেকেন্ড ওয়েভনা লায়না শন্দোকপা অমসুং শিহনবগি মশিং হেনগৎলে। নুংতিগী শিবগী মশিং ৫০ হেল্লি। অহানবা চৎখিবা চহিদা অসুম্না শিহনখিবা উখিদে। হন্দকতি নোংমদা ১১২ মী শিবগী থাক ৱাংনা রেকোর্ড ওইখি। চৎখিবা থা এপ্রিলদা মরিরক পুং ২৪দা চামা হেন্না মীওই শিখি। অরোইবদা ঙসি থাংজ (১ মে) ৬০ রোম মী শিখিবগী পাও ফংই। করোনাগী শন্দোকপা অমসুং শিহনবা হন্থহনবগিদমক চৎখিবা থাগী এপ্রিলগী তাং ৫দগী লোকডাউন পিখি অকোনবদা লায়না অসি হেনগৎলকপনা অসুম শাংদখিনা মে গী তাং ৫ ফাওবা লোকডাউন পিখি।

লোকডাউন মরকসিদা বিজনেজমেনশিংগী খন্দুনা লৈবাক অসিগী শপিংমল অমসুং দোকান পুম্নমক চৎখিবা থাগী এপ্রিলগী ২৫ দগী হাংবা য়াগনি হায়না সরকারনা অয়াবা পিখি। অদুগা করোনাগী চৎনা কাংলোন ঙাক্না দোকান হাংবগী য়াথং পিবনি অদুবু লাক্লিবা মুসলিমগী ঈদগী মাংদা ঢাকা য়াওনা লৈবাক অসিগী ডিস্ট্রিক্ট পুম্নমক্কি শপিংমল, মার্কেট তা লৈবা লাক্পা মীনা থনখি। ক্রক-ক্রক ইন্ননা করোনাগী চৎনা কাঙলোন ঙাক্তনা য়ুম অমসুং শাগৈ-নাতৈগী মরি থোক্পা ময়ামগী ঈদকী অনৌবা ফিজোল লৈবগীদমক শাখ্রবা নুশা অমসুং কোরোনাগী অকিবা হুন্থোক্তুনা শোপিং তৌবা লাক্নখি।

মার্কেটতসু নৎতে ফুটপাত, ফুটওভার ব্রীজ অমসুং লম্বী লাখাংদা মীতিন হেনখি। প্রাইভেট কার অমসুং সিএনজি, রিক্সা তৌদুনা লাক্নবনা লম্বীদা ট্রাফিক জ্যাম ওইখি।ঈদকি শোপিং তৌবা লাক্পা ময়ামদা নুপী অঙাংনা য়ামখি। কোরোনানা মতম কুইনা বিজনেজ তৌবা ঙমখিদ্রবনা হৌজিক বাইয়ার য়ামখৎতুনা মী তিনবা হেনগৎপদা হরাও নুঙাইবা ফোংদোকখি মার্কেট অদুগি বিজনেজমেন ময়াম্না।

COMMENTS

WORDPRESS: 0
DISQUS: