বাংলাদেশতা ইন্টারনেশন্যাল মাডার ল্যাঙ্গুয়েজ ডে পালন তৌবগী পাউমণিপুরী স্কুল বিশগাঁওনা শহীদ মিনারদা শ্রদ্ধা কৎপা

Homeসংস্থানগি পাও

বাংলাদেশতা ইন্টারনেশন্যাল মাডার ল্যাঙ্গুয়েজ ডে পালন তৌবগী পাউ

ইন্টারনেশন্যাল মাদার ল্যাঙ্গুয়েজ ডে দা বিশগাঁও মণিপুরী স্কুলগী প্রভাত ফেরী সিলেট ওফিসঃ ঙরাং ফেব্রুয়ারি ২১, ইন্টারনেশন্যাল মাদার ল্যাঙ্গুয়েজ ডে পাংথোক

ইন্টারনেশন্যাল মাদার ল্যাঙ্গুয়েজ ডে দা বিশগাঁও মণিপুরী স্কুলগী প্রভাত ফেরী

সিলেট ওফিসঃ ঙরাং ফেব্রুয়ারি ২১, ইন্টারনেশন্যাল মাদার ল্যাঙ্গুয়েজ ডে পাংথোকপগী থৌরমদা বিশগাঁও মণিপুরী স্কুলনা শিবনগর গভট. প্রাইমারি স্কুলদা প্রভাত ফেরী চৎতুনা হৈকৎ লৈতৎ তৌখ্রে। প্রভাতফেরী অদুদা অয়ুক পুং ৮ তাবা মতমদা শিবনগর খুলদগী হৌরদুনা ‘ইচিল ইনাওগী ই-না ঙাংলবা কুনমাথোই ফেব্রুয়ারি কনানা কাওবা ঙম্মি’ ইশৈ অসে শক্লদুনা খোংগুপ উপতনা ‘প্রভাতফেরী’ তৌদুনা প্রাইমারি স্কুলদা লৈবা শহীদ মিনারদা হৈকৎ লৈকৎ কৎখি। ‘প্রভাতফেরী’ অমসুং হৈকৎ লৈকৎকী থৌরমদা শিবনগর প্রাইমারি স্কুলগী হেড ওজা সুফিয়া বেগম, বিশগাঁও মণিপুরী ক্লাবকী সেক্রেটারি সোরাইজম উৎপল, বিশগাঁও মনিপুরী স্কুলগী ওজা অমসুং ক্লাবগী লিটারেরি সেক্রেটারি অনিতা সোরাইজম, স্কুলগী স্টুডেন্ট খরগা লোয়ননা অতৈ মীওই ময়ামসু শরুক য়াখি।

বাংলাদেশ মণিপুরী ছাত্র সমিতি (বামছাস)

সিলেট ওফিসঃ ঙরাং ফেব্রুয়ারি ২১, বাংলাদেশতা সংস্থা কয়াগী মতৌগুম, ইন্টারনেশন্যাল মাদার ল্যাঙ্গুয়েজ ডে পাংথোকপগী পান্দমদা বাংলাদেশ মণিপুরী ছাত্র সমিতি (বামছাস) কী সেন্ট্রাল কমিটি অমসুং সিলেট ব্রাঞ্চ কমিটি অনিনা পুন্দুনা সিলেট কেন্দ্রীয় শহীদ মিনারদা প্রভাত ফেরী চৎতুনা হৈকৎ লৈতৎ তৌখ্রে। হৈকৎ লৈকৎ কৎপা মতুংদা শাপমলৈকাইদা (লালাদিঘীরপাড়া) অঙাং মহৈরোয় শিং মনুংদা আবৃত্তি, চিত্রাঙ্কন অমসুং কুইজ কম্পিটিউশন অমা পাঙথোকখি।

শহীদ মিনারদা বামছাস-না শ্রদ্ধা কৎপা

অরোইবদা কম্পিউটিশন অসিদা মায়পাক্লবা মহৈরোয়শিংবু মনা য়েনখি সিলেট সিটি কর্পোরেশনগী ১১ নং ওয়ার্ড কাউন্সিলর রকিবুল ইসলাম ঝলক অমসুং খুল অসিগী অহাল সোশ্যাল এক্টিভিস্ট চন্দ্রশেখর সিংহ বানা য়াওনা। সিলেট সেন্ট্রাল অমসুং সিলেট ব্রাঞ্চ কমিটি নৎত্তনা বাংলাদেশকী মফম কয়াদা লৈবা সংস্থা অসিগী ব্রাঞ্চ কমিটিগী লুচিংবা ময়ামনসু মফম মফমদুগি শহীদ মিনারদা হৈকৎ লৈকৎ কৎপগি থৌরম অমসুং অসম্বা ময়োংদা নৈনবা মীফম কায়াসু ফমখি।

COMMENTS

WORDPRESS: 0
DISQUS: