বাংলাদেশকী ৫০ শুবা নিংতম নুমিৎ

Homeএডিটরগি ডেস্ক

বাংলাদেশকী ৫০ শুবা নিংতম নুমিৎ

চুম্মি, ‘লিস্ট ডেভেলোপড কান্ট্রি’দগী ‘ডেভেলোপিং কান্ট্রি’গী থাক্তা কারে, মেগা প্রোজেক্ট কয়া মাই পাক্‌না পাংথোকপা ঙম্লে, সেটেলাইট থাগৎপা দেশ খরগী মনু

চুম্মি, ‘লিস্ট ডেভেলোপড কান্ট্রি’দগী ‘ডেভেলোপিং কান্ট্রি’গী থাক্তা কারে, মেগা প্রোজেক্ট কয়া মাই পাক্‌না পাংথোকপা ঙম্লে, সেটেলাইট থাগৎপা দেশ খরগী মনুংদসু মীং চল্লে, জিডিপি অমসুং ফোরেইন রিজার্ভকী চাংসু নোপত্রে হায়বা য়ারে, অসিগুম্বা তঙাইফদ্রবা মহৈ কয়াদি লোকপা ঙম্লে। অদুবু আইনগী শাসন, সেক্যুলারিটি, হিউম্যান রাইটসকী ফিভম, হায়ার এডুকেশন, সোস্যাল এডভান্সমেন্ট অসিগুম্বা মরু ওইবা মরম কয়াদদি ঙসিসু শোন্থদুনা লৈরি।

ঙসি মার্চ ২৬, ২০২১। বাংলাদেশকী ৫০ শুবা নিংতম নুমিৎনি। ১৯৭১ গী মার্চ ২৬ তা বঙ্গবন্ধু শেখ মুজিবুর রহমাননা নিংতম লাওথোক্লবা মখাদা থা মাপ্পনচুপ্না মতমদুগী নোংচুপ পাকিস্তানগা লান শোক্‌নরবা মখাদা, নিংতম লান্মিশিং অমদি মিচম কয়াগী ইখেং লান্থোক্তুনা নিংতমগী পন্থুংফম য়ৌখিবনি। ‘অসিনা ঐগী অরোইবা ৱাহৈ ওইবা য়াই। ঙসিদগী বাংলাদেশ নিংতম্লবনি।’ মসি বঙ্গবন্ধুনা নিংতম লাওথোকপদা ইরম্বা অহানবা পরেং অনিনি।

মালেম শিন্না চত্থরিবা করোনা লাইচৎগুম বাংলাদেশতসু চহী অমরোম শুরে করোনাগী অৱাবা থেংনরিবা অদুনা নিংতম নুমিৎকী অনুষ্ঠান পুম্নমক করোনাগী চৎনা কাংলোন ঙাকনা ওইগনি হায়না প্রধানমন্ত্রী শেখ হাসিনানা পীখিবা ৱারোলদা খংহনখি। মার্চ ১৭ দগী নুমিৎ তরানিগী রাষ্ট্রীয় অনুষ্ঠান হৌগতখ্রে। বঙ্গবন্ধুগী চহী চামা শুবা অমসুং ৫০ শুবা নিংতম নুমিৎকী অনুষ্ঠান য়াওবা ভারতকী প্রধানমন্ত্রী নরেন্দ্র মোদি ঙসি ঢাকাদা থুংলগনি। প্রধানমন্ত্রী শেখ হাসিনানা মহাকপু জাতীয় প্যারেড স্কোয়ারগী অনুষ্ঠানদা তরম্না ওকপগী ৱানি। অনুষ্ঠান অদুদা য়াওনবগীদমক শ্রীলঙ্কাগী প্রধানমন্ত্রী মাহিন্দ্রা রাজাপাক্ষে, মালদ্বীপকী প্রেসিডেন্ট ইব্রাহিম মোহাম্মদ সলিহ্‌, নেপালগী প্রেসিডেন্ট বিদ্যা দেবী ভান্ডারী অমসুং ভুটানগী প্রধানমন্ত্রী লোটে শেরিং ঢাকাদা লাক্তুনা লৈরে।

নিংতম্বা লম অমা শেম্বা অমদি অর্থনৈতিক মুক্তি হায়বদি ‘সোনার বাংলা’ অমা শাগতপগী মংদা চহী ৫০ মমাংদা মুক্তিযোদ্ধাশিংনা খুৎলাই পাইখত্তুনা নিংতম লান শোক্‌নখিবনি। অদুবু ঙসি চহী ৫০ মতুংদা, শাগতখিবা মংলান অদো কয়া য়াম্না পাংথোকপা ঙম্লে হায়বদো ৱাহং থাঙ্গতপা য়াই। চুম্মি, ‘লিস্ট ডেভেলোপড কান্ট্রি’দগী ‘ডেভেলোপিং কান্ট্রি’গী থাক্তা কারে, মেগা প্রোজেক্ট কয়া মাই পাক্‌না পাংথোকপা ঙম্লে, সেটেলাইট থাগৎপা দেশ খরগী মনুংদসু মীং চল্লে, জিডিপি অমসুং ফোরেইন রিজার্ভকী চাংসু নোপত্রে হায়বা য়ারে, অসিগুম্বা তঙাইফদ্রবা মহৈ কয়াদি লোকপা ঙম্লে। অদুবু আইনগী শাসন, সেক্যুলারিটি, হিউম্যান রাইটসকী ফিভম, হায়ার এডুকেশন, সোস্যাল এডভান্সমেন্ট অসিগুম্বা মরু ওইবা মরম কয়াদদি ঙসিসু শোন্থদুনা লৈরি। ঙসিসু শাল্লা, নাসিরনগর, রামুদা থোকখিবা নিংতম লানগী চেতনাগী মায়োক্তা লেপ্পা থৌদোক কয়া নিংতম্লবা বাংলাগী লৈপাক্তা অসুম থোকপা লোয়দ্রি। অদুনদি ‘সোনার বাংলা’ শাগৎপগী খোংজং চত্থবা ঙসিসু লেপ্পা য়াদ্রি, পন্থুংফম য়ৌদ্রিফাওবদি বাংলাদেশ, নংগী খোংচৎ তপথবা য়াদ্রি।

COMMENTS

WORDPRESS: 0
DISQUS: