বরাক মিউজিয়াম এন্ড লাইব্রেরী কাছাড়গী তরেৎশুবা মপোক কুমওন পাঙথোকখ্রে

Homeকমিউনিটি

বরাক মিউজিয়াম এন্ড লাইব্রেরী কাছাড়গী তরেৎশুবা মপোক কুমওন পাঙথোকখ্রে

মিরর ওনলাইন ডেস্কঃ বরাক মিউজিয়াম এন্ড লাইব্রেরীনা থা খরগী মনুংদা খুমাং চাওশিন্দুনা চঙশিল্লকপা উবদা থাগৎতবা ঙমদে হায়না আসাম বিধানসভাগী ডিপুটি স্পীকার অ

মিরর ওনলাইন ডেস্কঃ বরাক মিউজিয়াম এন্ড লাইব্রেরীনা থা খরগী মনুংদা খুমাং চাওশিন্দুনা চঙশিল্লকপা উবদা থাগৎতবা ঙমদে হায়না আসাম বিধানসভাগী ডিপুটি স্পীকার অসিনুল হক লস্করনা হায়খ্রে। মিউজিয়াম অসি লিংখৎখিবগী চহী তরেৎ শুবা মপোক কুমওন থৌরমদা চীফ গেস্ট ওইনা শরুক য়ারদুনা ডেপুটি স্পীকারনা হায়খি, আসাম লৈবাক্তা লন্নাই হোৎনদুনা অসিগুম্বা পুক্কৈ থল্লবা মিউজিয়াম অমত্তা থেংনদ্রি। মহাক্না মিউজিয়ামসি অতৈসু চাওখৎপদা মতেং ওইনবা লূপা লাখ অনী দান তৌবিরম্মী। থৌরম অদুদা বিজেপি মণিপুর স্টেটকী প্রোটোকল চেয়ারম্যান কে শরত কুমার শরতনা লুপা লিশিং কুন দান তৌরম্মী। থৌরমদা শরুক য়ারদুনা মণিপুরগী ভেটেরেন জার্নালিস্ট এন তোম্বীরাজনা মহাক্কী মপাবুং লৈখিদ্রবা পন্ডিত এন খেলচন্দ্রনা শীজিন্নরম্বা চৈশু (দিল্লীদা আব্দুল কালামনা খুদি থিখিবা) অমসুং ফিরোল খরা মিউজিয়মা দান তৌখি। মণিপুরগী অইবা রিসোর্স পার্সন মাখনমনি মোংশাবানা য়াম্না তাঙনা অসিগুম্বা মিউজিয়াম মপান মণিপুরদা মসিনা অহানবনি হায়না শীংথাখি।
থৌরম অদুদা পদ্মশ্রী ওজা থানিল সিংহ, আসাম ইউনিভার্সিটি ওজা অলোক ত্রিপাঠি, প্রো: রাজেন্দ্র, মনীন্দ্র কোনসম, এনজি মধুচন্দ্র, এন মোমোচা সিংহসু শরুক য়াখি। অয়ুক্তা হাওরোংবম অমরেন্দ্রনা ফিরাল চিংখৎখিবা মতুং থৌরমগা মরী লৈননা মিউজিয়াম অসি য়োকখৎপদা মতেং পাংবিখিবা লৈখিদ্রবা ডোনারশিংগী মফমদা হৈকৎ লৈকৎ তম্বগা লোয়ননা এক্সিবিউশন অমসু উৎখি। মখাতাবা থৌরমদা লাইপুবম উপেন্দ্র শর্ম্মানা মোডারেটর ওইরগা রিসোর্স পার্সন শক্নাইরবা মাখনমনি মোংশাবা, ড. বেলারানী, ড. এন.ডি হোদাম্বা, জি. বিসেশ্বর শর্ম্মা অমসুং য়ুম্নাম ভুমেশ্বরনা পেপার পাথোকখি। অরোইবদা বরাক তম্বাক্কী অঙাং কলাকারশিংনা নাৎকী ওইবা পুং-ঈশৈ জগোই অমসুং মণিপুরগী আর্টিস্ট কয়ানা ঈশৈ নোংমাইগী থৌরম অমসু চীংলেম্না পাঙথোকখি হায়রি।

সোর্সঃ মরূপ।

 

COMMENTS

WORDPRESS: 0
DISQUS: