ফেষ্টিবেল অব ডান্স এন্ড মিউজিক নট সঙ্কীর্ত্তন হৌদোকখ্রে

Homeস্ক্রলবার

ফেষ্টিবেল অব ডান্স এন্ড মিউজিক নট সঙ্কীর্ত্তন হৌদোকখ্রে

ইম্ফাল, সেপ্টেম্বর ২৮ : জহরলাল নেহেরু মণিপুর ডান্স একাডেমি ইম্ফালনা শিন্দুনা নুমিৎ হুম্নি চত্থগদবা ফেষ্টিবেল অব ডান্স এন্ড মিউজিক নট সঙ্কীর্ত্তন ঙসি

ইম্ফাল, সেপ্টেম্বর ২৮ : জহরলাল নেহেরু মণিপুর ডান্স একাডেমি ইম্ফালনা শিন্দুনা নুমিৎ হুম্নি চত্থগদবা ফেষ্টিবেল অব ডান্স এন্ড মিউজিক নট সঙ্কীর্ত্তন ঙসিদগী জেএনএমডিএগী মান্ডপ্তা হৌদোকখ্রে। ফেষ্টিবেল হৌদোকপগী থৌরম অদুদা এগ্রিকালচার, ভেটরিনারি এন্ড এনিমেল হজবেন্ডরি এন্ড টুরিজমগী মিনিষ্টার ওইনা লুখোইনা চীফ গেষ্ট, ফোর্মার ডাইরেক্টর জেএনএমডিএ ইম্ফালগী নেশনেল এৱার্দি দিলিপ ময়েংবম, জেনএমডিএ ইম্ফালগী রিটেয়ার্ড প্রধান গুরু পদ্মশ্রী এস থানিল অমসুং জেএনএমদিএ ইম্ফালগী ডাইরেক্টর ইন চার্জ পি. বিলাশনা গেষ্ট অব অনার অমদি প্রেসিডেন্ট ওইনা শরুক য়াখি।
চীফ গেষ্ট ওইখিবা এগ্রিকালচার, ভেটরিনারি এন্ড এনিমেল হজবেন্দ্রি এন্ড টুরিজমগী মিনিষ্টার ও লুখোইনা হায়, জহরলাল নেহেরু মণিপুর ডান্স একাডেমি ইম্ফালনা শীন্দুনা নুমিৎ হুম্নিগী ওইবা ফেষ্টিবেল অব ডান্স এন্ড মিউজিক নট সঙ্কীর্ত্তনগী ফেষ্টিবেল পাঙথোকপসি য়াম্না অফবা খোঙথাং অমনি। ইন্দিয়াদসু কোভিদ ১৯ লাইচৎ অসি হন্থরকপদগী হৌজিক থৌরম কয়া পাঙথোক্নবা য়ারকপসি য়াম্না ফরে।
মিনিষ্টারনা মখা তানা হায়, মণিপুরগী ওইবা নাৎ চৎনবী জগোয় ঈশৈ নট সঙ্কীর্ত্তনশিং অসিনা মালেমগী মীয়ামদা শক তাক্লিবনি। ঐখোয়গী কালচার অসি ইশা ইশানা ঙাক্ত্রগদি কনানসু ঙাকপা ঙম্লোই। ইপা ইপুশিংনা চৎলম্বা লিক্লমশিং অসি ঐখোয়না ঙাক্ত্রবদি অতোপ্পনা ঙাক্নবা য়াবা নত্তে। মীতৈ অমা ওইবসি ইপা ইপুশিংনা চৎনরম্বা ফিজেৎ চাকচাশিং অদুনা মশক তাক্লিবনি।
ইপা ইপুশিংনা থম্বীরম্লবা মমল য়াম্লবা নট সঙ্কীর্ত্তন আমদি জগোয় ঈশৈ অসি তুংগী মীরোল লোয়ননা হৌজিক লৈরিবা মীরোলনা নিংথিনা ঙাক্না থমসি। অহল লমনশিংনা তাকপীরম্বা কয়াশিং অদু পুক্কৈ অমা ওইনা থমসি। ঐখোয়গী ফিজেৎ চাকচেৎনসু মণিপুরগী মীতৈ অমনি হায়নসু মশক তাক্লিবনি।
মণিপুর গভর্ণমেন্টগী মায়কৈদগীসু মণিপুরগী নাৎ চৎনবী জগোয় ঈশৈ নট সঙ্কীর্ত্তন চাওখৎহন্নবা অঙম্বা মতেং তৌদুনা য়োকখৎনবা হোৎনগনি। মণিপুরগী হৌরক্লিবা নহাশিংগী য়াইফনবা থবক থৌরম কয়া অমা গভর্ণমেন্ট অসিনা পায়খৎলক্লি। মণিপুরদা নহা ওইরিবা মীওই কয়া অমা মতিং মথৌনা লৈবা মীংচৎ ফুরকপা মীওই কয়া অমা লৈরকপা হায়বসি ঐখোয় পুম্নমক্কী চাওথোকচনিংঙাইনি হায়না ফোঙদোকখি।
ফেষ্টিবেলগী অহৌবা নুমিৎতা জেএনএমডিএ ইম্ফালগী ষ্টুডেন্টশিংগী নট সঙ্কীর্ত্তন (ঈশৈ), খুরাই থাংজম লৈকাইগী প্রাচ্য নট সঙ্কীর্ত্তন সমাজগী নট সঙ্কীর্ত্তন মীয়ামদা উৎখি। নীনী চনবা নুমিৎতা নম্বোল ফোইজিংগী পাব্লিক ঠিয়েটার আটির্ষ্ট এসোসিয়েশনগী নট সঙ্কীর্ত্তন, মোইরাং থোইয়া লৈকাই ইন্দ্রকলা ভবনগী নট সঙ্কীর্ত্তন লোয়ননা অরোইবা নুমিৎতা য়াইস্কুল জনমস্থানগীদ নট সঙ্কীর্ত্তন অমদি ক্বাকৈথৈল ঙানপ্পী থোংগী গুরু গোলাপী নট সঙ্কীর্ত্তন একাডেমিগী নট সঙ্কীর্ত্তন মীয়ামদা উৎকদৌরি।
সোর্স: সঙাই এক্সপ্রেস

COMMENTS

WORDPRESS: 0
DISQUS: