ফিল্ম ফোরাম মণিপুরদগী অয়াবা লৌগদবনি: চেয়ারমেন

Homeস্ক্রলবার

ফিল্ম ফোরাম মণিপুরদগী অয়াবা লৌগদবনি: চেয়ারমেন

ইম্ফাল, আগস্ট ১৯ : মপানগী ফিল্ম কোম্পানি অমসুং প্রডিউসারশিংনা করিগুম্বা মণিপুরগী শান্নরোয় নৎত্রগা জগোয়-ঈশৈ অমসুং অতৈ লম কয়াগী শক্নাইরবশিংগী পুন্সি ৱার

ইম্ফাল, আগস্ট ১৯ : মপানগী ফিল্ম কোম্পানি অমসুং প্রডিউসারশিংনা করিগুম্বা মণিপুরগী শান্নরোয় নৎত্রগা জগোয়-ঈশৈ অমসুং অতৈ লম কয়াগী শক্নাইরবশিংগী পুন্সি ৱারী য়ূম্ফম ওইবা বাইওপিক ফিল্মনচিংবা নমদুনা পুত্থোকপদা ফিল্ম ফোরাম মণিপুরগা হান্না তানদুনা অয়াবা লৌগদবনি হায়না ফোঙদোরক্লি।
ফিল্ম ফোরাম মণিপুরগী চেয়ারমেনগী চেরোল অসিনা হায়, লমদম অসিগী চৎনবী অমসুং কালচারবু মপান লমগী মীশিংনা নিংথিনা খঙবা নত্তে। মসিনা মরম ওইরগা লমদম অসিগী শক্নাইরবা মীশক অমগী বাইওপিক নম্লকপা মতমদা লমদম অসিগী নাৎ অমসুং কালচারবু লান্না উহল্লকপা য়াবা লৈবা মরম্না মপানগী ফিল্ম কোম্পানি অমসুং প্রডিউসারশিংনা লমদম অসিগী শক্নাইরবা অমগী বাইওপিক নম্বা তারবসু ফিল্ম ফোরমদা তানরমগদবনি। হায়রিবা ৱাফম অসি ফিল্ম ফোরাম মণিপুরগী এক্সিকিউটিবনা হান্নদগী লেপ্লগা লৈরবা ৱারেপ অমখক্নি।
নাকল অমরোমদা, সেউতি ফিল্মস প্রোডাক্সননা নৌনা পুত্থোক্কদবা মণিপুরগী অহানবা বাইওপিক ফিল্ম ‘মিরাবাই চনু’ ফোরাম অসিগী চৎন-কাঙলোন ঙাক্না ঙসি রেজিষ্টার তৌখ্রে। হন্দক পাঙথোকখিবা টোকিও অলিম্পিক্স-২০২০দা সিলভার মেডেল লৌরকখ্রবী সাইখোম মিরাবাই চনুগী পুন্সি ৱারীদা য়ূম্ফম ওইদুনা পুত্থোক্কদবা মণিপুরগী অহানবা বাইওপিক ফিল্ম অসিগী ডিরেক্টরনা ও সি মৈরানি। ফিল্ম অসিগী ডাইলোগ অমসুং স্ক্রিনপ্লেনা মনাওবী এম এমনি। ফিল্ম অসি পুত্থোক্নবা হোৎনবদা ফিল্ম ফোরাম মণিপুরগী মায়কৈদগী অঙম্বা মতেঙ পাংগনি হায়রি।
সোর্স: পোক্নফম

COMMENTS

WORDPRESS: 0
DISQUS: