ফিল্ম ডিরেক্ট হোমেন ডি ৱাই লৈখিদবদা ফিল্ম ফোরাম ত্রিপুরানা অৱাবা ফোঙখ্রে

Homeসংস্কৃতি

ফিল্ম ডিরেক্ট হোমেন ডি ৱাই লৈখিদবদা ফিল্ম ফোরাম ত্রিপুরানা অৱাবা ফোঙখ্রে

আগরতলা, ১৫ জুলাই : মণিপুরী সিনেমাগী লমদা থোইদোক হেন্দোক্না মশক খঙলবা শক্নাইরবা ফিল্ম ডিরেক্টর হোমেন ডি ৱাইনা মনুং মতম চাদনা লৈখিদবদা মণিপুর অমসুং মণিপ

আগরতলা, ১৫ জুলাই : মণিপুরী সিনেমাগী লমদা থোইদোক হেন্দোক্না মশক খঙলবা শক্নাইরবা ফিল্ম ডিরেক্টর হোমেন ডি ৱাইনা মনুং মতম চাদনা লৈখিদবদা মণিপুর অমসুং মণিপুর মপানগী লুপ কয়ানা অৱাবা ফোঙদোক্নরক্লি। মহাক্না লৈখিদবদা মণিপুরী ফিল্ম ফোরাম ত্রিপুরাগী প্রেসিডেন্ট ক্ষেত্রিময়ুম মাধবী সিংহনা থমোয় শোক্না অৱাবা ফোঙলদুনা তখেনগীসু অচৌবা মাঙজবা অমা ওইখ্রে হায়না পনখি। মশাগী অকনবা লায়না অমনা চৎখিবা জুলাই ১০, ইম্ফাল সিজা হোসপিটালদা পুন্সিগী অরোইবা য়াহিপ তানখিবনি। চহী ৫২ শুখ্রবা লৈখিদ্রবা মহাক্না লোইনবী অমসুং মচানুপী অমা য়াওনা মরী মতা কয়াসু থম্বীরম্মী। পনবা য়াবদি হোমেন ডি ৱাইগী অপোকপা পারী পুরীশিং ত্রিপুরাদগী (গোলাঘাটি) হৌরকপনি। মহাক্কী অপোকপগী মমিং ৱাইখোম ওংবী নুংশি কৌই। হোমেন ডি ৱাইনা ডিরেকশন পীবা ‘গোবিন্দজীগী শরীক মখোল’ অমসুং ‘কিয়াম লীকফাং’ গী ফিল্ম শুটিংদা ত্রিপুরাদা কয়ারক লাক্লমখ্রে। ত্রিপুরা ষ্টেট মিউজিয়ামদা লৈবা মৈতৈগী অরিবা লীক মখল অমা ‘কিয়াম লিকফাং’গী মথক্তা বেস তৌরগা মহাক্না ডিরেকশন তৌদুনা ত্রিপুরাদা শুটিং তৌবগী থৌরাং য়াৎথোক্লম্মী। ৱাফম অসি ইন্টারভিউ অমদসু ফোঙদোকপীরমখি। মহাক্না হিংলিঙৈদা খুদোল তম্বীরম্বা ফিল্মশিংগী মনুংদা ‘য়াইস্কুলগী পাখং অঙাওবা’ ‘ডাক্তর য়াইমা’ ডাঃ হেমোগী হেলোই’ ‘মিত্রং কৈথেল’ ‘ভি.ডি.এফ থাসনা’ ‘ঐগী থমোয় পীখ্রে’ ‘কেকু লোৎপী’ ‘কুন্দোরৈ’ ‘নিংথা’ ‘লীক্লম’ নচিংবা পনবা য়াই।

COMMENTS

WORDPRESS: 0
DISQUS: