প্রোফেসর সদানন্দনা লৈখিদবদা অৱাবা ফোংদোকখ্রে

Homeস্ক্রলবার

প্রোফেসর সদানন্দনা লৈখিদবদা অৱাবা ফোংদোকখ্রে

ইম্ফাল, জুলাই ২৬ : অল ইন্দিয়া পিছ এন্ড সোলিদারিটি অর্গানাইজেশন (এপসো) গী শিংজমৈ চিংঙা মথক্তা লৈবা অফিসতা এপসো অমদি সিনিয়র সিটিজেন মণিপুরগী অপুনবা মিফম

ইম্ফাল, জুলাই ২৬ : অল ইন্দিয়া পিছ এন্ড সোলিদারিটি অর্গানাইজেশন (এপসো) গী শিংজমৈ চিংঙা মথক্তা লৈবা অফিসতা এপসো অমদি সিনিয়র সিটিজেন মণিপুরগী অপুনবা মিফম অমা পাঙথোক্তুনা লুপ অনি অসিগী জেনারেল সেক্রেটারিগী থৌ মতম শাংনা পুরম্বা প্রোফেসর লাইশ্রম সদানন্দনা লৈখিদবদা অৱাবা ফোংদোকখ্রে।
প্রোফেসর সদানন্দ মশাগী চহি ৮৯ শুবদা মহাক্কী ময়ুম শিংজমৈ চিংঙা মথক্তা ঙরাং লৈখিদবনি। মহাক্না মণিপুরগী অপুনবা ঙাক্নবা তংদু লৈতাদবা লমদম অমা ওইনা অহিংশাগী আন্দোলন চংশিন্দুনা মীয়ামগী ফংফম থোকপা হকশিং ফংনবা অমসুং শান্তিগী থৌমিনি হায়না ঙসিগী অৱাবা ফোংবগী থৌরম অদুদা ফোংদোক্নখি।
প্রোফেসর সদানন্দ মণিপুরী সাহিত্যগীসু অচংবা থৌমি অমা ওইবগা লোয়ননা মণিপুরী সাহিত্য পরিষদকীসু মেম্বার মতম শাংনা ওইরম্মি। মহাক্না লৈখিদবা অসি মণিপুরগী শান্তি অমসুং অহিংশাবু চেৎনা থাজজবা খ্বাই মীয়ামগী অচৌবা মাংজবা অমনি। মহাক্না লৈখিদবা অসিদা লুপ অনি অসিগী অফিস বিয়ারারশিংনা মিনিট অনি তুমিন্না লেপ্তুনা অৱাবা ফোংদোকখি।
অৱাবা ফোংদোকপগী মিফম অদুদা হান্নগী মিনিষ্টার ডোক্টর এম নরা, মণিপুর হিউমেন রাইট কমিশনগী এক্টিং চেয়ারমেন খাইদেম মণি, রিটেয়ার্ড সাইন্টিষ্ট এ চাওবা শর্ম্মানা প্রেসিডিয়াম মেম্বারশিং ওইখি। মিফম অদুনা লৈখিদ্রবা প্রোফেসর সদানন্দগী ইমুং মনুংগী অৱআবদসু শরুক য়াখি হায়রি। লৈখিদ্রবা প্রোফেসর সদানন্দ কুমজা ১৯৪১গী জুলাইগী চৈচৎ ১৯ দা শিংজমৈ মথক চোংথাম লৈকাইদা তাইবঙ খোংদারকখি। মহাক মণিপুর কোলেজতা মতম শাংনা ওজা ওইরমখি। তুংদা কোলেজ অসিগী প্রিন্সিপাল ওইবা মতুং পোত্থাখি। মহাক্না হিংলিঙৈদা তোঙান তোঙানবা লুপ কয়াগী লুচিংবা ওইরমখি।
সোর্স: পান্দম

COMMENTS

WORDPRESS: 0
DISQUS: