প্রিন্ট অমদি ইলেক্ট্রোনিক মিডিয়াগী অখন্নবা মীৎয়েং চঙবিয়ুঃ য়ু এফ এম

Homeকমিউনিটি

প্রিন্ট অমদি ইলেক্ট্রোনিক মিডিয়াগী অখন্নবা মীৎয়েং চঙবিয়ুঃ য়ু এফ এম

ইম্ফাল। ৩০লক শুবা ৱার্ল্ড প্রেস ফ্রিদমগী নুমীৎনা লাকপদা মালেমদা লৈরিবা অমদি লৈখিদ্রবা প্রিন্ট অমদি ইলেক্ট্রোনিক মিডিয়াগী মীওইশিংদা ইকায়খুম্নবা উৎপগা ল

ইম্ফাল। ৩০লক শুবা ৱার্ল্ড প্রেস ফ্রিদমগী নুমীৎনা লাকপদা মালেমদা লৈরিবা অমদি লৈখিদ্রবা প্রিন্ট অমদি ইলেক্ট্রোনিক মিডিয়াগী মীওইশিংদা ইকায়খুম্নবা উৎপগা লোয়ননা য়াইফ পাউজেল পীজরি। লোয়ননা মণিপুরদা লৈরিবা প্রিন্ট অমদি ইলেক্ট্রোনিক মিডিয়াগী পাউমীশিংগীদমক লৈঙাক্না অখন্নবা মীৎয়েং চঙবিয়ু হায়না য়ুনাইটেদ ফ্রন্ট মণিপুর (য়ু এফ এম) অমসুং মণিপুর পিপলস্ ডেমোক্রেটিক ফ্রন্ট চেয়ারমেন সাপম শামুঙৌনা থাদোরকপা চেরোল অমনা ফোঙদোকরকখি।

চেরোল অদুনা মখা তানা হায়, মণিপুরগী পুৱারীদা লৈহৌরগদবা কুমজা ১৯৩৩দা মণিপুর স্টেট দরবারনা অয়াবা পীদুনা গোকুলচান্দনা ফোঙখিবা দৈনিক মণিপুর পত্রিকাগী মফমদসু ইকায়খুম্নবা উৎচরি। ৩০লক শুবা ৱার্ল্ড প্রেস ফ্রিদমনা লাকপদা চাওখৎলবা মালেমগী লৈবাকশিংদা পীরিবা ফ্রিদম অদুগা ডেভেলপিং কান্ট্রিশিংগী মনুংদা লৈরিবা ইন্দিয়াগী স্টেট অমা ওইরিবা মণিপুরগী প্রিন্ট অমদি ইলেক্ট্রোনিক মিডিয়াদা য়েংলিবা মীৎয়েং ঙসিগী ২১শুবা চহীচা অসিদদি য়াম্না নীংবা কাইনিংঙাইগী মশকনি হায়না য়ুএফনা লৌই।

ঙসি মণিপুরদা লৈরিবা প্রজা খুদিংমক প্রিন্ট অমদি ইলেক্ট্রোনিক মিডিয়াগী কৎথোকপা, লৈরিবা প্রেসার খুদিংমক থেংনবা মথৌ তারে। করিগুম্বা মখল অমত্তদা সীএসও অমদি অতৈ অর্গানাইজেশনশিংনা প্রিন্ট অমদি ইলেক্ট্রোনিক মিডিয়াদা অয়েৎ-অপন অমত্তা পীদ্রবা মতম অদুদা মণিপুরনা চাওখৎপা লমজেলদা মাঙজিল থাগনি হায়বসি য়ুএফএমনা থাজৈ। মণিপুর লৈঙাক্নসু প্রিন্ট অমদি ইলেক্ট্রোনিক মিডিয়াগী রিপোর্টারশিংগী অখন্নবা থৌরাং-থৌশিল পায়খৎপীয়ু।

পাউমীশিংগী ওইনা থাগী ওনেরিয়াম ওইনা লুপা লিশিং ৫/৫ পীবিয়ু, মখোয়গী মচাশিং ফ্রিদা লাইরিক তমহনবিয়ু; নারকপা মতমদ ফ্রিদা লাইয়েংবিয়ু, অশোক-অপন য়াওরকপদা মতিক চানা কম্পেনসেসন পীবিয়ু অমদি মথৌ তৌরিঙৈদা শিবা য়াওরবদি লুপা লাখ ১০ পীবিয়ু। হায়রিবা ৱাফমশিং অসি য়ুএফএমগী অপাম্বনি অমদি পাউজেলনি হায়না চেরোল অদুনা মখা তানা ফোঙদোরকখি।

সোর্সঃ হুইয়েন লানপাউ।

COMMENTS

WORDPRESS: 0
DISQUS: