পোৎলোইগী লৈফম থোকপা ময়েকশিং মাঙশিল্লক্লে

Homeৱাখল্লোন

পোৎলোইগী লৈফম থোকপা ময়েকশিং মাঙশিল্লক্লে

রবি তখেল্লম্বম লৈবাক অসিগী খাইদগী ৱাংবা এৱার্ড পীরগনি হায়না মশু নুপীনা পাউ তম্লকপদা ইমা রাধে অসুক্কী মতিক হরাওখি। মিৎতগী পী তাখি অমদি তুম্বা য়াখি

রবি তখেল্লম্বম

লৈবাক অসিগী খাইদগী ৱাংবা এৱার্ড পীরগনি হায়না মশু নুপীনা পাউ তম্লকপদা ইমা রাধে অসুক্কী মতিক হরাওখি। মিৎতগী পী তাখি অমদি তুম্বা য়াখিদে। নোংঙাল্লকপদা মহাক্কী মীৎতা মহাকপু পোৎলোই শেৎপা অমদি শেম্বা শাবগী তম্বীরকখিবা ওজা অনী অদুতবু উদুনতা লৈখি। মহাক্না পোৎলোই শেৎপা অমদি শেম শাবগী লমদা খোঙ থাংজিল্লকপা মতমদা মহাকপু তাকপীরকখিবা অহানবা ওজাদি মহাক্কী মচে থোকপী লৈখিদ্রবী ৱাংজিংদগী থৌনাওজম নিঙোল লোংজম ওংবী প্রিয়সখী দেবীনি। ওজা অসিগী মখাদা চহী অহুম রোম পোৎলোই শেৎপা য়াওরম্লবা মতুং অনীশুবা ওজা ওইনা শগোলবন্দগী লৈখিদ্রবা ওজা ফুরাইলাৎপম ইবোতোন সিংহগী মখাদা পোৎলোই শেম শাবনচিংবা তম্লকখি।

ণিপুর লমদম অসিগা কৈদৌনুংদা থাদোক্নবা য়াররোইদবা পোৎলোই শেৎপা, শেম্বা শাবগী থবক অসিদা হাংদোকপা য়াররোইদবা মখল মথেল মমিং কয়ামরুম লৈখ্রে। অদুবু ঙসিদি চাউখৎলকপা হায়গদ্রা লাইগুরু হাক্তদগী থম্বীরম্বা পোৎলোই অমগী লৈফম থোকপা ময়েকশিংদি অমত্তা য়াওদ্রে হায়রদুনা পোৎলোই অমা শেম্বা শাবগী তৌফদ্রবশিং পুম্নমক কান্থোক্তুনা হৌজিক্তি মানা মানা তৌনিংবশিং পংতৌদা তৌনরে। মসি তৌহন্নিংদে। ডেকোরেশনগী পোৎলোইনা ফম্লাল ফম্বা হায়বসি য়াম্না তৌহৈদবা থবক্নি হায়না লৈবাক অসিগী খাইদগী ৱাংবা সিভিলিয়ান এৱার্ড অমা ওইরিবা ‘পদ্মশ্রী’ এৱার্ড পীনবা লাওথোকপদা য়াওরক্লবী ইমা হঞ্জবম ওংবী রাধে দেবীনা পাউচে অসিদা ফোঙদোরক্লি। ইমা কোংব্রাইলাৎপম নিঙোল হঞ্জবম ওংবী রাধে দেবী হৌজিক মশাগী চহী ৮৮ শুরে। মহাক্কী মপুরোইবা লৈখিদ্রবা হঞ্জবম মনি কৌই। থৌবাল ডিস্ট্রিক্টকী ৱাংজিং সোরোকখাইবম লৈকাইদগীনি। মহাক্কী মচা নুপী অনী, নুপা অহুম অদুবু মচা নুপা অমসু লৈখিদ্রে।

ইমা রাধে দেবীনা হায়, ঙসিদগী চহী ৭০ রোমগী মমাঙদা পোৎলোই অমা শেম্বদা মাগী মাগী মখলগী মতুং ইন্না লুপা ৩০, ৪০ অমসুং ৫০ ফাওবা চঙই। অদুবু হৌজিক্তি পোৎলোই অমদা লুপা লিশিং কুনথ্রা রোমদা চঙই হায়দুনা হৌজিক ইনৌ নৌনা ট্রান্সজেন্দরশিং অমদি তোঙান তোঙানবা মীওইশিংনা শেৎলিবা, শেম শারিবা পোৎলোইশিং অসিদি মীৎকী ফজনবা শেম্বা লৈতৈংগী ঙাক্তা ওইনা তৌরে। পোৎ অমগী লৈফম থোকপা ময়েকশিংদি অমত্তা য়াওদ্রে। লাই গুরুশিংনা থম্বীরম্লবা কায়বা য়াদ্রবা পোৎকী ময়েকশিংসি অরাইবা অমত্তা নত্তে। লুহোংফম মখাদা য়েক্লিবশিংদু অরাইবা নত্তে। মদুগী মথক্তা ফমগদৌরিবনি। মদুনা ডেকোরেশনগী ফজবা শেম্বা পোৎলোই শেমগৎলগা ফম্বা হায়বসি তৌহৈদে। ইপা ইপুশিংদুনা থম্বীরম্বা ময়েকশিং মাঙহনগুমসি। ঐনা ঐনা তৌনিংবা মওংদা তৌরকপা তারবদি পুম্নমকসি লোয়না মরাই চাইথরক্কনি। মসি থোক্তনবা ঐখোয়না ঙাক্না চৎমীন্নসি হায়খি।

লৈবাক অসিগী খাইদগী ৱাংবা এৱার্ড পীরগনি হায়না মশু নুপীনা পাউ তম্লকপদা ইমা রাধে অসুক্কী মতিক হরাওখি। মিৎতগী পী তাখি অমদি তুম্বা য়াখিদে। নোংঙাল্লকপদা মহাক্কী মীৎতা মহাকপু পোৎলোই শেৎপা অমদি শেম্বা শাবগী তম্বীরকখিবা ওজা অনী অদুতবু উদুনতা লৈখি। মহাক্না পোৎলোই শেৎপা অমদি শেম শাবগী লমদা খোঙ থাংজিল্লকপা মতমদা মহাকপু তাকপীরকখিবা অহানবা ওজাদি মহাক্কী মচে থোকপী লৈখিদ্রবী ৱাংজিংদগী থৌনাওজম নিঙোল লোংজম ওংবী প্রিয়সখী দেবীনি। ওজা অসিগী মখাদা চহী অহুম রোম পোৎলোই শেৎপা য়াওরম্লবা মতুং অনীশুবা ওজা ওইনা শগোলবন্দগী লৈখিদ্রবা ওজা ফুরাইলাৎপম ইবোতোন সিংহগী মখাদা পোৎলোই শেম শাবনচিংবা তম্লকখি।

ইমা রাধে য়াম্না ঙন্না যুম পাল্লকখি অমদি চহী ২৮ শুরকপা মতমদা অঙাং অহুমগী মমা ওইবগা লোয়ননা য়াম্না ৱানা হৌরকখি। মচাশিং অমসুং ইমুং মনুংগী অৱাৎপশিং মেনখৎপা ঙম্লবা লুকমাই পান্দুনা কৈথেলদা পোৎ য়োল্লকখি। অদুমকপু মহাক্কী মচে থোকপা প্রিয়সখীনা পোৎলোই শেৎপা য়াওনবা হায়রকপদগী লুকমাই পান্দুনা পোৎ য়োন্না য়োন্না পোৎলোই শেৎপগী থবকসি হৌরকখি। মহাক্কী মচা নুপী অমা মতমদুগী ষণ শেনবা ড্রামাদা কৃষ্ণ শাখি। মতম অদুদা লমদম অসিদা পোৎলোই শেৎপী লৈরমদে। মরম অদুনা পোৎলোই শেৎপগী পোৎ খুদিংমক পোৎলোই শেৎপিবগা লোয়ননা মহাক্কী ওজানা পুবিরক্তুনা শেৎখি। মখোয়না তৌরিববশিং অদু য়েংলগা ইমা রাধেনা মহাক্কী মচা নুপীগী ষণ শেনবা হায়বা ড্রামাদা অহানবা পোৎলোই শেৎপগী খোঙথাং অদু ওইরকখি। মচা নুপীদা শেৎপীরবা ফিজেৎশিং অদু উবদা ফজমনখ্রদুনা হিরম অসিদা মায় পাক্না চঙশিনবা ঙম্বা ওইজরো হায়না ওজা ইবোতোননা বর পীবিখি। মহাক্না পোৎলোই শেৎপা চঙলিঙৈ মতমদগী ওজাশিংনা পীবিরকপা পৈসাশিং অদুদগী খরা খরা তুংশিল্লকপা পৈসানা পোৎলোইগী ফিশিং খজিক খজিক লৈশিন্দুনা মশাগী চহী কুনথ্রা রোম শুরকপদগী মশানা মরোমদোম পোৎলোই শেৎপা চৎপা হৌরক্তুনা ঙসি ফাওবা হোৎনদুনা লাকপনা ঙসিদি পোৎলোই শেৎপা অমদি শেম শাবগী লমদা তাকপী তমবীদুনা মহাক্কী মহৈরোই কয়ারমসু পুথোকখ্রে হায়রি।

পোৎলোই শেৎপা, শেম শাবগী থবক অসি য়াম্না পামজবগী অমদি ঐখোয়গী চৎনবী অসি মাঙদনবা হোৎনগনি। মসিদগী ফংলকপা পৈসানা ইমুং পুবা ঙম্বা নত্তে। পোৎলোইগী থবক অসিদি মতম নাইবা থবকনি। লুকমাই পান্দুনা পোৎ য়োনবা অদুনা ইমুং পুনবা হোৎনবনি হায়রদুনা লাইধি শাদুনা অমদি লাই হরাওবা, জগোই নচিংবা চোৎচৈশিং শাদুনা য়োল্লি হায়খি।

ইমা রাধে দেবী লৈবাক্কী থবক থৌরম কয়াদসু মাঙজিল থাদুনা থবক তৌরকখি। ৱাংজিংদা থৌবাল ডিস্ট্রক্ট অমদি স্টেটকী থাক্তা মৈরা পায়বী নুপী লুপশিংগী মাঙজিল থাদুনা থবক কয়ামরোমসু য়াওরকখি। অদুবু মতমনদি অসুম অসুম তেনশিল্লকপনা মীয়ামগী অমদি লৈবাককী তৌনিংবা থবকশিং তৌবা ঙম্লরোইদ্রা হায়বগী মিপাইবসু ইমা রাধে দেবীগী থম্মোয়দা লৈহৌরি।

 

 

COMMENTS

WORDPRESS: 0
DISQUS: