পূম্নমক্না স্পোর্টসতা চঙনিংলিবী নুপীমচাশিংবু শৌগৎপীয়ু: মিরাবাই

Homeস্ক্রলবার

পূম্নমক্না স্পোর্টসতা চঙনিংলিবী নুপীমচাশিংবু শৌগৎপীয়ু: মিরাবাই

পাটিয়ালা, আগস্ট ২৫ : ঙসি য়ূমশকৈশা নুমিৎতা টোকিও অলিম্পিক্স সিলভার মেডেলিষ্ট ওয়েটলিফটার সাইখোম মিরাবাই চনুনা স্পোর্টসকী লমদা চঙনিংলিবী নুপীমচাশিংবু মীপ

পাটিয়ালা, আগস্ট ২৫ : ঙসি য়ূমশকৈশা নুমিৎতা টোকিও অলিম্পিক্স সিলভার মেডেলিষ্ট ওয়েটলিফটার সাইখোম মিরাবাই চনুনা স্পোর্টসকী লমদা চঙনিংলিবী নুপীমচাশিংবু মীপুম খুদীংমক্না শৌগৎপীয়ু হায়না ফোঙদোকখ্রে। মিরাবাই চনুনা হায়, ঐনা শান্নবা হৌরকপা মতমদা ইশাগী চহী ১৪ খক্তমক শুখি, ঐহাক্না খুদোংচাদবা ফীবম কয়া মায়োক্নবা তাখি। অঙনবা মতমদ ফেসিলিটিশিং য়াম্না হেন্ন লৈরম্বা নত্তে অমসুং ঐগী ইমুং মনুংদা খুদোংচাদবা ফীবম কয়া মায়োক্নবা মথৌ তাখি। ঐনা খাংবা কন্না ফীবমশিং মায়োক্নবা তাখি, অদুবু ঐগী ইমুং মনুংনা ঐগী ট্রেনিংগী মতমদা ঐবু মপূং ফানা শৌগৎপীখি। ঐগী মঙলান্দা তুংইন্ননা চৎনবা হোৎনবদা ঐগী ইমা ইপানা মতম পূম্নমক্তা পূক্নিং থৌগৎপীখি। ঐহাক্না মখোয়গী মঙফাওনবা ঙমহনখিবদা ঐহাক নুঙাই। ঐনা গভর্ণমেন্টতগী মতেঙ কয়া অমা ফংখি। স্পোর্টসকী লমদা চঙনিংলিবা নুপীমচাশিংবু শৌগৎপীনবা ঐনা মীপূম খুদীংমক্তা হায়জরি।
মহাক্না মখা তানা হায়, ঐগী ইমুং মনুংনা স্পোর্টসতা খোইদাজখিবনা ঐ লাইবক ফবা হায়বদু ওইখি, ইমুং মনুংগী ঙাক্লৌ হায়বসি তশেংনা মরু ওই। হৌজিক গভর্ণমেন্তনা মতম পূম্নমক্তা ঐখোয়বু শৌগৎপীরি, মতৌ অসিগুম্না মখোয়না লেপ্তনা শৌগৎপীগনি হায়না ঐনা আশা তৌই। ইন্দিয়াগী শান্নরোয়শিং তশেংনা হোৎনবা কল্লি। চহী নৌরিবা মীরোলনা মখোয়গী পামজবা ঙাক্লৌ অদু ফংলগদি মখোয়না ঐখোয়বু চাউথোকচবা পোকহনগনি।’
মণিপুরগী মিরাবাই চনুনা নুপীগী কেজি ৪৯গী ওয়েটলিফটিংদা সিলভার মেডেল লৌদুনা টোকিও অলিম্পিক্সতা ইন্দিয়াগী মেডেল তেল্লিগী একাউন্ট হাংদোকখি। ওয়েটলিফটার অদুনা মহাক্কী স্তেত মণিপুরদা থুংখিবগা হরাও তয়াম্না ওক্নদুনা পূক্নিং থৌগৎনখি। য়ুনিয়ন মিনিষ্টার অব য়ুথ এফেয়ার্স এন্ড স্পোর্টস অনুরাগ থাকুরনসু ইন্দিয়াগী অহানবা মেডেল লৌখিবী মিরাবাই চনুবু টোকিওদগী লৈবাক অসিদা থুংলবগা হরাও তয়াম্না ওকখি।
সোর্স: পোক্নফম

COMMENTS

WORDPRESS: 0
DISQUS: