পাকিষ্টানদা ট্রেন থেংজিন্নবগী থৌদোক্তা মীওই ৫০ শিখ্রে

Homeমপান লমদম

পাকিষ্টানদা ট্রেন থেংজিন্নবগী থৌদোক্তা মীওই ৫০ শিখ্রে

ইসলামাবাদ, জুন ০৭ : মী য়াম্না তোংদুনা লাকখিবা পাকিষ্টানি ইন্টার সিটি ট্রেন অমগা অতোপ্পা এক্সপ্রেস ট্রেন অমগা থেঙ্গাইনবগী থৌদোক্তা য়ামদ্রবদা মীওই ৫০ শি

ইসলামাবাদ, জুন ০৭ : মী য়াম্না তোংদুনা লাকখিবা পাকিষ্টানি ইন্টার সিটি ট্রেন অমগা অতোপ্পা এক্সপ্রেস ট্রেন অমগা থেঙ্গাইনবগী থৌদোক্তা য়ামদ্রবদা মীওই ৫০ শিরে, কয়া অমনা অশোক অপন নংহনখ্রে হায়না অফিসিয়েলশিংগী মায়কৈদগী ফোঙদোরক্লি।
অফিসেয়লশিংনা মখা তানা ফোঙদোকখিবদা ঙসি অয়ুক পুং ৩.৩০ রোম তারকপদা লাইবকথিবা থৌদোক অদু থোকখিবনি। থৌদোক অদুদা মীওই ৫০ শিখিবগা লোয়ননা খরা অমনা হৌজিক হৌজিকসু ট্রেন বগি মনুংদা থোরকপা ঙমদনা লৈরি। পাকিষ্টানগী সিন্ধ প্রোভিন্সকী মনুং হঞ্জিনবা দহারকি এরিয়াদা থৌদোক অদু থোকখিবনি।

ইন্টার সিটি ট্রেন অমগা অতোপ্পা এক্সপ্রেসট্রেন অমগা থেঙ্গাইনবগী থৌদোক্তা ট্রেন বগি অদু মথক মখা ওনখি

থৌদোক অদু থোকপগী পাউ হেক ফংবগা রেস্কুউ ৱার্কারশিংনা মফমদুদা চঙশিল্লক্তুনা মী কনবগী থবকশিং চত্থবা হৌখ্রে। তোঙান তোঙানবা অফবা মখলগী খূৎলাইশিং শীজিন্নদুনা চত্থরিবা থবক অদু পুং কয়া চঙলবা য়ানা লৈরি। ট্রেন থেঙ্গাইনবগী থৌদোক অদুদা অশোক অপন নংহৌদ্রবা আখতার রাজপুট কৌবা পেসেঞ্জার অমনা ফোঙদোরকখিবদা খঙহৌদনা অহৌবা মখোয়ল অমা থোকখিবগা লোয়ননা মখোয়না তোংলক্লিবা ট্রেন বগি অদু মথক মখা ওনখি। বগি অদুদা তোংলম্বা মীওইশিং অমগা অমগা ননশিন্নখি। অদুম ওইনমক মীশি মীনা নৎত্রগা কা হেনবা অশোক অপনশিংদি নংখিদে। অদুবু বগি মথক মখা ওনবগী থৌদোক অদুদা মহাক মিৎকুপ খরা ৱাখল মাঙখি। মহাক্না ৱাখল তারকপা মতমদা মঙোন্দগী পংলাপ লাপ্তবা মফমদা মীওইবগী হকচাংশিং তাদুনা লৈরম্বা অমদি খরা অমনা মথক মখা ওল্লবা বগিশিংদগী মপান থোরক্নবা হোৎনবা উখি।

রেস্কুউ ৱার্কারশিংনা মথক মখা ওন্দুনা তারিবা বগিদগী মী কনবগী থবক চত্থরি

ঙসি থোকখিবা থৌদোক অদুগা মরী লৈননা পাকিষ্টানগী ইনফোর্মেশন মিনিষ্টার ফরহাদ চৌধুরীনা লাইবকথিবা থৌদোক অদুদা মীওই ৫০ শিহনখিবগা লোয়ননা কয়া অমনা অশোক অপন নংহনখি হাইদুনা ফোঙদোরকখি। মসিমক য়াম্না থোকহন্নিংদবা থৌদোক অমনি। মীওই ৫০ শিখ্রে হায়না কনফার্ম তৌবা ঙমখ্রবসু কয়া শোকপগে হায়বদুদি চপ চানা হায়বা ঙমদ্রি। রেস্কুউ ৱার্কারশিংনা মথক মখা ওন্দুনা তারিবা বগিদগী মী কনবগী থবক অকনবা মওংদা চত্থরি। মখা তানা মীশি মীনা অমদি অশোক অপন থোক্তনবগীদমক ঈশ্বরগী মফমদা থৌনিজরি হাইনসু খংহনলকখি। অমরোমদা ট্রেন থেঙ্গাইনবগী থৌদোক থোকখ্রবা মতুং মনাক নক্না লৈরম্বা লৌমীশিংনা অশোকপশি খুদক্কী ওইনা কন্নবা হোৎনরম্বগী থৌওং অদুবু লৈঙাক্কী মায়কৈদগী থাগৎপা ফোঙদোরক্লি।

সোর্স – হুইয়েন লানপাউ

COMMENTS

WORDPRESS: 0
DISQUS: