নুপী অমা ভেক্সিন কাপ্লুরবা মতুংদা লৈখিদ্রে

Homeভারত

নুপী অমা ভেক্সিন কাপ্লুরবা মতুংদা লৈখিদ্রে

ইম্ফাল, জুন ৮: থৌবাল দিস্ত্রিক্তকী খাঙবোক পার্ট ১ খুল্লাকপম লৈকায়দগী থা তরেৎকী অঙাং চেল্লিবী নুপী অমা ঙরাং কোভিশিল্ড কাপ্লুরবা তুংদা লৈখিদ্রে। ইমুং-মন

ইম্ফাল, জুন ৮: থৌবাল দিস্ত্রিক্তকী খাঙবোক পার্ট ১ খুল্লাকপম লৈকায়দগী থা তরেৎকী অঙাং চেল্লিবী নুপী অমা ঙরাং কোভিশিল্ড কাপ্লুরবা তুংদা লৈখিদ্রে। ইমুং-মনুং অমসুং জে এ সিনা নুপী অদু ভেক্সিন কাপ্লুবদগী শিবনি হায়না ক্লেম তৌরি।

লৈখিদ্রবী নুপী অদুগী মমিংনা নাওরেম নিঙোল লাইশ্রম ওংবী কিরনবালা দেবী (৩৭), মপুরোইবগী মিং এল শরত কৌই। খাঙবোক পার্ট-১ খুল্লাকপম লৈকায়দগীনি। মীশি অসিগী মতাঙদা মপুরোইবা এল শরতনা হায়, মহাক্কী নুপী কিরনবালা ঙরাং নুংথিল পূং ১.৩০ রোম তাবদা সঙ্গাইয়ুম্ফম প্রাইমারি হেল্থ সাব সেন্টারদা কোভিশিল্ড ভেক্সিন কাপখি। ভেক্সিন কাপ্লবা মতুং অবজার্ভেসন রুমদা পূংখায় অমা পোত্থারগা য়ুমদা হল্লকখি। নুংথিল পূং ৫.৩০ রোম তারকপদা মশা নুংঙাইরক্তবদগী দিস্ত্রিক্ত হোস্পিতাল থৌবালদা পুখৎপদা লায়কন্নবা ঙমদনা লৈখিদবনি।

মহাক (কিরনবালা) ভেক্সিন কাপ্লুবা অসি নত্তনা মঙোন্দা অতোপ্পা লায়না অমত্তা লৈতে। মরম অসিনা মীশি অসিগী মতাঙদা মরী লৈনবশিংনা থিগৎপীদুনা মরাল লৈবশিংবু আইনগী ওইবা এক্সন লৌখৎপীয়ু অমসুং মরী লৈনবশিংনা য়েংশিনবীয়ু হায়না মপুরোইবা শরতনা ফোঙদোরক্লি। মীশি অসিগী মতাঙদা ঙসি খাঙবোক খুল্লাকপম লৈকায়দা মীয়ামগী মীফম ফম্লবা মতুং জে এ সি এগেনস্ত দি ডেথ অব নাওরেম নিঙোল লাইশ্রম ওংবী কিরনবালা দেবী (কোভিদ ভেক্সিনেসন) শেমদুনা তোঙান-তোঙানবা ৱারেপ কয়াসু লৌখ্রে।

জেএসিগী কনভেনর এল শান্তনা হায়, মশাগী লায়না অমত্তা লৈতবী মশা-মউ ফনা ইকন-কন্না লৈরম্বী কিরনবালা ভেক্সিন কাপ্লুবদগী খুদক্তা লৈখিদবা হায়বসি থম্মোয় শোক্না নুংঙাইতে। মহাক খাঙবোক্তা লৈবা বেজ একাডেমিগী আইডেল অইবী ওজা অমা ওইনা মীয়াম্না মশক খঙলিবনি। মহাক ভেক্সিন কাপ্নবা অনলাইনদা রেজিষ্টার তৌরগা ভেক্সিন কাপ্পনি। মীশি অসি ভেক্সিন কাপ্লুবদগীনি হায়বা খুল-লৈকায় মীয়ামগী অচেৎপা থাজবনি। মরম অসিনা লক্লিবা জুন ১০ ফাওবদা মীশি অসিগী মতাঙদা ইনভেস্টিগেসন তৌদুনা অচুম্বা অদু মীয়ামদা খঙহনবগা লোয়ননা মরাল লৈবশিংগী মথক্তা আইনগী ওইবা এক্সন লৌখৎপীয়ু। হায়রিবা মতম অসি ফাওবগী মনুংদা জে এ সিগী ডিমান্ড অসি থবক্তা ওন্থোরক্ত্রবদি লমদম অসিগী সি এস ও শিং অমসুং মীয়ামগা খূৎশম্নরগা মখল মখা কয়াগী খোঙজং চঙশিনগনি হায়না শান্তনা ফোঙদোকখি।

মরকসিদা, জে এ সিনা মণিপুরগী চীফ মিনিষ্টার, দি সি থৌবাল, এস পি থৌবাল, সি এম ও থৌবালদা মেমোরেন্দাম পীশিনখ্রে। মেমোরেন্দাম অদুনা লৈখিদ্রবীগী হকচাং পোস্ট মোর্টেম তৌবদা একজিকিউতিব মেজিস্ট্রেত অমসুং ভিডিও কেমেরা য়াওহনগদবনি। মীশি অসিগী জুডিসিয়েল ইনকোয়ারি তৌগদবনি হায়বা ৱাফম পল্লি।
সোর্স- পোক্নফম

COMMENTS

WORDPRESS: 0
DISQUS: