নিংথৌনা পিরম্বা য়ুম্নাক শাগৈশিং মীতৈ পাঙল ইচিল ইনাওশিংনা য়াম্না চেকশিন্ন ঙাক শেন্দুনা থমহন্নিংইঃ নিংথৌ সনাজাওবা

Homeকমিউনিটি

নিংথৌনা পিরম্বা য়ুম্নাক শাগৈশিং মীতৈ পাঙল ইচিল ইনাওশিংনা য়াম্না চেকশিন্ন ঙাক শেন্দুনা থমহন্নিংইঃ নিংথৌ সনাজাওবা

ইম্ফাল, জুলাই ১৮ঃ মীতৈ পাঙল ঈগী খোঙ্গুল লিবা ফাউন্ডেসন কম্মিটিনা শিন্দুনা সান কোনুংদা নিংথৌ সনাজাওবা লৈশেম্বগা পুকমেন পাউমেন্নবগী অচম্বা থৌরম অমা ঙরাং

ইম্ফাল, জুলাই ১৮ঃ মীতৈ পাঙল ঈগী খোঙ্গুল লিবা ফাউন্ডেসন কম্মিটিনা শিন্দুনা সান কোনুংদা নিংথৌ সনাজাওবা লৈশেম্বগা পুকমেন পাউমেন্নবগী অচম্বা থৌরম অমা ঙরাং এসওপি ঙাক্না পাঙথোকখ্রে হায়না লুপ অসিগী জেনারেল সেক্রেটারি বি এম আব্দুল মজিদনা থাদোরকপা চেরোল অমনা ফোংদোরক্লি। চেরোল অসিনা হায়, নিংথৌনা থৌরম মপু ওইদুনা পাঙথোকখিবা থৌরম অদুদা ফাউন্দেসন কমিটিগী মাইকৈদগী অমসুং অতৈ খুলশিংদগী লাকখিবা মীতৈ পাঙল ইচিল ইনাওশিংদগী নিংথৌদা হনগৎচখিবা ৱাফমশিং নিংথৌনা মুন্না তাবিরবা মতুংদা কমিটি অসিগী অফিস বিল্ডিং অমা শোইদনা শাবিরগনি হায়বগী থাজবা ৱাফম থমখি। সনা কোনুংদা হান্না লৈরম্বা কাজি লোইশঙ অমুক হন্না থমনিংবগী অপাম্বা নিংথৌনা ফোংদোকখি।

নিংথৌনা ফোংদোকখিবদা, জুলাই চৈচৎ ১৭ দা চহি খুদিংগী থৌরম পাঙথোকপদা মীতৈ পাঙল ইচিল ইনাউশিংগী মরক্তগী লান্না লৌবিবা য়াওরবদি লৌবিগনু। জুলাই ১৭ গি থৌরম অসিদি মরম কুইদা মীতৈ পাঙলশিংগা সনা কোনুংগা লাপথোক্নদুন লাকখিবা অদু নৌহৌননা অমুক হন্না তৎনা থৎনবা য়াদ্রবা অফবা মরি অমা শেমগৎমিন্ননবগীদমক্তনি। হৌখিবা কুমজা ২০১৯ গী জুলাই চৈচৎ ১৭ তগী হৌদুনা চহি খুদিংগী সনা কোনুংদা মীতৈ পাঙল ইচিল ইনাওশিংগা নিংথৌগা পুকমেন পাউমেন্নবগী থৌরম পাংথোকপনি। মসিদি মীতৈ পাঙলশিংন লমদম অসিদা অহানবা লাকখিবগী নিংশিংবা থৌরম নত্তে হায়খি।

নিংথৌনা মখা তানা হায়খিবদা, মীতৈ পাঙল ইচিল ইনাউশিংনা নিংথৌনা পিরম্বা য়ুম্নাক শাগৈশিং য়াম্না চেকশিন্না ঙাক শেন্দুনা থমহন্নিংই। মসিনা অচেৎপা মরি অমসু ওইরিবনি হায়খি। লাক্লিবা জুলাই চৈচৎ ২১দা পাংথোক্কদৌরিবা ঈদ-উল-আযহা থৌরমগী মাংওইননা লৈবাক্কী মীয়ামদা মরু ওইনা ইসলাম লাইনিং চৎপা মীতৈ পাঙলশিংদা য়াইফ পাউজেল পিখিবগা লোয়ননা মালেমগী মীয়ামদা শন্দোরক্লিবা কোভিদ- ১৯ পেন্ডামিক অসিদগী ঙাকথোকপিনবা তাইবং মপুগী মফমদা থৌনিখি।
মীতৈ পাঙল ইচিল ইনাওশিংনসু ঈদকি থৌরমদা মালেমগী মীয়ামগী অৱাবা কোকহনবিনবা মপুগী মফমদা থৌনিবিয়ু হায়খি। মহাক্না মখা তারদুনা মালেম পুম্বদা শন্দোরক্লিবা লাইচৎ অসি থিংনবা ঐখোয় পুন্না কোভিদ ভেক্সিন কাপথোকসি। হিদাক অসি কাপথোক্লবদি ঈশ্বরগী থৌজালদগী মথংগী চহিদদি ঐখোয় ময়াম পুনবা য়াগনি থাজৈ। লাইচৎ অসি থেংনবা পুন্না থৌদাং লৌমিন্নসি হায়নসু নিংথৌনা ফোংদোকখি। থৌরম অদু লোইশিল্লকপদা কমিটিগী মাইকৈদগী ইংখোলদা হৌবা ইন্সাং নাপ্পিশিং খুদোল তমখি।

COMMENTS

WORDPRESS: 1
DISQUS: