নাসানা থা-দা মী থাবগী প্রোজেক্ট চত্থবা লেপখ্রে

Homeটেক

নাসানা থা-দা মী থাবগী প্রোজেক্ট চত্থবা লেপখ্রে

টেক ডেস্কঃ নাসানা থা-দা মী থানবা স্পেসশীপ শেম্বগিদমক ইলন মাস্ককি কোম্পানী স্পেসএক্সকা ক্রোর ২৯০ ডলারগী চুক্তি তৌখি। অদুবু চুক্তি অসিগী মায়োক্তা কোম্পা

টেক ডেস্কঃ নাসানা থা-দা মী থানবা স্পেসশীপ শেম্বগিদমক ইলন মাস্ককি কোম্পানী স্পেসএক্সকা ক্রোর ২৯০ ডলারগী চুক্তি তৌখি। অদুবু চুক্তি অসিগী মায়োক্তা কোম্পানী অনিনা কমপ্লেইন তৌরকপদগি চুক্তি অদো পোস্তপোন্দ তৌখ্রে ইউএসএগী স্পেস রিসার্চ কোম্পানী অসিনা।

দ্যা ভার্জকি রিপোর্টতা হায়রি, থা-দা মী ল্যান্ড তৌবগী প্রোজেক্ট অসিগি মীং হিউম্যান ল্যান্ডিং সিস্টেম (এইচএলএস) কৌই। প্রোজেক্ট অসিগি থবক চত্থবা লেপ্নবা হায়না ইউএসকি গভর্নমেন্ট অ্যাকাউন্টেবিলিটি ওফিসতগি ওর্ডার থোকখি। হায়বদি, স্পেসএক্স চুক্তি অদুগী অহানবা শরুক্কি লুপা য়াম য়াংনা  ফংবগী ৱা লৈত্রে।

এপোলো প্রোজেক্টকি মতুংদা থা-দা মী থাবগী থৌদাং নাসাগী মাইকৈদগি অসিনা অহানবনি। প্রোজেক্ট অসিগিদমক হৌখিবা এপ্রিল ১৬ ইলন মাস্ককি কোম্পানী অদুবু খনখিবগি ৱা লাওথোকখি। অসিগি মমাংদসু স্পেসএক্সকা পুন্না থবক তৌবিনখ্রে নাসা।

অসিগুম্বা অচাওবা প্রোজেক্ট অমগিদমক কোম্পানী অমখক্তং খনলুবা অদুনা অপনবসি থোক্লিবনি, অতাবিদা কোম্পানী অনি খনবগি ৱা লৈরম্মি। নাসানা লৌখিবা ৱারেপকি মায়োক্তা জেফ বেজোসকি ব্লু অরিজিন অমসুং ডাইনেটিক কৌবা কোম্পানী অনিনা গভর্নমেন্ট অ্যাকাউন্টেবিলিটি ওফিসতা কমপ্লেইন তৌখি। চুক্তি অদুগিদমক কোম্পানী অনিদুসু এপ্লাই তৌখিবনি। ব্লু ওরিজিনগি ৱাফমদি, ইচুম চুমদনা নাসানা লোইরমদাইদা ৱারেপ হোংখি, মরম অদুনা নাসানা হায়রিবা মতমগি মনুংদা থবক লোয়সিনবদা অকায়বা লাক্কনি, অসিনি। নাসাগী মাইকৈদগি মনিকা উইটনা চেরোল’মদা হায়, কমপ্লেইন অদু লুম্না লৌদুনা গভর্নমেন্ট অ্যাকাউন্টেবিলিটি ওফিসতা চত্থরিবা মামলা অদু লোইসিন্দ্রিফাও এইচএলএস প্রোজেক্টকি থবক লেপ্নবা হায়না নাসানা স্পেসএক্সতা ওর্ডার পিখতখি।

রিনিউয়েবল স্পেসশিপ ‘স্টারশিপ’ শেম্বগি থবক তৌরি স্পেসএক্স। তুংদা অদুগি মতেংনা থা অমসুং মার্সতা মী অমদি পোত চৈ হোনবগি ৱা লৈরি। মরু ওইবা মরম অনিখককি ৱাখলদগি নাসানা স্টারশিপপু খনখিবনি। অহানবদা, অমুক্তা পোত চৈ য়াম্না পুবা য়াবগি খুদোংচাবা লৈ স্টারশিপতা। অমনা, প্রোজেক্ট অসিগি দমক স্পেসএক্সকি ডলার ক্রোর ২৯০ অসে ব্লু ওরিজিন অমসুং ডাইনেটিকসকি হায়রিবা মমলদগি লিকই। স্টারশিপপু শেম শাবদা স্পেসএক্সকি বিলিওনিয়ার চীফ এক্সিকিউটিভ ওফিসার ইলন মাস্কনা মতম শাংনা অচৌবা মতেং পাংনা লাকখি।

থা-দা তেক কাইদনা হোনবগি চুক্তি অদুবু ‘অহানবা খোংথাংনি’ হায়না মতম অদুদা পনখি নাসাগী ওফিসার ক্যাথি লিডারসনা। তুংদসু চুক্তি অতৈ তৌবগি খুদোংচাবা লাক্কনি হায়নসু পনখি।

COMMENTS

WORDPRESS: 0
DISQUS: