দার্ক দে অবজার্ভেসন পাঙথোকখ্রেইপসা-না পাংথোকপা ২৩ শুবা দার্ক দে অবজার্ভেসনগী থৌরম

Homeকমিউনিটি

দার্ক দে অবজার্ভেসন পাঙথোকখ্রে

এঙ্গলো মণিপুরী ৱার লোইখ্রবা মতুং কুমজা ১৮৯১, এপ্রিল ২৭কী অয়ুক পূং ৭ তাবা মতমদা বৃটিশ লান্মীনা নীংশিংবা থোক্ত্রবা মতমদগী মনিং মখা তমদুনা লাক্লবা কংলৈপা

এঙ্গলো মণিপুরী ৱার লোইখ্রবা মতুং কুমজা ১৮৯১, এপ্রিল ২৭কী অয়ুক পূং ৭ তাবা মতমদা বৃটিশ লান্মীনা নীংশিংবা থোক্ত্রবা মতমদগী মনিং মখা তমদুনা লাক্লবা কংলৈপাক মণিপুরগী কোনুং কংলা খুদুম চনখিবা নুমিৎ অমসুং ঙসিগী মীরোলনা অথৌবশিংবু ইকায় খুম্নবা উত্তুনা মতম চুপ্পদা নীংশিংদুনতা লৈহৌরগদবা লাইওইখ্রবশিংবু শৈথাবা ওইনা চহী খুদিংগী এপ্রিল ২৭পু দার্ক দে হায়না পাউথোক্তূনা লাক্লি। চৎলিবা চহী অসিগী ওইনসু দার্ক দে অবজার্ভেসন কমিটি ইন্টারনেশনেল পীস এন্ড সোস্যাল এদভান্সমেন্ট (ইপসা) না শীন্দুনা ইপসা থৌবাল ব্রাঞ্চ অফিসনা ২৩ শুবা দার্ক দেগী থৌরম পাঙথোকখ্রে।

ইপসাগা লোয়ননা জাস্টিস কমিটি অন এঙ্গলো মণিপুরী ৱার ১৮৯১, মার্টিরস এন্ড ফ্রীদম ফাইটার্স কংলৈপাক্কা পূন্না খূৎশম্নদুনা শীনখিবা প্রোগ্রামনি। ঙসিগী থৌরম অদুদা সামোম রঘুমনি, প্রেসিডেন্ট থৌবাল অপূনবা লুপ (টিএএল)না অথোইবা মীথুং, বিশ্বজিৎ অকোইজম প্রেসিডেন্ট ইপসা থৌবাল ব্রাঞ্চনা থৌরম মপু অমদি লাইমুজম প্রতাপ সিংহ, ভাইস প্রেসিডেন্ট ইপসা থৌবাল ব্রাঞ্চনা অখন্নবা মীথুং ওইনা শরুক য়াখি।

থৌরমগী মনুং চন্না ৱা ঙাঙখিবশিংনা হায়খিবদা মথৌনা লৈবা ইপা-ইপুশিংনা তৌরম্বা কয়াদুনা ৱারী ওইবখক নত্তনা ময়াম পূম্নমক খূৎশম্নদুনা চৎমিন্নবা মতম ওইরে। লিংজেল মান্নবা ৱাখল্লোন অমত্তা ওইবগা লোয়ননা মাঙলোমদা চৎনবা হোৎনমিন্নসি হায়খি।

সোর্সঃ হুইয়েন লানপাউ।

COMMENTS

WORDPRESS: 0
DISQUS: