দাঃ রঞ্জননা পোনি য়োকখৎনবা পার্লিয়ামেন্ততা তকশিনখ্রে

Homeভারত

দাঃ রঞ্জননা পোনি য়োকখৎনবা পার্লিয়ামেন্ততা তকশিনখ্রে

মিরর ওনলাইন ডেস্কঃ মণিপুরগী শগোল কাংজৈ গী মশান্নদা শীজিন্নরিবা `মণিপুরী পোনি' কন্নবা অমসুঙ য়োকখৎনবা অখন্নবা প্রোজেক্ত অমা পায়খৎনবা ইন্নর মণিপুর লোক সভ

মিরর ওনলাইন ডেস্কঃ মণিপুরগী শগোল কাংজৈ গী মশান্নদা শীজিন্নরিবা `মণিপুরী পোনি’ কন্নবা অমসুঙ য়োকখৎনবা অখন্নবা প্রোজেক্ত অমা পায়খৎনবা ইন্নর মণিপুর লোক সভাগী এম পি দাঃ আর কে রঞ্জননা পার্লিয়ামেন্ততা পুখৎখ্রে হায়রি। পার্লিয়ামেন্তকী চত্থরকখিবা বজেট সেসসগী ঙরাং ফমখিবা অরোইবা মীফম অদুগী দিসকসন অৱারদা দাঃ রঞ্জননা ৱাফমসি পুথোক্তুনা হায়খি, মোর্দন পোলোগী হৌরকফম ওইরিবা মণিপুরগী শগোল কাঙজৈ মশান্নদা শীজিন্নবা `মণিপুরগী পোনি’ অসি ঙসিদি নোংম-নোংমগী অসুম মশীং হন্থরক্তুনা মূৎখিবা য়াবগি থাক অমদা লাক্লে।

এম পি দাঃ আর কে রঞ্জন

ঙসিদি পোনিগী মশীং অসি শুপ্নগী ৫০০ ফাওবা য়ৌদ্রে। মাঙশিল্লক্লিবা শগোল মখল অসিবু কন্নবা অমদি য়োকখৎনবা পোনিগীদমক অখন্নবা প্রোজেক্ত অমা পায়খৎপা মথৌ তারক্লে। মণিপুরগী গবর্নমেন্তকী ওইনদি ফন্দ মতীক চানা লৈতবা মরম্না পোনিগীদমক্তা অখন্নবা প্রোজেক্ত লৌখৎপা ঙমদ্রি। মরম অসিনা পোনি কন্নবা অখন্নবা প্রোজেক্ত অমগী মখাদা শেন্থং কায়থোকপিনবা প্রাইম মিনিস্তর অমসুং য়ুনিয়ন ফাইনান্স মিনিস্তরগী পূক্নীং চিংশিনখি।

মহাক্না মখা তানা, ভারতমালা পরিযোজনাগী মখাদা কিলোমিতর লীশীং ১৩ শাংবা লম্বী অমসুং মসিগী মথক্তা কিলোমিতর লীশীং ১১ শাংবা নেস্নেল হাইৱে কোরিদোর শেম্নবা মিনিস্ত্রি ওফ রোদ ত্রান্সপোর্ত এন্দ হাইৱেজগি মখাদা লুপা কোতি১,১৮,১০১ গী শেনফম বজেত্তা হাপ্লি। মসিগী মথক্তা নোর্থ ইস্ত ইন্দিয়াগী ওইবা জিও-তোপোগ্রাফিকেল সিচুয়েসন্দা য়ুম্ফম ওইবা অখন্নবা যোজনা অমা বজেত্তা হাপ্পিয়ু।
ইম্ফাল – মোরে শম্নবা রেলৱে লাইন পায়খৎনবা অমসুং লোক্তাক্তা তাংদুনা লৈরিবা ঙামীশিং গী য়াইফনবা থবক থৌরম কয়া পায়খৎনবা ৱাফমসু এম পি আর কে রঞ্জননা হাউসতা পুখৎখি হায়দুনা  ঙরাং ১৩ ফেব্রুয়ারী ২০২১ থাংজ নুমীৎকী মণিপুরদগী ফোংবা নুত্তিগী পাউচে পোক্নফমদা  ফোংদোকলকখি।

অমরোমদনা ১৩ ফেব্রুয়ারী ২০২১’ থাংজ নুমীৎকী সেসনদসু আর কে রঞ্জননা নেতাজী সুভাস চন্দ্র বসকী ১২৫রক শুবা মপোক কুমওন (পরাক্রম দিবস)গা মরি লৈনবা  থৌরম মণিপুরদা পাংথােকপগী মতাংদসু হাউসতা ৱাহৈ কয়া ফোংদোকখি। হিরম অসিগা মরি লৈনবা ভিডিও অমসু মখাদা হাপচরি।

১৩ ফেব্রুয়ারী ২০২১’ থাংজ নুমীৎকী সেসনদ আর কে রঞ্জননা পার্লিয়ামেন্ততা ৱা ঙাংবা I (ভিডিও কোর্টেসি – লোকসভা টিভি/ Lok Sabha TV)

COMMENTS

WORDPRESS: 0
DISQUS: