ত্রিপুরাদা ইমালোনগী নুমিৎ পাঙথোকখ্রে

Homeস্ক্রলবার

ত্রিপুরাদা ইমালোনগী নুমিৎ পাঙথোকখ্রে

ইম্ফাল, আগস্ট ২৩: কুমজা ১৯৯২গী আগস্টকি চৈচৎ ২০দা মণিপুরী লোলনা ভারতকি ৮ শুবা সেদ্যুল্ডা চনখিববু নিংশিংদুনা ত্রিপুরাগী মীতৈ খুঞ্জাও লালশিংমুরাদা লৈবা স

ইম্ফাল, আগস্ট ২৩: কুমজা ১৯৯২গী আগস্টকি চৈচৎ ২০দা মণিপুরী লোলনা ভারতকি ৮ শুবা সেদ্যুল্ডা চনখিববু নিংশিংদুনা ত্রিপুরাগী মীতৈ খুঞ্জাও লালশিংমুরাদা লৈবা সোসিও এন্ড কালচারেল অর্গানাইজেশন মরুপ অমদি পেত্রোতিইক রাইটার্স ফোরাম, ত্রিপুরা ব্রাঞ্চকা খুৎশম্নরগা ৩০ রক শুবা ইমালোনগী নুমিৎ নিংশিং থৌরম ঙরাং পাঙথোকখ্রে হায়না পি এ ডব্লিয়ু এফ ত্রিপুরা ব্রাঞ্চকি সেক্রেটারি এন সুবিননা থাদোরকপা চেরোল অমনা ফোঙদোরক্লি।
থাং তা য়াওনা নাৎকি ওইবা ঈশৈ জগোয় কয়াগা লোয়ননা পাঙথোকখিবা ইমালোনগী নুমিৎ নিংশিং থৌরম অদুদা মণিপুরী সাহিত্য পরিষদ ত্রিপুরাগী জেনারেল সেক্রেটারি লাঙ্গোলজম বিরমঙ্গলনা অথোইবা মীথুংলেন, মরুপ অর্গানাইজেশনগী এডভাইজর নিংঙোম্বম মধু সিংহনা থৌরম মপু ওইনা শরুক য়াখি। থৌরম অদুদা এন আই টি আগরতলাগী এসিস্টেন্ট প্রোফেসর অনুরাধা নোংমাইথেম, তখেল লৈরাংগী এডিটর টি ঐচ নিলকুমার অমদি ঙাঙোম মধুমঙ্গলনা অখন্নবা মীথুংলেন অইনা শরুক য়াখি।
ইমালোনগী নুমিৎ নিংশিং থৌরম পাঙথোকপগী মতাংদা মরুপ অর্গানাইজেশন অমদি পেত্রোইতিক রাইটার্স ফোরাম, ত্রিপুরাগী এডভাইজর নিংঙোম্বম প্রনয়না নুংগী ওইবা ৱারোল থমখি। মহাক্না হায়, ত্রিপুরাগী লালশিংমুরাদা কুমজা ২০১১দগী মরুপ অর্গানাইজেশননা শিললাংদুনা ১৯৯২গী আগষ্টকি চৈচৎ ২০ অসিবু নিংশিংদুনা ইমালোনগী নুমিৎ পাঙথোক্তুনতা লাক্লি। কুমজা ২০১৩দা পেট্রোইটিক রাইটার্স ফোরাম, ত্রিপুরা ব্রাঞ্চ লিংখৎলবা মতুং কুমজা ২০১৪দগী ফোরাম অসিগা খুৎশম্নরগা নুমিৎ অসিবু নিংশিংদুনা লাকক্লি। ইমালোনগী নুমিৎনা লাকপসিদা ত্রিপুরাদা খুন্দারিবা মীতৈ ইচিল ইনাওশিংদা হায়জরি মদুদি ঐখোয়গী লোল অসি শিজিন্নসি, লোল অসি ঙাংনসি, লোল অসি ঐখোয়না শিজিন্নদ্রগদি ঐখোয়গী ইপা ইপুশিংনা থম্বিরম্লিবা লোল অমদি ময়েক অসি মাংখিগনি। ঐখোয়গী লোল অমদি ময়েক অসি কনমিন্নসি হায়খি।
অথোইবা মীথুংলেন ওইনা শরুক য়াখিবা লাঙ্গোলজম বিরমঙ্গোলনা ফোঙদোকখিবদা, মণিপুরী লোনগী থাক অসি হেন্না ৱাংবা থাক অমদা পুখৎনবা হোৎনবদা চাওনা মতেং ওইননবা লোল অসি ক্লাসিকেল লেঙ্গুয়েজগী থাক্তা পুখৎনবা হোৎনবা মথৌ তারে। ত্রিপুরা লৈঙাক্নসু লোল অসিবু চাওখৎনবা হোৎনবদা অহেনবা মীৎয়েং চংবিয়ু। ইমালোনগী থৌরম অদুগী মতাংদা পি এ ডব্লিয়ু এফ মণিপুরগী সেক্রেটারি রাকেশ নাওরেম্না য়াইফ পাউজেল পিবা ৱারোল অমসু নিংঙোম্বব প্রনয়না পাথোক্তুনা মীয়ামদা তাহনখি।
থৌরম অদুদা ত্রিপুরাগী তোঙান তোঙানবা আর্টিষ্টশিংনা নাৎকি ওইবা থৌরমশিং উৎখি। ত্রিপুরাগী মশক নাইবা মীওই কয়াসু শরুক য়াখি।
সোর্স: পান্দম

COMMENTS

WORDPRESS: 0
DISQUS: